ଜୟପୁର ୮|୬: ୧୫ ଦିନ ତଳେ ହୋଇଥିବା କାଳବୈଶାଖୀ ଜୟପୁର ସହରରେ ଅନେକ କ୍ଷୟକ୍ଷତି କରିଥିଲା । ସହରର ଏକ ମାତ୍ର ଇନଡୋର ଷ୍ଟାଡିୟମର ଟିଣ ନାହିଁ । ଷ୍ଟାଡିୟମ ଭିତରକୁ ବର୍ଷା ପାଣି ପଶୁଥିବାରୁ ଏଠାରେ ଆଉ ଖେଳ ହୋଇପାରୁନି । ୧୫ ଦିନରୁ ଅଧିକ ସମୟ ବିତି ଯାଇଥିଲେ ବି ପ୍ରଶାସନ କିନ୍ତୁ ମରାମତି ଦିଗରେ ଆନ୍ତରିକତା ଦେଖାଉନଥିବା ଅଭିଯୋଗ ହୋଇଛି । ତୁରନ୍ତ ଏହାକୁ ମରାମତି କରାନଗଲେ କୋଟିଏ ଟଙ୍କାରେ ନିର୍ମିତି ଏହି ଷ୍ଟାଡିୟମଟି ସମ୍ପୂର୍ଣ୍ଣ ନଷ୍ଟ ହେବାର ଆଶଙ୍କା ଦେଖା ଦେଇଛି ।
{"id":121023}ଇଏ ହେଉଛି ଜୟପୁର ଲିଙ୍ଗରାଜନଗରଠାରେ ଥିବା ସହରର ଏକ ମାତ୍ର ଇନଡୋର ଷ୍ଟାଡିୟମ । କୋଟିଏ ଟଂକାରେ ନିର୍ମିତ ଏହି ଷ୍ଟାଡିୟମ ବର୍ଷେ ତଳେ କାର୍ଯ୍ୟକ୍ଷମ ହୋଇଥିଲା । ଆଉ ବର୍ଷକ ପରେ ଦେଖନ୍ତୁ ଷ୍ଟାଡିୟମର ଅବସ୍ଥା । ୧୫ ଦିନ ତଳେ ଆସିଥିବା କାଳବୈଶାଖୀରେ ଷ୍ଟାଡିୟମ ଛାତ ଉପରୁ ଟିଣ ଉଡିଯାଇଛି । ବର୍ଷା ପାଣି ସବୁ ଏବେ ଷ୍ଟାଡିୟମ ଭିତରେ ପଡୁଛି ।
{"id":121021}ଫଳରେ ଚଟାଣରେ ଥିବା ସିନ୍ଥେଟିକ ମ୍ୟାଟ୍ ଏବେ ନଷ୍ଟ ହେବା ଉପରେ ।କେବଳ ଏତିକି ନୁହଁ ନିମ୍ନ ମାନର କାମ ଯୋଗୁଁ କାନ୍ଥ ବି ଫାଟିଛି । ଯେକୌଣସି ସମୟରେ କାନ୍ଥ ଖସି ଯାଇପାରେ । ଆଉ ଏହି କାରଣରୁ ଗତ ୧୫ ଦିନ ହେଲା ଏଠାରେ ଖେଳକୁଦ ସମ୍ପୂର୍ଣ୍ଣ ବନ୍ଦ ହୋଇଯାଇଛି । କାଳବୈଶାଖୀକୁ ୧୫ ଦିନରୁ ଅଧିକ ସମୟ ହୋଇଥିଲେ ବି ପ୍ରଶାସନ କିନ୍ତୁ ଏହାକୁ ମରାମତି କରିବାକୁ ତତ୍ପରତା ଦେଖାଇ ନାହିଁ । ଆଗକୁ ବର୍ଷା ଦିନ ଆସୁଛି । ତୁରନ୍ତ ଏହାର ମରାମତି କରାନଗଲେ କୋଟିଏ ଟଂକା ପାଣିରେ ପଡ଼ିବା ସାର ହେବ ।
{"id":121024}ଷ୍ଟାଡିୟମ ସମସ୍ୟା ନେଇ ଖେଳାଳିମାନେ ଜୟପୁର ଉପଜିଲ୍ଲପାଳଙ୍କ ଦ୍ବାରସ୍ତ ବି ହୋଇଛନ୍ତି । ତୁରନ୍ତ ମରାମତି ପାଇଁ କେତେ ଟଙ୍କା ଖର୍ଚ୍ଚ ହେବ ସେ ନେଇ ହିସାବ କରି ରିପୋର୍ଟ ଦେବାକୁ ପୌରପାଳିକାର ଯନ୍ତ୍ରୀଙ୍କୁ ନିର୍ଦେଶ ଦିଆଯାଇଛି । ଖର୍ଚ୍ଚ ହିସାବ ଆସିବା ପରେ ଆବଶ୍ୟକ ପଦକ୍ଷେପ ନେଇ ତୁରନ୍ତ ଷ୍ଟାଡିୟମ ମରାମତି କରାଯିବ ବୋଲି କହିଛନ୍ତି ଜୟପୁର ଉପଜିଲ୍ଲାପାଳ।
{"id":121025}ଷ୍ଟାଡିୟମଟି ୨୦୧୨ରେ ନିର୍ମିତ ହୋଇଥିଲେ ବି ବିଭିନ୍ନ କାରଣରୁ ୪ ବର୍ଷ ପରେ କାର୍ଯ୍ୟକ୍ଷମ ହୋଇଥିଲା। ଆଉ କାର୍ଯ୍ୟକ୍ଷମ ହେବାର ବର୍ଷକ ପରେ ଷ୍ଟାଡିୟମର ଏପରି ସ୍ଥିତିକୁ ନେଇ ଚିନ୍ତାରେ ଖେଳାଳି।