ରାୟଗଡା ୭|୧: ଓଡିଶା ଭିତରକୁ ପଶି ଆସିଛନ୍ତି ଆନ୍ଧ୍ରପ୍ରଦେଶର ୭ଟି ହାତୀ । ହାତୀମାନେ ରାୟଗଡା ବ୍ଲକ କରେଡା ପଞ୍ଚାୟତର ବିଭିନ୍ନ ଗାଁରେ ବ୍ୟାପକ କ୍ଷୟକ୍ଷତି ଘଟାଇଛନ୍ତି । ବନ ବିଭାଗ ହାତୀପଲକୁ ଘଉଡାଇବାକୁ ଉଦ୍ୟମ ଜାରି ରଖିଛି। ସ୍ଥାନୀୟ ବୋରୁହାଲୁଆ, ଅଣିଜା, ଏମ୍ପଲବାଲସା, ମେଟୁକରେଡା ଅଂଚଳରେ ବ୍ୟାପକ କ୍ଷୟକ୍ଷତି ଚଳାଇଛନ୍ତି । ଏହି ହାତୀ ପଲରେ ୪ଟି ଛୁଆ ଓ ୩ଟି ମାଈ ହାତୀ ରହିଛନ୍ତି । ହାତୀ ମାନେ ବ୍ୟାପକ ଧାନ, କାନ୍ଦୁଲ, ମାଣ୍ଡିଆ ଓ ପରିବା ଫସଲକୁ ନଷ୍ଟ କରିଦେଇଛନ୍ତି । ହଠାତ ହାତୀପଲକୁ ଦେଖି ଗ୍ରାମବାସୀ ମାନେ ଭୟଭୀତ ହୋଇ ପଡିଛଥିଲେ । ହାତୀ ଘଉଡାଇବାକୁ ଯାଇ ବୋରୁହାଲୁଆ ଗ୍ରାମ ଜଣେ ଗ୍ରାମବାସୀ ଆହତ ହୋଇଛନ୍ତି । ବନବିଭାଗର କର୍ମଚାରୀ ମାନେ ହାତୀ ଘଉଡାଇବା କାର୍ଯ୍ୟରେ ସାମିଲ ଅଛନ୍ତି । ବାଣ ଫୁଟାଇବା ସହିତ ଅନ୍ୟ ଉପାୟରେ ଜଙ୍ଗଲ ଭିତରକୁ ହାତୀ କିଭଳି ଯିବେ ସେଥିପାଇଁ ଉଦ୍ୟମ ଜାରି ରଖିଛନ୍ତି ।
ମିଳିଲାନି ଟିକେଟ୍, ଅସନ୍ତୁଷ୍ଟକୁ ଥଇଥାନ କଲା ବିଜେଡି...