Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିସା ଉପରେ ଲାଗିଥିବା କଟକଣା ହଟାଇଲେ ସରକାର
  • ||
  • ଟ୍ୱିଟରରେ ପ୍ରଧାନମନ୍ତ୍ରୀ ମୋଦିଙ୍କ ପାଇଁ କବିତା ଲେଖିଲେ ରାହୁଲ
  • ||
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||

ଜାମ୍ମୁ କାଶ୍ମୀର ସମ୍ପର୍କରେ ବଡ଼ ନିଷ୍ପତ୍ତି : ହଟିବ ଧାରା ୩୭୦,ଲଦାଖ ହେବ ଅଲଗା , ଜାମ୍ମୁ କାଶ୍ମୀର ହେବ କେନ୍ଦ୍ର ଶାସିତ ଅଞ୍ଚଳ ,୭ରେ ପ୍ରଧାନମନ୍ତ୍ରୀ ଦେଶକୁ କରିବେ ସମ୍ବୋଧିତ

5/08/2019 at 11:35 AM

ନୂଆଦିଲ୍ଲୀ ୫/୮: ଦୀର୍ଘ ସପ୍ତାହେ ଧରି କାଶ୍ମୀରକୁ ନେଇ ଲାଗି ରହିଥିବା ସସପେନ୍ସର ଅବସାନ ଘଟିଛି। ଜାମ୍ମୁ କାଶ୍ମୀର ସମ୍ପର୍କରେ ମୋଦି ସରକାର ଏକ ଅଭୁତ ପୂର୍ବ ଏବଂ ଐତିହାସିକ ନିଷ୍ପତ୍ତି ନେଇଛନ୍ତି।  ସବୁ କଳ୍ପନା ଜଳ୍ପନାର ଅବସାନ ଘଟାଇ ଗୃହମନ୍ତ୍ରୀ ଅମିତ ଶାହ କାଶ୍ମୀର ସମ୍ପର୍କରେ ସରକାରଙ୍କ ଆଭିମୁଖ୍ୟ ସ୍ପଷ୍ଟ କରିଛନ୍ତି। ଆଜି ସକାଳେ କ୍ୟାବିନେଟ ବୈଠକ ପରେ ରାଜ୍ୟସଭାରେ ବିବୃତି ରଖିଛନ୍ତି ଅମିତ ଶାହ। ପ୍ରବଳ ହଟ୍ଟଗୋଳ ଓ ବିରୋଧୀଙ୍କ ନାରାବାଜି ମଧ୍ୟରେ  ଜାମ୍ମୁ କାଶ୍ମୀରର ପୂର୍ନଗଠନ ଏବଂ ଜାମ୍ମୁ କାଶ୍ମୀରରୁ ୩୭୦ଧାରାର ଉଚ୍ଛେଦ ପାଇଁ ଅମିତ ଶାହ ପ୍ରସ୍ତାବ ରଖିଛନ୍ତି।

ଅମିତ ଶାହ ଏହି ପ୍ରସ୍ତାବ ରଖିବା ପରେ ଗୃହରେ ପ୍ରବଳ ହଟ୍ଟଗୋଳ ସୃଷ୍ଟି ହୋଇଛି। ସୂଚନାଯୋଗ୍ୟ ଯେ କାଶ୍ମୀର ଘାଟିରେ ୪୦,୦୦୦ ଅତିରିକ୍ତ ସୈନ୍ୟ ମୁତୟନ ହୋଇଛନ୍ତି। ସରକାର ଏଭଳି ଏକ ନିଷ୍ପତି ନେଇଥିବାରୁ କାଶ୍ମୀର ଘାଟିରେ ଆନ୍ଦୋଳନ ଆଶଙ୍କା କରି ଏଭଳି ସୈନ୍ୟ ମୁତୟନ ହୋଇଥିବା ସ୍ପଷ୍ଟ ହୋଇଛି।

ଅମିତ ଶାହ ପାର୍ଲିଆମେଣ୍ଟରେ ଆଣିଥିବା ସଙ୍କଳ୍ପ ଅନୁସାରେ ଜାମ୍ମୁ କାଶ୍ମୀରରୁ ଲାଦାଖକୁ ଅଲଗା କରିବା ପାଇଁ ପ୍ରସ୍ତାବ ରହିଛି। ସେହିଭଳି ଜାମ୍ମୁ କାଶ୍ମୀରକୁ କେନ୍ଦ୍ର ଶାସିତ ପ୍ରଦେଶ କରିବାକୁ ପ୍ରସ୍ତାବ ଦିଆଯାଇଛି। ଏହାକୁ ଏକ ଐତିହାସିକ ଘଟଣା ବୋଲି ବର୍ଣ୍ଣନା କରାଯାଇଛି। ଆସନ୍ତା ୭ତାରିଖ ଦିନ ଏହି ସମ୍ପର୍କରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ସମ୍ବୋଧିତ କରିବେ। ସରକାରଙ୍କ ଏଭଳି ନିଷ୍ପତ୍ତିକୁ ରାଜ୍ୟସଭାରେ କଂଗ୍ରେସ ସାଂସଦ ଗୁଲାମ ନବୀ ଆଜାଦ ତୀବ୍ର ବିରୋଧ କରିଛନ୍ତି। ସେହିଭଳି ପିଡିପି ସଦସ୍ୟମାନେ ପୋଷାକ ଚିରି ବିରୋଧ ପ୍ରଦର୍ଶନ କରିଛନ୍ତି। ଗୁଲାମ ନବୀ ଆଜାଦ ରାଜ୍ୟସଭାରେ ଧାରଣାରେ ବସିଥିବାବେଳେ ତାଙ୍କୁ ମାର୍ଶାଲ ସେଥିରୁ କ୍ଷାନ୍ତ କରିଥିଲେ। ବିରୋଧୀ ସଦସ୍ୟମାନେ ଏହି ନିଷ୍ପତ୍ତିକୁ ଲଜ୍ଜା ବୋଲି କହି ଟେବୁଲ ପିଟୁଥିବା ଦେଖିବାକୁ ମିଳିଥିଲା।

   Related Posts