ଜୟପୁର ୪|୬: କୋରାପୁଟ ପୋଲିସର ଦବଙ୍ଗଗିରି ଘଟଣାର ତଦନ୍ତ କରିବେ ଜୟପୁର ଏସଡିପିଓ ସାଗରିକା ନାଥ । ନ୍ୟୁଜ୍‌ ସେଭେନ୍‌ରେ ଏ ନେଇ ଖବର ପ୍ରସାରଣ ପରେ ଜୟପୁର ଏସଡିପିଓଙ୍କୁ ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି କୋରାପୁଟ ଏସପି ।

ଗତକାଲି ବୈପାରୀଗୁଡ଼ା ଦେଇ କାର୍‌ ଯୋଗେ ଗଞ୍ଜେଇ ଚୋରା ଚାଲାଣ ହେଉଥିବା ଖବର ପାଇ ଗାଡ଼ିର ପିଛା କରିଥିଲା ପୋଲିସ । ଦୁଇ ଜଣ ଗଞ୍ଜେଇ ବେପାରୀ ଧରାପଡ଼ିଥିବା ବେଳେ ଅନ୍ୟ ୨ଜଣ ଖସିଯାଇଥିଲେ । ଅଭିଯୁକ୍ତମାନେ ପୋଲିସ ଉପରେ ଆକ୍ରମଣ କରିବାକୁ ଉଦ୍ୟମ କରୁଥିବାରୁ ପୋଲିସ ସେମାନଙ୍କୁ ପିଟିଥିଲା ବୋଲି କହିଛନ୍ତି ଏସଡିପିଓ । ତେବେ ତଦନ୍ତ ପରେ ପୂରା ଘଟଣା ସାମ୍ନାକୁ ଆସିବ ବୋଲି କହିଛନ୍ତି ।