ନୂଆଦିଲ୍ଲୀ ୮।୫: ବର୍ତ୍ତମାନ ଲୋକମାନେ ମହାକାଶ ଜଗତ ପାଇଁ ବେଶ ଆଗ୍ରହୀ । ଏହି ସମୟରେ ଆମେରିକୀୟ କମ୍ପାନୀ ବ୍ଲୁ ଅରିଜିନ୍ ର ମାଲିକ ଜେଫ୍ ବେଜୋସ୍ ନିଷ୍ପତ୍ତି ନେଇଛନ୍ତି ଯେ ସେ ସାଧାରଣ ଲୋକଙ୍କୁ ମହାକାଶକୁ ଯିବାର ସୁଯୋଗ ଦେବେ । ଜେଫ୍ ବେଜୋସ୍ଙ୍କ ବ୍ଲୁ ଅରିଜିନ୍ ଜୁଲାଇ ୨୦ରୁ ଲୋକଙ୍କୁ ମହାକାଶ ବୁଲାଇବାର ପ୍ରସ୍ତୁତି କରୁଛି ।
ସ୍ପେସ୍ ଡଟ୍ କମ୍ ର ଏକ ରିପୋର୍ଟ ଅନୁସାରେ ନ୍ୟୁ ଶେପର୍ଡ ରକେଟର ପ୍ରଥମ ଉଡାଣ ପାଇଁ ସିଟ୍ ନିଲାମ କରାଯିବ । ଏହି ନିଲାମରୁ ମିଳିଥିବା ଅର୍ଥ ବ୍ଲୁ ଅରିଜିନ୍ ର ଫାଉଣ୍ଡେସନ୍ କୁ ଦିଆଯିବ ଯାହା ଗଣିତ ଏବଂ ବିଜ୍ଞାନ ଶିକ୍ଷାକୁ ପ୍ରୋତ୍ସାହିତ କରିବ ।
କମ୍ପାନୀ ଜୁଲାଇ ୨୦ରେ ପ୍ରଥମ ଉଡାଣ ପାଇଁ ତାରିଖ ସ୍ଥିର କରିଛି । ଏହି ତାରିଖ ଚନ୍ଦ୍ରରେ କୌଣସି ମୁନୁଷ୍ୟ ପାଦ ଦେବାର ୫୨ ବର୍ଷ ହେବ । ୨୦ ଜୁଲାଇ ୧୯୬୯ରେ ନିଲ ଆର୍ମଷ୍ଟ୍ରଙ୍ଗ ଚନ୍ଦ୍ରରେ ପ୍ରଥମ ଥର ପାଦ ଦେଇଥିଲେ । ଯଦିଓ କମ୍ପାନୀ ପ୍ରଥମ ଉଡାଣ ବିଷୟରେ ସୂଚନା ଦେବାବେଳେ କମ୍ପାନୀ ଏକଥା ଉଲ୍ଲେଖ କରିନାହିଁ ।
ବର୍ତ୍ତମାନ ଅନଲାଇନ୍ ନିଲାମରୁ ପାଇବାକୁ ଥିବା ଅର୍ଥ କମ୍ପାନୀର ଫାଉଣ୍ଡେସନକୁ ଦିଆଯିବ, ଯାହା ଫଳରେ ଗଣିତ ଏବଂ ବିଜ୍ଞାନ ଶିକ୍ଷାକୁ ପ୍ରୋତ୍ସାହିତ କରାଯିବ । ପ୍ରଥମ ଉଡାଣ ଅଧିନ ନିଲାମରେଲ ଯାତ୍ରୀଙ୍କୁ ୧୧ ମିନିଟର ଯାତ୍ରା ପାଇଁ ଗୋଟିଏ ସିଟ୍ ମିଳିବ । ତାଙ୍କୁ ପୃଥିବୀଠାରୁ ୧୦୦ କିଲୋମିଟର ଉପର ମହାକାଶକୁ ଯିବାର ସୁଯୋଗ ମିଳିବ ।
ରିପୋର୍ଟ ଅନୁସାରେ ଗ୍ରାହକଙ୍କୁ ୪ ଦିନର ଅନୁଭୂତି ମିଳିବ । ସେଥିମଧ୍ୟରୁ ୩ ଦିନିଆ ଉଡାଣ ପୂର୍ବରୁ ଟ୍ରେନିଂ ଦିଆଯିବ । ଏହି ଟ୍ରେନିଂ ଟେକ୍ସାସରେ ଥିବା କମ୍ପାନୀର ଲଞ୍ଚ ସାଇଟ୍ ରେ ଦିଆଯିବ ।
ଉଲ୍ଲେଖଯୋଗ୍ୟ ଯେ, ବ୍ଲୁ ଅରିଜିନ୍ ନିର୍ଦ୍ଦେଶକ ଏରିୟନ୍ କର୍ଣ୍ଣେଲ କହିଥିଲେ ଯେ କମ୍ପାନୀ ୧୫ଟି ରକେଟର ପରୀକ୍ଷଣ ଉଡାଣ ଏବଂ ୧୬ଟି କ୍ୟାପସୁଲ ଅବତରଣ କରିବା ପରେ ବର୍ତ୍ତମାନ ମହାକାଶ ଭ୍ରମଣ କରିବାକୁ ପ୍ରସ୍ତୁତ