ଉଦଳା ୨୪।୦୨: ଶିମିଳିପାଳ ଅଭୟାରଣ୍ୟରେ ଚାଲିଛି ବେଧଡକ ବନ୍ୟଜନ୍ତୁ ଶୀକାର । ତେବେ ଶିକାର ସାରି ଫେରୁଥିବା ବେଳେ ଜଣେ ଶିକାରୀକୁ ବନବିଭାଗ ଧରିଥିବା ବେଳେ ୭ଜଣ ଶିକାରୀ ଖସିଯାଇଛନ୍ତି । ଗିରଫ ହୋଇଥିବା ଶୀକାରୀ ନିକଟରୁ ମାଂସ, ବନ୍ଧୁକ ସହିତ ଧନୁ ତୀର ଜବତ ହୋଇଛି ।
ମୟୂରଭଞ୍ଜ ଜିଲ୍ଲା ଉଦଳା ବନାଂଚଳ ଅଧି ଆଠପଡା ଅଂଚଳରେ ରବିବାର ରାତିରେ ବନବିଭାଗ ଚଢାଉ କରିଛି । ଚଢାଉ ସମୟରେ ଶିମିଳିପାଳରୁ ଶିକାର କରି ଫେରୁଥିବା ବେଳେ ଜଣେ ଶିକାରୀକୁ ବନବିଭାଗ ଗିରଫ କରିଥିଲା । ଗିରଫ ହୋଇଥଇବା ଶିକାରୀ ନିକଟରୁ ୫୦ କିଲୋ ସମ୍ବର ମାଂସ ସହିତ ଗୋଟିଏ ଦେଶୀ ବନ୍ଧୁକ, ଧନୁ ଏବଂ ତୀର ଜବତ କରିଛି । ଗିରଫ ଶିକାରୀ ହେଲେ ଆଠପଡା ଗ୍ରାମର ମୋହନ ହଁ।ସଦା । ମୋହନ ଅନ୍ୟ ଶିକାରୀଙ୍କ ସହିତ ଶିକାର ନିମନ୍ତେ ଶିମିଳିପାଳ ଅଭୟାରଣ୍ୟ ଭିତରକୁ ଯାଇଥିଲା ।
