Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନାଗରିକତା ସଂଶୋଧନ ବିଲ୍ ପ୍ରତିବାଦ ଆନ୍ଦୋଳନ : ଜାପାନ ପ୍ରଧାନମନ୍ତ୍ରୀଙ୍କ ଭାରତ ଗସ୍ତ ବାତିଲ

13/12/2019 at 2:13 PM

ନୂଆଦିଲ୍ଲୀ ୧୩।୧୨: ନାଗରିକତା ସଂଶୋଧନ ବିଲ୍‌କୁ ନେଇ ଆନ୍ଦୋଳନର ପ୍ରଭାବ ।  ଜାପାନ ପ୍ରଧାନମନ୍ତ୍ରୀ ସିଞ୍ଜୋ ଆବେଙ୍କ  ଭାରତ ଗସ୍ତ ବାତିଲ ହୋଇଛି । ନୂଆଦିଲ୍ଲୀ  ଏବଂ ଟୋକିଓ ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ଗୌହାଟୀରେ  ଆସନ୍ତା ୧୫ ରୁ ୧୭ ତାରିଖ ପର୍ଯ୍ୟନ୍ତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଜାପାନ ପ୍ରତିପକ୍ଷ ସିଞ୍ଜୋ ଆବେଙ୍କ ମଧ୍ୟରେ ଶିଖର ବୈଠକ ହେବାର ଥିଲା । କିନ୍ତୁ ସିଏବିକୁ ନେଇ ଉତ୍ତର ପୂର୍ବ ବିଶେଷ କରି ଆସାମରେ ଭୟଙ୍କର ହିଂସାରୁ କର୍ଫୁ ଜାରି ଥିବାରୁ ଶିଖର ବୈଠକକୁ ସ୍ଥଗିତ ରଖାଯାଇଛି। ବୈଦେଶିକ ମନ୍ତ୍ରାଳୟ ମୂଖପାତ୍ର ରବିଶ କୁମାର ଏହି ସୂଚନା ଦେଇଛନ୍ତି । ତେବେ ପରବର୍ତ୍ତୀ ସମୟରେ ଏହି ଦୁଇ ନେତାଙ୍କ ମଧ୍ୟରେ ଶିଖର ବୈଠକ ଲାଗି ଏକ ନୂଆ କାର୍ଯ୍ୟକ୍ରମ ପ୍ରସ୍ତୁତ ହେବ ବୋଲି ଜଣାଯାଇଛି ।

ତେବେ ସିଏବି ଘଟଣାକୁ ନେଇ ଗସ୍ତ ବାତିଲ କରିବାରେ ଜାପାନ ପ୍ରଧାନମନ୍ତ୍ରୀ ସିଞ୍ଜୋ ଆବେ ପ୍ରଥମ ନୁହନ୍ତି । ଗୁରୁବାର  ବାଂଲାଦେଶର  ବୈଦେଶିକ ମନ୍ତ୍ରୀ ଏ.କେ. ଅବଦୁଲ ମେନନ  ଏବଂ ଗୃହ ମନ୍ତ୍ରୀ  ଆସାଦୁଜ୍ଜମନ ଖାନ୍ ସେମାନଙ୍କ ଭାରତ ଗସ୍ତ ବାତିଲ କରିସାରିଛନ୍ତି ।

   Related Posts