Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ମୁଖ୍ୟମନ୍ତ୍ରୀଙ୍କ ପୁଅ ବାହା ହେଉଛନ୍ତି ଜଣେ ସାଧାରଣ ଝିଅକୁ

8/03/2019 at 4:08 PM

ରାଞ୍ଚି ୮/୩ : ଝାରଖଣ୍ଡର ମୁଖ୍ୟମନ୍ତ୍ରୀ ରଘୁବୀର ଦାସ ନିଜର ସରଳ ଜୀବନ ଶୈଳୀକୁ ଚର୍ଚ୍ଚାରେ ଅଛନ୍ତି | ମୁଖ୍ୟମନ୍ତ୍ରୀଙ୍କ ପୁଅ ବାହାଘର ହେବାକୁ ଅଛି | ସାଧାରଣତଃ ଦେଖାଯାଏ ବଡ ଘର କିମ୍ବା ରାଜନୈତିକ ହସ୍ତୀଙ୍କ ବାହାଘର ବହୁତ ଧୂମଧାମରେ ହୋଇଥାଏ | କିନ୍ତୁ ଝାରଖଣ୍ଡ ମୁଖ୍ୟମନ୍ତ୍ରୀଙ୍କ ପୁଅ ଲଳିତ ଦାସଙ୍କ ବାହାଘର ବହୁତ ସାଧାରଣ ପରିବାରରେ ଏବଂ ନିରାଡମ୍ବର ଭାବେ କରାଯାଉଛି |


ଛତିଶଗଡ଼ର ଜଣେ ସାଧାରଣ ମଧ୍ୟବିତ୍ତ ପରିବାରର ଝିଅ ପୁର୍ଣିମା ଆଜି ଝାରଖଣ୍ଡ ମୁଖ୍ୟମନ୍ତ୍ରୀ ରଘୁବୀର ଦାସଙ୍କ ପରିବାରର ବୋହୁ ହେବାକୁ ଯାଉଛନ୍ତି | ରାୟପୁରର ଏକ ହୋଟେଲରେ ଲଳିତଙ୍କ ବାହାଘର ଅଛି | ବାହାଘର ଆୟୋଜନ ମଧ୍ୟ ଅତି ସାଧାରଣ ଭାବେ କରାଯାଇଛି |


ମୁଖ୍ୟମନ୍ତ୍ରୀଙ୍କ ପୁଅ ଲଳିତ ରାଞ୍ଚିରେ ଟାଟା ଷ୍ଟିଲରେ ଆସିଷ୍ଟାଣ୍ଟ ମ୍ୟାନେଜର ଅଛନ୍ତି | ପୁର୍ଣିମା ଜଣେ ସାମ୍ବାଦିକଙ୍କ ସହ କଥାବାର୍ତ୍ତା ବେଳେ କହିଛନ୍ତି ଯେ, ତାଙ୍କର ଜଣେ ସମ୍ପର୍କୀୟ ଭଉଣୀର ବାହାଘର ରଘୁବୀର ଦାସଙ୍କ ପରିବାରରେ ହୋଇଛି | ରଘୁବୀରଙ୍କ ଘର ମଧ୍ୟ ଛତିଶଗଡ଼ରେ | ସେଥିପାଇଁ ତାଙ୍କ ପରିବାର ଚାହୁଁଥିଲା ପୁଅ ପାଇଁ ବୋହୁ ମଧ୍ୟ ଛତିଶଗଡ଼ରୁ ଆଣିବେ |


ପୁର୍ଣିମା କହିଛନ୍ତି ଯେ, ତାଙ୍କ ପାଇଁ ଅନେକ ବିବାହ ପ୍ରସ୍ତାବ ଆସୁଥିଲା | କିଛି ଯୁବକ ତାଙ୍କୁ ଦେଖିବାକୁ ମଧ୍ୟ ଆସିଥିଲେ | ଏତିକିବେଳେ ମୁଖ୍ୟମନ୍ତ୍ରୀଙ୍କ ପୁଅ ପାଇଁ ମଧ୍ୟ ତାଙ୍କ ପାଖକୁ ପ୍ରସ୍ତାବ ଆସିଥିଲା | ରଘୁବୀରଙ୍କ ପରିବାର ପୁର୍ଣିମାଙ୍କୁ ଦେଖିବାକୁ ତାଙ୍କ ଘରକୁ ଯାଇଥିଲେ | ପୁର୍ଣିମାଙ୍କ ସାଧାରଣ ଜୀବନ ଶୈଳୀ ରଘୁବୀରଙ୍କ ପରିବାରକୁ ବହୁତ ଭଲ ଲାଗିଥିଲା | ନିଜ ସରଳ କଥାବାର୍ତ୍ତା ଏବଂ ସୁନ୍ଦର ବ୍ୟବହାରରୁ ରଘୁବୀରଙ୍କ ପରିବାରର ମନ କିଣି ନେଇଥିଲେ ପୁର୍ଣିମା | ଏହାପରେ ନିର୍ବନ୍ଧ ହୋଇଥିଲା ଏବଂ ବିବାହ ତାରିଖ ଘୋଷଣା ହେଲା | ପୁର୍ଣିମା କହିଛନ୍ତି ଯେ, ମୁଖ୍ୟମନ୍ତ୍ରୀଙ୍କ ଘରର ବୋହୁ ହେବା କଥା ଜାଣି ପୁର୍ଣିମା ବହୁତ ଡରି ଯାଇଥିଲେ | କିନ୍ତୁ ରଘୁବୀର ପୁର୍ଣିମାଙ୍କୁ ବୁଝାଇ ଥିଲେ | ଯାହାଫଳରେ ପୁର୍ଣିମାଙ୍କ ଡର ଦୂର ହୋଇଯାଇଥିଲା |

   Related Posts