Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ସଭାମଞ୍ଚରେ ଭାବପ୍ରବଣ ହୋଇ କାନ୍ଦି ପକାଇଲେ ଜୟା ପ୍ରଦା

3/04/2019 at 5:55 PM

ରାମପୁର ୩/୪ : ଉତ୍ତର ପ୍ରଦେଶ ରାମପୁରରୁ ନିର୍ବାଚନ ଲଢ଼ୁଛନ୍ତି ବିଜେପି ପ୍ରାର୍ଥୀ ଜୟା ପ୍ରଦା | ସେ ଆଜି ଏକ ରାଲିକୁ ସମ୍ବୋଧିତ କରୁଥିବାବେଳେ ଭାବପ୍ରବଣ ହୋଇଯାଇଥିଲେ | ସଭାମଞ୍ଚରେ ଲୋକଙ୍କୁ ସମ୍ବୋଧିତ କରିବାବେଳେ ତାଙ୍କ ଆଖିରେ ଲୁହ ଆସିଯାଇଥିଲା | ଭାଷଣ ଦେଉଥିବାବେଳେ ସେ କିଛି ସମୟ ପାଇଁ ଅଟକି ଯାଇଥିଲେ | ଆଖିରୁ ଲୁହ ପୋଛି ସେ ପୁଣି ନିଜ ଭାଷଣ ଆରମ୍ଭ କରିଥିଲେ |


ଆଜି ଜୟା ପ୍ରଦା ରାମପୁର ଆସନ ପାଇଁ ନିଜର ପ୍ରାର୍ଥୀପତ୍ର ଦାଖଲ କରିବା ପାଇଁ ଯାଇଥିଲେ | ପ୍ରାର୍ଥୀପତ୍ର ଦାଖଲ କରି ସେଠାରେ ଏକ ଜନସଭାକୁ ସମ୍ବୋଧିତ କରିବାକୁ ପହଂଚିଥିଲେ ଜୟା | ଦୁର୍ନୀତି ବିରୋଧରେ ଲଢ଼ିବେ ବୋଲି ସେ ସଭାରେ କହିଥିଲେ | ଏତିକିବେଳେ ତାଙ୍କୁ ନିଜ ପ୍ରତିଦ୍ବନ୍ଦୀ ଆଜମ ଖାନଙ୍କ ବୟାନ ମନେ ପଡିଯାଇଥିଲା | କିଛି ଦିନ ପୂର୍ବରୁ ଆଜମ ଖାନ ଜୟା ପ୍ରଦାଙ୍କୁ ନେଇ ଏକ ବିବାଦୀୟ ବୟାନ ଦେଇଥିଲେ | ସେ ଜୟା ପ୍ରଦାଙ୍କୁ ନାଚନୀ ବଳି ବୋଲି କହିଥିଲେ | ଆଜମ ଖାନଙ୍କ ସେହି ମନ୍ତବ୍ୟକୁ ମନେପକାଇ ଜୟା କହିଥିଲେ ଯେ, କଣ ଆଜମ ଖାନା ଜାଣିନାହାନ୍ତି ସେ ଫିଲ୍ମରେ କାମ କରନ୍ତି, ନାଚନ୍ତି | ଆଜମ ଖାନଙ୍କ ଏହି ମନ୍ତବ୍ୟ ଜୟାଙ୍କୁ ବହୁତ ମର୍ମାହତ କରିଥିଲା | ଯାହାଫଳରେ ସେ ସଭାମଞ୍ଚରେ କାନ୍ଦି ପକାଇଥିଲେ |


ଜୟା ପ୍ରଦା କହିଥିଲେ ଯେ, ସେ କେବେହେଲେ ରାମପୁର ଛାଡିବାକୁ ଚାହୁଁନଥିଲେ | ସେ ସବୁବେଳେ ରାମପୁରବାସୀଙ୍କ ସେବା କରିବାକୁ ଚାହୁଁଥିଲେ | ସେ କହିଥିଲେ ଯେ, ରାମପୁରରେ ତାଙ୍କ ଉପରେ ହମଲା କରାଯାଇଥିଲା | ଯେଉଁଥିପାଇଁ ସେ ସକ୍ରିୟ ରାଜନୀତିରୁ ଦୁରେଇ ଯାଇଥିଲେ | ଏତିକି କହି ସେ ପୁଣି ଭାବ ପ୍ରବଣ ହୋଇ କାନ୍ଦି ପକାଇଥିଲେ | ଜୟାଙ୍କୁ କାନ୍ଦୁଥିବାର ଦେଖି କର୍ମୀ ତଥା ସାନସଭାରେ ଉପସ୍ଥିତ ଜନତା ଜୟାଙ୍କ ମନୋବଳକୁ ବଢାଇଥିଲେ | ଜୟଜୀ ଆମେ ଆପଣଙ୍କ ସହ ଅଛୁ ବୋଲି କହି ନାରା ଲଗାଇଥିଲେ | ଜନତା ଜୟାଙ୍କ ମନୋବଳ ବଢ଼ିଥିବା ଦେଖି ସେ ପୁଣିଥରେ ନିଜ ଭାଷଣ ଆରମ୍ଭ କରିଥିଲେ |

   Related Posts