Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଭାରତୀୟ ବଂଶୋଦ୍ଭବ ଭାବେ ଆମେରିକାର ଧନୀ ତାଲିକାରେ ଜୟ ଚୌଧରୀ, ପ୍ରତିଷ୍ଠା କରିଛନ୍ତି ୫ଟି ଆଇଟି ଫାର୍ମ

13/11/2021 at 8:35 AM

ନୂଆଦିଲ୍ଲୀ, ୧୩/୧୧: ଫୋର୍ବ୍ସ ତାଲିକାରେ ସ୍ଥାନ ପାଇଲେ ଭାରତୀୟ ବଂଶୋଦ୍ଭବ ଜୟ ଚୌଧରୀ । ୨୦୨୧ ବର୍ଷ ପାଇଁ ଫୋର୍ବ୍ସ ଜାରି କରିଥିବା ୪ ଶହ ଧନୀ ଆମେରିକାନ୍‌ଙ୍କ ମଧ୍ୟରେ ଜୟଙ୍କ ନାମ ରହିଛି । ବିଶିଷ୍ଟ ଉଦ୍ୟୋଗୀ ଭାବେ ସେ ଆମେରିକାରେ ସଫଳତାର ସହ ୫ଟି ଟେକ୍ନୋଲୋଜି କମ୍ପାନୀ ସ୍ଥାପନ କରିଛନ୍ତି । ଯାହାକି ଆମେରିକାର ବିଭିନ୍ନ କ୍ଷେତ୍ରରେ ସେବା ପ୍ରଦାନ କରୁଛି । ଜୟଙ୍କର ମୋଟ ସମ୍ପତ୍ତି ୧୬.୩ ବିଲିୟନ୍‌ ଡଲାର ହୋଇଥିବା ଏଥିରେ ପ୍ରକାଶ ପାଇଛି ।

ଭାରତୀୟ-ଆମେରିକୀୟ ଜୟ ୟୁଏସ୍‌-ଏୟାର ଡିଫେନ୍ସ, ୱାରଲେସ୍‌ ସିକ୍ୟୁରିଟି ଫାର୍ମ ପାଇଁ ସିଫର ଟ୍ରଷ୍ଟ, ଫାର୍ଷ୍ଟ ଇମେଲ୍‌ ସିକ୍ୟୁରିଟି ଗେଟ୍‌ୱେ ପାଇଁ କୋର ହାର୍ବର ନାମକ କମ୍ପାନୀ, ଇ-କମର୍ସ ସଲ୍ୟୁସନ୍‌ ଫାର୍ମ ସିକ୍ୟୁର ଆଇଟି, ଫାର୍ଷ୍ଟ ପ୍ୟୁରପ୍ଲେ ଇଣ୍ଟରନେଟ୍‌ ସିକ୍ୟୁରିଟି ସର୍ଭିସ୍‌ ଏବଂ ଜେଡ୍‌ସ୍କାଲର ଏବଂ ଗୋଟିଏ କ୍ଲାଉଡ୍‌ ଇନ୍‌ପରମେଶନ୍‌ ଫାର୍ମର ସ୍ଥାପନା ସହ ଦକ୍ଷତାର ସହ ପରିଚାଳନା ମଧ୍ୟ କରୁଛନ୍ତି ।

ଫେର୍ବ୍ସ ଅନୁସାରେ ଜୟ ଏବଂ ତାଙ୍କ ପରିବାର ନାସ୍‌ଦାକ୍‌ ଲିଷ୍ଟେଡ୍‌ ଜେଡ୍‌ସ୍କାଲରର ୪୨ ପ୍ରତିଶତ ସେୟାରର ମାଲିକ । ଯାହାକି ୨୦୦୮ରେ ସ୍ଥାପନ ହୋଇଥିଲା । ଏହାର ପରିଚାଳନା ଭାର ବହନ କରୁଛନ୍ତି ଜୟ । ସେ ତାଙ୍କର ବ୍ୟକ୍ତିଗତ ସମ୍ପତ୍ତି ବିଷୟରେ କେବେ ପ୍ରକାଶ କରନ୍ତି ନାହିଁ । ବରଂ ତାଙ୍କର ଆଗାମୀ ଲକ୍ଷ୍ୟ ବିଷୟରେ କହିଥାନ୍ତି ବୋଲି ଫୋର୍ବ୍ସ ପ୍ରକାଶ କରିଛି ।

ଜୟ ଚୌଧରୀ ହିମାଚଳ ପ୍ରଦେଶରେ ଜନ୍ମଗ୍ରହଣ କରିଥିବା ବେଳେ ସେ ଗ୍ରାଜୁଏଟ୍‌ ହେବା ପାଇଁ ୧୯୮୦ ମସିହାରେ ଭାରତ ଛାଡ଼ି ଆମେରିକା ଯାଇଥିଲେ । ସେଠାରେ ସେ ଏହି ଆଇଟି କମ୍ପାନୀଗୁଡ଼ିକ ପ୍ରତିଷ୍ଠା କରିଥିଲେ ।       

   Related Posts