Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମିବାରେ ଲାଗିଛି କରୋନା ସଂକ୍ରମଣ, ଆଜି ସୁସ୍ଥ ହୋଇ ଘରକୁ ଫେରିଲେ ୬୪୨ ଆକ୍ରାନ୍ତ
  • ||
  • ଫ୍ରାନ୍ସରେ ବିଜୟ ମାଲ୍ୟାଙ୍କ ବିରୋଧରେ EDଙ୍କ ବଡ କାର୍ଯ୍ୟାନୁଷ୍ଠାନ, ଜବତ ହେଲା ୧.୬ ମିଲିୟନ ୟୁରୋ ସମ୍ପତ୍ତି
  • ||
  • ଡିସେମ୍ବର ୮ରେ ଭାରତ ବନ୍ଦ ଡାକରା ଦେଲା କୃଷକ ସଂଗଠନ
  • ||
  • ପ୍ରଥମ ଟି-୨୦ରେ କଙ୍ଗାରୁ ଚିତ୍, ଚମକିଲେ ଭାରତୀୟ ବୋଲର, ଅଷ୍ଟ୍ରେଲିଆକୁ ୧୧ ରନରେ ହରାଇଲା ବିରାଟ ବାହିନୀ
  • ||
  • ୪ କ୍ବିଣ୍ଟାଲ ୬୦ କେଜି ଚନ୍ଦନ କାଠ ଜବତ: ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କାରୁ ଅଧିକ
  • ||
  • ଜଳେଶ୍ବର: ବିଶାଖା ଏଗ୍ରୋ ସୋରୁମ୍ ଆଗରେ ଚାଷୀମାନଙ୍କ ପକ୍ଷରୁ ଆମରଣ ଅନଶନ
  • ||
  • ଅପରାହ୍ନରେ ସ୍ଥଳଭାଗ ଛୁଇଁବ ‘ବୁରେଭି’ : କେରଳ-ତାମିଲନାଡୁର କିଛି ଜିଲ୍ଲାରେ ଛୁଟି ଘୋଷଣା, ବିମାନବନ୍ଦର ବନ୍ଦ
  • ||
  • ଜଗତପୁର : ଧାନ କଟାଳୀଙ୍କୁ ଶୁଣ୍ଢରେ କଚାଡି ମାରିଲା ହାତୀ
  • ||
  • ବାଲେଶ୍ବର ଓ ମୟୁରଭଞ୍ଜରେ ମୃଦୁ ଭୂକମ୍ପ ଝଟ୍‌କା ଅନୁଭୂତ
  • ||
  • ଆଜି ପ୍ରଥମ ଟି୨୦ : ଅଷ୍ଟ୍ରେଲିଆକୁ କଡା ଟକ୍କର ଦେବ ଭାରତ, ଓ୍ୱାର୍ଣ୍ଣରଙ୍କ ଅନୁପସ୍ଥିତିର ଫାଇଦା ନେବ ବିରାଟ ବାହିନୀ
  • ||

ଇସ୍ତଫା ଦେଲେ ଜାପାନ ପ୍ରଧାନମନ୍ତ୍ରୀ ସିଞ୍ଜୋ ଆବେ, ସ୍ୱାସ୍ଥ୍ୟଗତ କାରଣରୁ ଛାଡିଲେ ପଦ

28/08/2020 at 2:46 PM

ଟୋକିଓ, ୨୮|୦୮ ଜାପାନ ପ୍ରଧାନମନ୍ତ୍ରୀ ସିଞ୍ଜୋ ଆମେ ସ୍ୱାସ୍ଥ୍ୟଗତ କାରଣରୁ ନିଜ ପଦରୁ ଇସ୍ତଫା ଦେଇଛନ୍ତି । ସେ ଗତ କିଛିଦିନ ଧରି ପେଟଜନିତ ରୋଗରେ ପୀଡିତ ଥିଲେ । ଏପରିକି ତାଙ୍କୁ ଅନେକଥର ହସ୍ପିଟାଲରେ ଭର୍ତ୍ତି କରାଯାଇଥିଲା । ତାଙ୍କ ଇସ୍ତଫାକୁ ନେଇ ମଧ୍ୟ ଅନେକ ଦିନ ଧରି ଚର୍ଚ୍ଚା ଜୋର୍ ଧରିଥିଲା । ଏବେ ସେ ବିଧିବଦ୍ଧ ଭାବେ ଇସ୍ତଫା ପ୍ରଦାନ କରିଛନ୍ତି । ଚଳିତ ସପ୍ତାହରେ ହିଁ ତାଙ୍କୁ ଦୁଇଥର ହସ୍ପିଟାଲରେ ଭର୍ତ୍ତି କରାଯାଇଥିଲା ।

ସିଞ୍ଜୋ ଆବେ ଇସ୍ତଫା ଦେବା ପରେ ଜାପାନ ସେୟାର ମାର୍କେଟ ଧରାଶାୟୀ ହୋଇଯାଇଛି । ସେ ଏପରି ଦ୍ୱିତୀୟ ତର ସ୍ୱାସ୍ଥ୍ୟଗତ କାରଣରୁ ପଦ ପଦ ଛାଡିଛନ୍ତି । ଏହାପୂର୍ବରୁ ସେ ୨୦୦୭ରେ ଗୋଟିଏ ବର୍ଷ ଯାଏଁ ଅଫିସରେ ରହିବା ପରେ ପଦ ଛାଡିଥିଲେ । ଏହାପରେ ୨୦୧୨ରେ ବହୁମତ ସହ ସରକାରରୁ ପୁଣି ଫେରିଥିଲେ । ଏବେ ଜାପାନର ଶାସକ ଦଳ ସିଞ୍ଜୋ ଆବେଙ୍କ ସ୍ୱାସ୍ଥ୍ୟାବସ୍ଥା ଠିକ୍ ଥିବା କହିଛି ।

ଏବେ ସେ ଔପଚାରିକ ଭାବେ ନିଜ ପଦରୁ ଇସ୍ତଫା ଦେଇଥିବା ଘୋଷଣା କରିଛନ୍ତି । କୁହାଯାଉଛି ଯେ, ପୂର୍ବଥର ସେ ଯେବେ ହସ୍ପିଟାଲ ଯାଇଥିଲେ ପ୍ରାୟ ୭ ଘଣ୍ଟା ରହିଥିଲେ । ତାଙ୍କ କାର୍ଯ୍ୟକାଳ ଡିସେମ୍ବର ୨୦୨୧ ଯାଏଁ ଥିଲା । ଗତ ସୋମବାର ସିଞ୍ଜୋ ନିଜ କାର୍ଯ୍ୟାଳୟରେ ୮ ବର୍ଷ ପୂରଣ କରିଥିଲେ । ଏହାସହ ସର୍ବାଧିକ ସମୟ ରହିଥିବା ଜାପାନର ପ୍ରଧାନମନ୍ତ୍ରୀ ହୋଇଥିଲେ ।

ନିକଟରେ କରୋନା ମୁକାବିଲା କ୍ଷେତ୍ରରେ ବିଫଳ ହେବାରୁ ତାଙ୍କ ଲୋକପ୍ରିୟତା ୩୦ ପ୍ରତିଶତ ହ୍ରାସ ପାଇଥିଲା । ଏପରିକି ତାଙ୍କ ଦଳ ଅନେକ ଦୁର୍ନୀତିରେ ଛନ୍ଦି ହୋଇ ପଡିଥିଲା । ତେବେ ୬୫ ବର୍ଷୀୟ ଆବେ ଦେଶର ଅର୍ଥବ୍ୟବସ୍ଥାକୁ ପୁଣି ଟ୍ରାକ୍‌କୁ ଫେରାଇ ଆଣିବେ ବୋଲି ଦାବି କରିଥିଲେ । ଏପରିକି ଚୀନ ଆଡୁ ଦେଖାଦେଇଥିବା ବିପଦ ପାଇଁ ସେ ନିଜ ସେନାକୁ ମଧ୍ୟ ମଜବୁତ କରିବାରେ ଲାଗିଥିଲେ ।

   Related Posts