ଓ୍ବାଶିଂଟନ୍ ୧୭/୧୦: ଆମେରିକା ନିର୍ବାଚନ ଉପରେ ସାରା ବିଶ୍ବର ନଜର ରହିଛି। ୨୦୨୦ ରାଷ୍ଟ୍ରପତି ନିର୍ବାଚନରେ ଆମେରିକା ସେଲିବ୍ରିଟି ଦମ୍ପତି ଜେନିଫର ଲୋପେଜ୍ ଓ ଆଲେକ୍ସ ରୋଡ୍ରିଗ୍ଜ ଟ୍ରମ୍ପଙ୍କ ପ୍ରତିପକ୍ଷ ଜୋ ବିଡେନ୍ଙ୍କୁ ଆନୁଷ୍ଠାନିକ ଭାବେ ସମର୍ଥନ ଜଣାଇଛନ୍ତି ।
ଫୋକ୍ସ ନ୍ୟୁଜ୍ର ରିପୋର୍ଟ ଅନୁସାରେ, ପୂର୍ବତନ ଉପରାଷ୍ଟ୍ରପତି ତଥା ଜୋଙ୍କ ପତ୍ନୀ ଜିଲ୍ ବିଡେନ୍ଙ୍କ ସହ ଭିଡିଓ କନଫରେନ୍ସଂରେ ଏଭଳି ଘୋଷଣ କରିଛନ୍ତି ଲୋପେଜ୍ ଓ ରୋଡ୍ରିଗ୍ଜ। ଏହା ବ୍ୟତୀତ ସେଲିବ୍ରିଟି ଦମ୍ପତି ଏବେକାର କରୋନା ପରିସ୍ଥିତି, ଆମେରିକାର ଅର୍ଥନୀତି, ବର୍ଣ୍ଣବୈଷମ ଓ ଲାଟିନୋ ସମ୍ପ୍ରଦାୟକୁ ଭୋଟ୍ ଦେବାର ଭୂମିକା ଉପରେ ଆଲୋଚନା କରିଥିଲେ।
ଏହାସହ କେବଳ ଆମର ସମର୍ଥନ ଯଥେଷ୍ଟ ନୁହେଁ। ସମେସ୍ତେ ଏକ ଟିମ୍ ଭଳି କାର୍ଯ୍ୟ କରିବା ସହ ଆମେରିକ ଅର୍ଥନୀତିକୁ ସୁଧାରିବାକୁ ଆହ୍ବାନ ଦେଇଥିଲେ ଲୋପେଜ୍ ଓ ରୋଡ୍ରିଗ୍ଜ। ଏବେ ସମୟ ଆସିଛି ଏକଜୁଟ ହେବାର। ଘୃଣା ମନୋଭାବ ଛାଡ଼ି ସମାଜକୁ ନିର୍ମଳ କରିବାକୁ ହେବ। ମୋତେ ଏମିତି ଭାବିଲା ବେଳକୁ ଆଶ୍ଚର୍ଯ୍ୟ ଲାଗୁଛି ଏମିତି ଏକ ପରିବେଶରେ ମୋ ଛୁଆ ଚଳୁଥିବ ଯେଉଁଠି ସବୁ କିଛି ବାସ୍ ଠିକ୍ ଅଛି କିନ୍ତୁ ଏହା ପୂର୍ବରୁ ଏ ସମାଜ ଏଭଳି ନଥିଲା ବୋଲି କହିଛନ୍ତ ଲୋପେଜ୍। ଲାଟିନୋ ସଂପ୍ରଦାୟକଙ୍କୁ ଭୋଟ ଦେବାକୁ କହି ଆଜିର ଏହି ଆଲୋଚନାକୁ ସ୍ଥଗିତ କରିଥିଲେ ସେଲିବ୍ରିଟି ଦମ୍ପତି ଜେନିଫର ଲୋପେଜ୍ ଓ ଆଲେକ୍ସ ରୋଡ୍ରିଗ୍ଜ।
