Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମାହିଙ୍କ ସନ୍ୟାସ ଘୋଷଣା ପରେ ବିସିସିଆଇକୁ ମୁଖ୍ୟମନ୍ତ୍ରୀ ସୋରେନଙ୍କ ଅପିଲ-‘ରାଞ୍ଚିରେ ହେଉ ଧୋନୀଙ୍କ ଫେୟାରୱେଲ ମ୍ୟାଚ୍, ସାରା ବିଶ୍ୱ ରହିବ ସାକ୍ଷୀ’

16/08/2020 at 3:40 PM

ଡେରାଡୁନ ୧୬/୦୮ : ଝାରଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ଓ ପୂର୍ବତନ ମୁଖ୍ୟମନ୍ତ୍ରୀ ରଘୁବର ଦାସ କ୍ରିକେଟର ମହେନ୍ଦ୍ର ସିଂହ ଧୋନୀଙ୍କୁ ଯୁବପିଢ଼ିଙ୍କ ପ୍ରେରଣାର ଉତ୍ସ ବୋଲି କହିଛନ୍ତି | ହେମନ୍ତ ସୋରେନ ଧୋନୀଙ୍କ ପାଇଁ ରାଞ୍ଚିରେ ଏକ ଫେୟାରୱେଲ ମ୍ୟାଚ କରାଇବା ପାଇଁ ପ୍ରସ୍ତାବ ଦେଇଛନ୍ତି | ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)କୁ ହେମନ୍ତ ସୋରେନ ଏହି ପ୍ରସ୍ତାବ ଦେଇଛନ୍ତି | ଭାରତୀୟ କ୍ରିକେଟର ସବୁଠାରୁ ସଫଳ ଅଧିନାୟକ ଧୋନୀ ଅନ୍ତର୍ଜାତୀୟ କ୍ରିକେଟରୁ ସନ୍ୟାସ ଘୋଷଣା ପରେ ହେମନ୍ତ ସୋରେନ ପ୍ରତିକ୍ରିୟା ରଖି କହିଛନ୍ତି, ‘ଦେଶ ଓ ଝାରଖଣ୍ଡକୁ ଗର୍ବ ଓ ଉତ୍ସାହର ଅନେକ ମୁହୂର୍ତ୍ତ ଦେଇଥିବା ମାହି ଆଜି ଅନ୍ତର୍ଜାତୀୟ କ୍ରିକେଟରୁ ସନ୍ୟାସ ନେଇଛନ୍ତି | ଆମ ସମସ୍ତଙ୍କ ପ୍ରିୟା ଝାରଖଣ୍ଡ ମାଟିର ପୁଅ ମାହିଙ୍କୁ ନୀଳ ଜର୍ସିରେ ଆଉ ଦେଖିବାକୁ ମିଳିବନି | କିନ୍ତୁ ଦେଶବାସୀଙ୍କ ମନ ଏବେ ପୂରିନି |’

ମୁଖ୍ୟମନ୍ତ୍ରୀ କହିଛନ୍ତି, “ମୁଁ ଚାହୁଁଚି ମାହିଙ୍କ ପାଇଁ ରାଞ୍ଚିରେ ଏକ ଫେୟାରୱେଲ ମ୍ୟାଚ ହେଉ ଯାହାକୁ ସାରା ବିଶ୍ୱ ସାକ୍ଷୀ ରହିବ  | ମୁଁ ଏଥିପାଇଁ ବିସିସିଆଇକୁ ଅପିଲ କରିବାକୁ ଚାହିଁବି ଯେ ମାହିଙ୍କ ପାଇଁ ଏକ ଫଂୱୟାରୱେଲ ମଞ୍ଚ ହେଉ ଏବଂ ଏହାର ହୋଷ୍ଟିଙ୍ଗ  ଝାରଖଣ୍ଡ କରିବ |”

ପୂର୍ବତନ ମୁଖ୍ୟମନ୍ତ୍ରୀ ରଘୁବର ଦାସ କହିଛନ୍ତି, ” ନିଜ ଖେଳ ଓ ବ୍ୟବହାର ଦ୍ୱାରା ନିଜର ପ୍ରତିଷ୍ଠା ସ୍ଥାପନ କରିଥିବା ଝାରଖଣ୍ଡର ଗର୍ବ ଗିରାଵ କ୍ୟାପଟେନ କୁଲ ମହେନ୍ଦ୍ର ସିଂହ ଧୋନୀ ଯୁବପିଢୀଙ୍କ ପାଇଁ ପ୍ରେରଣା ଉତ୍ସ | କ୍ରିକେଟ ଜଗତ ଓ ଭାରତୀୟ ଟିମକୁ ଧୋନୀଙ୍କ ନ ରହିବା ବହୁତ ମନେପଡିବ | ଦେଶକୁ ଅନେକ ମ୍ୟାଚ ଜିତିଥିବା ମାହିଙ୍କୁ ଭବିଷ୍ୟତ ପାଇଁ ଅନେକ ଅନେକ ଶୁଭକାମନା |”

ବିଜେପି ପ୍ରଦେଶ ଅଧ୍ୟକ୍ଷ ଦୀପକ ପ୍ରକାଶ ଏକ ବୟାନରେ କହିଛନ୍ତି ଯେ ଧୋନୀ କେବଳ ଝାରଖଣ୍ଡର ନୁହେଁ ବରଂ ପୁରା ଦେଶର ଗୌରବ | ଖରଖଣ୍ଡର ପ୍ରତିଭା ସାରା ଦେଶ ସାମ୍ନାକୁ ଆସିଛି କିନ୍ତୁ କ୍ରିକେଟରେ ଧୋନୀ ଦୁଇଥର ଦେଶକୁ ବିଶ୍ୱକପ ବିଜେତା କରାଇଛନ୍ତି | ଏଥିପାଇଁ ରାଜ୍ୟ ଓ ଦେଶକୁ ଯଶ ପ୍ରାପ୍ତି ହୋଇଛି ବୋଲି ସେ କହିଛନ୍ତି |

   Related Posts