Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||
  • ନଭେମ୍ବରରୁ ପର୍ଯ୍ୟଟକଙ୍କ ପାଇଁ ଖୋଲିବ ଶିମିଳିପାଳ ବ୍ୟାଘ୍ର ପ୍ରକଳ୍ପ
  • ||

ଚୀନକୁ ଭାରତଠୁ ବି ବଡ ଝଟକା ଦେବ ଜାପାନ, ଫେରାଇ ଆଣୁଛି ନିଜର ସମସ୍ତ କମ୍ପାନୀ

19/07/2020 at 3:35 PM

ନୂଆଦିଲ୍ଲୀ ୧୯।୦୭: ଚୀନକୁ ବଡ ଝଟକା ଦେବାକୁ ଅଣ୍ଟା ଭିଡିଛି ଜାପାନ। ସେଥିପାଇଁ ଏମିତି ବ୍ୟବସ୍ଥା କରୁଛି ଯଦ୍ଵାରା ଦେଶରେ ସ୍ଥାନୀୟ ଯୋଗାଣର ଚେନ ଶୃଙ୍ଖଳା ଉପରେ କେବେ ବି କୌଣସି ପ୍ରଭାବ ପଡିବ ନାହିଁ ଏବଂ ଚୀନ ଉପରେ ଦେଶର ନିର୍ଭରତା କମ ହୋଇପାରିବ। ଜାପାନ ସରକାର ଚୀନରୁ ଜାପାନ କମ୍ପାନୀଗୁଡିକୁ ଫେରାଇ ଆଣିବା ଏବଂ ପୁଣି ଥରେ ନିଜ ଦେଶରେ ସ୍ଥାପନ କରିବା ପାଇଁ ଆର୍ଥିକ ପ୍ରୋତ୍ସାହନ ଦେବାକୁ  ନିଷ୍ପତ୍ତି ନେଇଛି। ଜାପାନ ନିଜର ୫୭ କମ୍ପାନୀକୁ ଚୀନରୁ ଫେରାଇ ଆଣି ଦେଶରେ ମ୍ୟାନୁଫେକଚରିଂ କରିବା ଲାଗି ୫୩.୬ କୋଟି ଡଲାର ଖର୍ଚ୍ଚ କରୁଛି।

କେବଳ ଏତିକି ନୁହେଁ ଅନ୍ୟ ୩୦ କମ୍ପାନୀକୁ ଭିଏତନାମ, ମିଆଁମାର, ଥାଇଲାଣ୍ଡ ଓ ଦକ୍ଷିଣ ପୂର୍ବ ଏସିଆ ଦେଶଗୁଡିକରେ ଥିବା ନିଜର ୟୁନିଟ୍ ପୁଣି ଥରେ ଜାପାନ ଆଣିବା ପାଇଁ ମଧ୍ୟ ଖର୍ଚ୍ଚ କରୁଛି। ନିକ୍କେଇ ଖବରକାଗଜର ରିପୋର୍ଟ ଅନୁଯାୟୀ ସରକାର ଏଥିପାଇଁ ପାଖାପାଖି ୭୦ ଅରବ ୟେନ ଖର୍ଚ୍ଚ କରିବେ।

ଚୀନ ବିରୋଧରେ ଦେଶଗୁଡିକ ଏଥିପାଇଁ କାର୍ଯ୍ୟାନୁଷ୍ଠାନ ନେବା ଆରମ୍ଭ କରିଛନ୍ତି, କାରଣ ଚୀନ ଆର୍ଥିକ ମୋର୍ଚ୍ଚାରେ ବ୍ଲାକମେଲ୍‌ କରିବାଠୁ ନେଇ ଅନ୍ୟ ଦେଶର ସୀମାର ସମ୍ମାନ କରୁ ନାହିଁ ଏବଂ ନିଜର ବିସ୍ତାରବାଦୀ ନୀତିକୁ ପ୍ରାଧ୍ୟାନ୍ୟ ଦେଇ ଆସୁଛି। ତାଇଓ୍ଵାନ ସରକାର ମଧ୍ୟ ୨୦୧୯ରେ କିଛି ଏମିତି ପଲିସି କରିଥିଲେ ଯାହା ଏବେ ଜାପାନ କରିବାକୁ ଯାଉଛି।

ଅପରପକ୍ଷେ ଆମେରିକା ମଧ୍ୟ ଚୀନରୁ ନିଜର କମ୍ପାନୀଗୁଡିକୁ ବାହାର କରିବା ଉଦ୍ଦେଶ୍ୟରେ ରହିଛି। ଏପ୍ପଲ ତ ଭାରତରେ ନିଜର ପ୍ଲାଣ୍ଟ ବଢାଇବାକୁ ନିଷ୍ପତ୍ତି ନେଇଛି। ସଂପ୍ରତି ଚୀନରୁ ବହୁତ ଗୁଡାଏ କମ୍ପାନୀ ନିଜର ବ୍ୟବସାୟ ପ୍ରତ୍ୟାହାର କରିବାକୁ ଚାହୁଁଛନ୍ତି। ଭାରତ ମଧ୍ୟ ପ୍ରଥମେ ଚାଇନା ଆପ୍‌ ନିଷିଦ୍ଧ କରିବା ସହିତ ଚୀନୀ କମ୍ପାନୀଗୁଡିକ ଉପରେ କଟକଣା ଲଗାଇବା ଆରମ୍ଭ କରିଛି। ହୋଇପାରେ ଆଗାମୀ ଦିନରେ ଚୀନୀ କମ୍ପାନୀକୁ ଭାରତରୁ ବାହାର କରିବା ପରି ବଳିଷ୍ଠ ପଦକ୍ଷେପ ନେଇ ପାରନ୍ତି ସରକାର।

   Related Posts