Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୧୬୫୨ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୫୧୧ ଡିସଚାର୍ଜ
  • ||
  • ବିଧାୟିକାଙ୍କ ଘର ଆଗରେ ବୋମାମାଡ଼, ଦୁଇ ସମର୍ଥକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
  • ||
  • ଟୋକିଓ ଅଲିମ୍ପିକ୍ସ : ଭାରତକୁ ମିଳିଲା ଆଉ ଏକ ପଦକ, ୫୭ କେଜି କୁସ୍ତିରେ ରବି ଦାହିୟା ଜିତିଲେ ରୌପ୍ୟ ପଦକ
  • ||
  • ଜଗତସିଂହପୁର : ଶୁକ୍ରବାର ଖୋଲିବ ଝଙ୍କଡ ସ୍ଥିତ ମା’ ଶାରଳାଙ୍କ ମନ୍ଦିର, ଖୋଲିବ ଗୋରେଖନାଥଙ୍କ ପୀଠ
  • ||
  • କଟକ : ସ୍କୁଟି ମିଳିଥିଲା ମଧୁସୂଦନ ସେତୁରୁ, ମୃତଦେହ ମିଳିଲା ଯୋବ୍ରା ଆନିକଟରୁ : ମଙ୍ଗଳବାରଠୁ ଥିଲେ ନିଖୋଜ
  • ||
  • ବଡବିଲ : ରାସ୍ତା କଡକୁ ଓଲଟି ହୁତୁହୁତୁ ହୋଇ ଜଳିଗଲା ହାଇୱା
  • ||
  • ଭୁବନେଶ୍ବର : ରାଜ୍ୟ ମାନବାଧିକାର ଆୟୋଗରେ ଅଗ୍ନିକାଣ୍ଡ, ଏସି ସଟ୍ ସର୍କିଟ୍‌ରୁ ନିଆଁ ଲାଗିଥିବା ସୂଚନା
  • ||
  • ରାଉରକେଲା : ବଡଧରଣର ଜିଏସ୍‌ଟି ଠକେଇ, ବନ୍ଧାହେଲା ୮୦ କୋଟି ଟଙ୍କା ଠକିନେଇଥିବା ଠକ
  • ||
  • ଶେଷ ହେଲା ମାଟ୍ରିକ୍ ଅଫଲାଇନ୍ ପରୀକ୍ଷା, ୧୧ ରୁ ଆରମ୍ଭ ହେବ ମୂଲ୍ୟାୟନ
  • ||
  • କଟକ : ଶେଷ ହେଲା ମାଟ୍ରିକ୍ ଅଫଲାଇନ୍ ପରୀକ୍ଷା, ୧୧ ରୁ ଆରମ୍ଭ ହେବ ମୂଲ୍ୟାୟନ
  • ||

ଆମାଜନର ୩.୧ ବିଲୟନ ଡଲାରର ସେୟାର ବିକିଦେଲେ ଜେଫ୍ ବେଜୋସ୍, କାରଣ ଅସ୍ପଷ୍ଟ

6/08/2020 at 8:08 PM

ସିଏଟଲ:  ଆମାଜନର ସଂସ୍ଥାପକ ତଥା ମୁଖ୍ୟ କାର୍ଯ୍ୟନିର୍ବାହୀ ଜେଫ ବେଜୋସ୍ ଚଳିତ ସପ୍ତାହରେ କମ୍ପନୀର ୩.୧ ବିଲିୟନ ଡଲାରର ସେୟାର ବିକି ଦେଇଛନ୍ତି। ଆମେରିକା ପ୍ରତିଭୂତି ଓ ବିନିମୟ ଆୟୋଗ (ଏସଇସି) ଏ ନେଇ ଗୁରୁବାର ସୂଚିତ କରିଛନ୍ତି। ବୁଧବାର ଫୋର୍ବସର ସୂଚନା ଅନୁସାରେ କର ଓ ଅନ୍ୟାନ୍ୟ କାଟ୍ ପରେ ବିଶ୍ୱର ସବୁଠୁ ବିତ୍ତଶାଳୀ ବ୍ୟକ୍ତି ଜେଫ ବେଜୋସ୍‌ଙ୍କୁ ୨.୪ ବିଲିୟନ ଡଲାର ମିଳିଥିଲା। ତେବେ ଏହାର ଦିନକ ପରେ ମିଳିଥିବା ସୂଚନା ସମସ୍ତଙ୍କୁ ଚକିତ କରିଦେଇଛି।

ବେଜୋସ ତାଙ୍କ କମ୍ପାନୀର ସେୟାର କାହିଁକି ବିକିଲେ ତାର କାରଣ ଏପର୍ଯ୍ୟନ୍ତ ଜଣାପଡି ନାହିଁ। ତେବେ ସେୟାର ବିକ୍ରି ସମେତ ଚଳିତବର୍ଷ ପାଇଥିବା ଲାଭ ମିସାଇ ସେ ନଗଦ ୭.୨ ବିଲିୟନ ଡଲାର ସଂଗ୍ରହ କରିଛନ୍ତି। ସେ ୨୦୧୯ରେ କମ୍ପାନୀର ୨.୮ବିଲିୟନ ଡଲାରର ସେୟାର ବିକ୍ରି କରିଥିଲେ। ତେବେ ଗତବର୍ଷ ତୁଳନାରେ ସେ ଚଳିତବର୍ଷ କାଫି ଅଧିକ ସେୟାର ବିକ୍ରି କରିଛନ୍ତି।

ଏହି ସେୟାର ବିକ୍ରି ପରେ ମଧ୍ୟ ଆମାଜନରେ ତାଙ୍କର ୫.୪ କୋଟିରୁ ବି ଅଧିକ ସେୟାର ରହିଛି।  ଆମାଜନକୁ ଗତ ସପ୍ତାହରେ ଦ୍ୱିତୀୟ ତ୍ରୈମାସକର ଉତ୍ତମ ଫଳାଫଳ ମିଳିଥିଲା। ଏଣୁ ସେୟାର ବିକ୍ରିରୁ ବେଜୋସ ବିପୁଳ ଅର୍ଥ ପାଇଛନ୍ତି। ନିକଟରେ ବେଜୋସଙ୍କ ସମ୍ପତ୍ତି ଗୋଟିଏ ଦିନରେ ୧ଲକ୍ଷ କୋଟି ଟଙ୍କା ବଢି ଯାଇଥିଲା। ଏଣୁ ବେଶ୍ ଚର୍ଚ୍ଚାକୁ ଆସିଥିଲେ ବେଜୋସ୍।

ତେବେ ବେଜୋସ ଏବେ ମଧ୍ୟ ବିଶ୍ୱର ଅଦ୍ୱିତୀୟ ଧନୀକ ଭାବେ ପରିଗଣିତ ହେଉଛନ୍ତି। ଯାହାଙ୍କ ମୋଟ ସମ୍ପତ୍ତିର ପରିମାଣ ୧୯୦ ବିଲିୟନ ଡଲାରରୁ ବି ଅଧିକ। କରୋନା ମହାମାରୀ ଯୋଗୁ ଅନଲଇନ୍ ସପିଂର ଚାହିଦା ଢେର ବଢିଛି। ଏଣୁ ଏଥିରୁ ଆମାଜନର ଲାଭ ମଧ୍ୟ ବଢି ବଢି ଚାଲିଛି। ଯାହା ବେଜୋସଙ୍କୁ ବିଶ୍ୱର ୧ ନମ୍ବର ଧନୀକରେ ପରିଣତ କରିଛି।

   Related Posts