Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୪କୁ ବୃଦ୍ଧି
  • ||
  • ରାଜ୍ୟରେ ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୪୮୯ କୋଭିଡ୍ ପଜିଟିଭ୍, ୧୧୪୪୪୦୧ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୫୮ ହଜାରରୁ ଅଧିକ କରୋନା ପଜିଟିଭ୍, ୩୮୫ ମୃତ
  • ||
  • ଖୋଲିଲା ଶିମିଳିପାଳ, ପର୍ଯ୍ୟଟକଙ୍କ ପାଇଁ ଖୁସି ଖବର
  • ||
  • ଆଉ ନାହାଁନ୍ତି ପଦ୍ମଶ୍ରୀ ଶାନ୍ତିଦେବୀ, ୮୮ ବର୍ଷ ବୟସରେ ପରଲୋକ
  • ||
  • କଥକ ସମ୍ରାଟ ବିରଜୁ ମହାରାଜଙ୍କ ପରଲୋକ, ୮୩ ବର୍ଷ ବୟସରେ ଦେହାନ୍ତ
  • ||
  • ତ୍ରିସ୍ତରୀୟ ପଞ୍ଚାୟତ ନିର୍ବାଚନ : ସୋମବାରଠୁ ଦାଖଲ ହେବ ପ୍ରାର୍ଥୀପତ୍ର, କରୋନା କଟକଣାରେ ସରିବ ପୁରା ପ୍ରକ୍ରିୟା
  • ||
  • ଆହତ ହାତୀର ଚିକିତ୍ସା କଲା ବନ ବିଭାଗ, ବାରହା ଫାଶରେ ପଡି ଗୋଡରେ ହୋଇଥିଲା କ୍ଷତ
  • ||
  • ଖସିବ ପାରଦ ବଢିବ ଶୀତ, ୧୯ ଯାଏଁ ବିଭିନ୍ନ ଜିଲ୍ଲାରେ ଘନ କୁହୁଡି
  • ||

ଯୁବତୀଙ୍କଠୁ ଛେଚା ଖାଇଲେ ଯବାନ : କରିଥିଲେ ଅଶ୍ଳୀଳ ଇଙ୍ଗିତ

17/02/2020 at 11:29 AM

ଭୁବନେଶ୍ୱର ୧୭/୨: ଯୁବତୀଙ୍କୁ ଅଶ୍ଳୀଳ ଇଙ୍ଗିତ କରିବା ମହଙ୍ଗା ପଡ଼ିଛି ଜଣେ ଯବାନଙ୍କୁ । ରବିବାର ଅପରାହ୍ନରେ କଳ୍ପନା ଛକରେ ଏହି ରସିକିଆ ଯବାନ ଜଣଙ୍କ ନିର୍ଧୁମ ଛେଚା ଖାଇଛନ୍ତି । ସଂପୃକ୍ତ ଯବାନଙ୍କୁ କ୍ୟାପିଟାଲ ଥାନା ପୁଲିସ ଲୋକଙ୍କ କବଳରୁ ଉଦ୍ଧାର କରି ଥାନାରେ ଅଟକ ରଖିଛି । ତାଙ୍କ ନାମ ପ୍ରମୋଦ ବେହେରା । ଘର ଗଞ୍ଜମ ଗୋଳନ୍ଥରା । ସେ ସ୍ପେଶାଲ ସିକ୍ୟୁରିଟି ବାଟାଲିୟନ (ଏସ୍‌ଏସ୍‌ବି)ରେ କାମ କରୁଛନ୍ତି । ଯବାନଙ୍କ ମାଡ଼ ଭିଜୁଆଲ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସେପଟେ ଏହି ଯବାନଙ୍କୁ ଚାକିରିରୁ ନିଲମ୍ବନ କରିଛନ୍ତି ଏସ୍‌ଏସ୍‌ବି ଏସ୍‌ପି ।

ଘଟଣାରୁ ଜଣାଯାଇଛି, ରବିବାର ଦିନ ୨ଟାବେଳେ ଜଣେ ଯୁବତୀ ରାଜମହଲରୁ କଳ୍ପନା ଅଭିମୁଖେ ଚାଲିଚାଲି ଯାଉଥିଲେ । ରାଜମହଲ ଓଭରବ୍ରିଜ ନିକଟରୁ ପ୍ରମୋଦ ତାଙ୍କୁ ପିଛାକରି ଅଶ୍ଳୀଳ ଇଙ୍ଗିତ କରିଥିଲେ । ଯୁବତୀ କିଛି ପ୍ରତିକ୍ରିୟା ପ୍ରକାଶ ନ କରିବାରୁ ପ୍ରମୋଦ ତାଙ୍କୁ ବିଚ୍‌ ରାସ୍ତାରେ ଟଣାଓଟରା କରିବା ଆରମ୍ଭ କରି ଦେଇଥିଲେ । ବାସ୍‌ ତା’ପରେ ଯୁବତୀ ଜଣଙ୍କ ରାଗି ନାଲି ପଡ଼ି ଯାଇଥିଲେ । ସର୍ବ ସମ୍ମୁଖରେ ପ୍ରମୋଦଙ୍କୁ ଧରି ଆରମ୍ଭ କରି ଦେଇଥିଲେ ନିସ୍ତୁକ ମାଡ଼ । ଚାପୁଡ଼ା, ମୁଥ ଓ ବିଧା ଗୋଇଠା ମାଡ଼ ଖାଇ ଖସି ପଳାଇଯିବାକୁ ଉଦ୍ୟମ କରୁଥିବା ପ୍ରମୋଦଙ୍କୁ କିନ୍ତୁ ଲୋକେ ଘେରି ଯାଇଥିଲେ । ଶେଷରେ ଯୁବତୀ ଜଣଙ୍କ ଗୋଡ଼ରୁ ଚପଲ ଖୋଲି ପିଟି ଚାଲିଥିଲେ । ତାଙ୍କ ମାଡ଼ ଦେଖି ସେହିବାଟ ଦେଇ ଯାଉଥିବା କିଛି ମହିଳା ମଧ୍ୟ ଏଥିରେ ସାମିଲ ହୋଇ ଯାଇଥିଲେ । ପ୍ରମୋଦଙ୍କୁ ସମସ୍ତେ ମିଶି ନିର୍ଧୁମ୍‌ ଛେଚିଥିଲେ । ଜଣେ ଯବାନଙ୍କ ଏଭଳି କାଣ୍ଡକୁ ଲୋକେ ସହଜରେ ହଜମ କରିପାରି ନଥିଲେ । କିଏ ମାଡ଼ ମାରୁଥାଏ ତ ଆଉ କିଏ ଭିଡିଓ ସୁଟ୍‌ କରୁଥାଏ ।

ସେଠାରେ ଲୋକଙ୍କ ଏଭଳି ଗହଳି ଲାଗିଥିଲା ଯେ, ଉକ୍ତ ରାସ୍ତାରେ ଯାତାୟାତ ଏକ ପ୍ରକାର ଠପ୍‌ ହୋଇ ଯାଇଥିଲା । ଖବରପାଇ କ୍ୟାପିଟାଲ ଥାନା ପୁଲିସ ସେଠାରେ ପହଞ୍ଚି ପ୍ରମୋଦଙ୍କୁ ଲୋକଙ୍କ କବଳରୁ ଉଦ୍ଧାର କରି ଆଣିଥିଲା । ତାଙ୍କୁ କ୍ୟାପିଟାଲ ହସ୍ପିଟାଲରେ ଚିକିତ୍ସା କରାଇ ପୁଲିସ ଥାନାରେ ଅଟକ ରଖିଛି । ତେବେ ରିପୋର୍ଟ ଲେଖାଯିବା ପର୍ଯ୍ୟନ୍ତ ଏନେଇ ଥାନାରେ କେହି ଅଭିଯୋଗ କରି ନଥିବା ଜଣାପଡ଼ିଛି । ପୁଲିସ ପ୍ରମୋଦଙ୍କୁ ଥାନାରେ ଅଟକ ରଖି ପଚରାଉଚରା ଚଳାଇଛି । ପ୍ରମୋଦଙ୍କ ଏଭଳି ଆଚରଣ ଓ ମାଡ଼ ଖାଉଥିବାର ଭିଡିଓ ଭାଇରାଲ ହେବାପରେ ତାଙ୍କୁ ଚାକିରିରୁ ନିଲମ୍ବନ କରାଯାଇଛି ।

   Related Posts