ନୂଆଦିଲ୍ଲୀ, ୨୦|୦୮: କେନ୍ଦ୍ର ସରକାର ଗୋଟିଏ ପରେ ଗୋଟିଏ ବିମାନ ବନ୍ଦରର ଘରୋଇକରଣ କରୁଛନ୍ତି । ଯାହାକୁ ନେଇ ବିରୋଧି ଅଭିଯୋଗ ମଧ୍ୟ କରୁଛନ୍ତି। ଏପରିକି ଘରୋଇକରଣ ହୋଇଥିବା ୬ଟି ବିମାନବନ୍ଦର କେବଳ ଗୋଟିଏ ଘରୋଇ କମ୍ପାନୀକୁ ପ୍ରଦାନ କରାଯାଇଥିବା ନେଇ ସରକାରଙ୍କ ଉପରେ ଆଙ୍ଗୁଳି ଉଠିଛି । ଏହି ପ୍ରସଙ୍ଗରେ ସମାଲୋଚନା କରିଛନ୍ତି ରାଜ୍ୟସଭା ଏମପି ତଥା କଂଗ୍ରେସ ନେତା ଜୟରାମ ରମେଶ ।
ଜୟରାମ ରମେଶ ଟ୍ୱିଟ୍ କରି କହିଛନ୍ତି ଯେ, ଅହମ୍ମଦାବାଦ, ଲକ୍ଷ୍ନୌ ଓ ମାଙ୍ଗାଲୋର ବିମାନବନ୍ଦ ବିକ୍ରି ହୋଇ ସାରିଛି । ଏବେ ଜୟପୁର, ଗୁଆହାଟୀ ଓ ଥିରୁଅନନ୍ତପୂରମକୁ ବିକ୍ରି କରାଯାଇଛି । ଏହି ସମସ୍ତ ବିମାନ ବନ୍ଦରରୁ ଗୋଚିଏ କମ୍ପାନୀକୁ ହିଁ ବିକ୍ରି କରାଯାଇଛି । ଏହାପରେ ଏୟାରପୋର୍ଟ ଅଥରିଟି ଅଫ୍ ଇଣ୍ଡିଆ ବା ଏଏଆଇ ଅଦାନୀ ଏୟାରପୋର୍ଟ ଅଫ୍ ଇଣ୍ଡିଆ ହୋଇଯାଇଛି ।
wp:html/wp:htmlFirst, the airports in Ahmedabad, Lucknow and Mangalore were sold off. Now, it is the turn of Jaipur, Guwahati and Thiruvananthapuram. All six sold to one private company. At this rate, AAI (Airports Authority of India) could well mean ‘Adani Airports of India’!
— Jairam Ramesh (@Jairam_Ramesh) August 20, 2020
ସରକାର ଥିରୁଅନନ୍ତପୂରମ ବିମାନବନ୍ଦରକୁ ଘରୋଇକରଣ କରିବା ପାଇଁ ନିଷ୍ପତ୍ତି ନେବା ପରେ କେରଳରେ ବିରୋଧର ସ୍ୱର ତେଜିବାରେ ଲାଗିଛି । ମୁଖ୍ୟମନ୍ତ୍ରୀ ପିନାରାଇ ବିଜୟନ ଏହାକୁ ବିରୋଧ କରିଛନ୍ତି ।
ସୂଚନାଯୋଗ୍ୟ, କେନ୍ଦ୍ର ସରକାର ଏବେ ବିଭିନ୍ନ ବନ୍ଦରର ମଧ୍ୟ ଘରୋଇକରଣ କରିବାକୁ ବିଚାର କରୁଛନ୍ତି ।