ସୋର, ୦୮/୦୬ : ଯୁବକଙ୍କ ମୃତଦେହ ଉଦ୍ଧାର । ବିଲ ମଝିରେ ଥିବା ଜାମୁକୋଳି ଗଛରୁ ଝୁଲନ୍ତା ଅବସ୍ଥାରେ ଜଣେ ବିବାହିତ ଯୁବକର ମୃତ ଦେହ ଉଦ୍ଧାର କରାଯାଇଛି । ମୃତକ ହେଲେ ଖଇରା ଥାନା ରାଇଗଡିଆ ଗ୍ରାମର ବିଶ୍ୱନାଥ ଦାସ ।
ତେବେ ମୃତ୍ୟୁର କାରଣ ଅସଷ୍ଟ ରହିଛି ।ମୃତକ ବିଶ୍ୱନାଥଙ୍କ ଘର ଭଦ୍ରକ ଜିଲ୍ଲା ତିହିଡି ଥାନା ଦପା ଅଞ୍ଚଳର ହୋଇଥିଲା ବେଳେ ସେ ବିବାହ ପରେ ଶଶୁର ଘରେ ରହୁଥିଲେ l ପାରିବାରିକ କଳହରୁ ମାନସିକ ଭାରସାମ୍ୟ ହରାଇ ସେ ଆତ୍ମହତ୍ୟା କରିଥିବାର ଆଶଙ୍କା କରାଯାଉଛି ।
ସେ ସୋମବାର ରାତିରୁ ତାଙ୍କର କୌଣସି ପତ୍ତା ମିଳି ନଥିଲା । ବହୁ ଖୋଜଖୋଜି ପରେ ଗାଁରେ ଥିବା ଏକ ଜାମୁକୋଳି ଗଛରୁ ତାଙ୍କର ମୃତଦେହ ଝୁଲନ୍ତା ଅବସ୍ଥାରେ ଠାବ ହୋଇଥିଲା । ପୋଲିସ ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି ।