Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||
  • ଶୀତ ଖେଳୁଛି ଲୁଚକାଳି : ଆଜି ବଢିବ ଥଣ୍ଡା, କିନ୍ତୁ କାଲି କମିଯିବ
  • ||
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||

ଜାମ୍ମୁ କାଶ୍ମୀରରେ ନୂଆ ସୂର୍ଯ୍ୟୋଦୟ : ଆଜିଠୁ ବଦଳିଗଲା ଇତିହାସ ଓ ଭୂଗୋଳ, କେମିତି ହେବ ଏବେ ଆଇନ ବ୍ୟବସ୍ଥା ଜାଣନ୍ତୁ

31/10/2019 at 5:06 PM

ଶ୍ରୀନଗର ୩୧|୧୦: ଜାମ୍ମୁ କାଶ୍ମୀରରେ ନୂଆ ସୂର୍ଯ୍ୟୋଦୟ ।ଆଜିଠାରୁ ପୁରୁଣା ଜାମ୍ମୁ କାଶ୍ମୀର ରାଜ୍ୟ ବିଭାଜନ ହୋଇ ଦୁଇଟି କେନ୍ଦ୍ର ଶାସିତ ଅଞ୍ଚଳରେ ପରିଣତ ହୋଇଛି ।ଏହାସହିତ ଓଡ଼ିଆ ଆଇଏଏସ ଅଧିକାରୀ ଗିରୀଶ ଚନ୍ଦ୍ର ମୁର୍ମୁ ଜାମ୍ମୁ କାଶ୍ମୀରର ପ୍ରଥମ ଉପରାଜ୍ୟପାଳ ଭାବେ ନିଯୁକ୍ତି ହୋଇଛନ୍ତି ।ସେହିଭଳି ଆର୍‌.କେ ମାଥୁର ଲଦାଖର ଉପରାଜ୍ୟପାଳ ଭାବେ ଦାୟିତ୍ବ ଗ୍ରହଣ କରିଛନ୍ତି ।ପୂର୍ବରୁ ରାଜ୍ୟ ଭାବେ ଜାମ୍ମୁ କାଶ୍ମୀରରେ ଲାଗୁ ହେଉଥିବା ଆଇନ ଗୁଡ଼ିକ ରଦ୍ଦ ହୋଇଯାଇଥିବା ବେଳେ କେନ୍ଦ୍ର ଶାସିତ ଅଞ୍ଚଳ ଭାବେ କେନ୍ଦ୍ରୀୟ ଆଇନ ଗୁଡ଼ିକ ଲାଗୁ ହେବ।

ଦିନକରେ ବଦଳିଗଲା ଜାମ୍ମୁ କାଶ୍ମୀରର ଇତିହାସ ଓ ଭୂଗୋଳ ।ଇତିହାସ ପୃଷ୍ଠାକୁ ଚାଲିଗଲା ଜାମ୍ମୁ କାଶ୍ମୀର ରାଜ୍ୟ ।ଆଜିଠୁ ଜାମ୍ମୁ କାଶ୍ମୀର ଏକ କେନ୍ଦ୍ର ଶାସିତ ଅଞ୍ଚଳ ହୋଇଥିବା ବେଳେ ପୂର୍ବରୁ ଏହାର ଅଂଶବିଶେଷ ଥିବା ଲଦାଖ ହୋଇଛି ଅନ୍ୟ ଏକ କେନ୍ଦ୍ର ଶାସିତ ଅଞ୍ଚଳ ।ଆତଙ୍କବାଦ ଏବଂ ବିଚ୍ଛିନ୍ନତାବାଦ ପ୍ରଭାବିତ ଜାମ୍ମୁ କାଶ୍ମୀରର ଇତିହାସରେ ହୋଇଛି ନୂଆ ସୂର୍ଯ୍ୟୋଦୟ ।

ଜାମ୍ମୁ କାଶ୍ମୀର ପାଇଁ ପୂର୍ବରୁ ଲାଗୁ ହେଉଥିବା ପତାକା ଏବଂ ସମ୍ବିଧାନ ଅଚଳ ହୋଇପଡ଼ିଛି ।ନୂଆକରି ଗଠିତ ହୋଇଥିବା ଦୁଇ କେନ୍ଦ୍ର ଶାସିତ ଅଞ୍ଚଳ ପାଇଁ ଦୁଇଜଣ ଉପରାଜ୍ୟପାଳ ନିଯୁକ୍ତ ହୋଇଛନ୍ତି ।ଜାମ୍ମୁ କାଶ୍ମୀରର ପ୍ରଥମ ଉପରାଜ୍ୟପାଳ ନିଯୁକ୍ତ ହୋଇଛନ୍ତି ଗୁଜରାଟ କ୍ୟାଡରର ଓଡ଼ିଆ ଆଇଏଏସ୍‌ ଗିରୀଶ ଚନ୍ଦ୍ର ମୁର୍ମୁ । ତାଙ୍କୁ ଜାମ୍ମୁ ଓ କାଶ୍ମୀର ହାଇକୋର୍ଟର ମୁଖ୍ୟ ବିଚାରପତି ଗୀତା ମିତ୍ତଲ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି ।

ଏହାପରେ ତାଙ୍କୁ ଗାର୍ଡ ଅଫ୍  ଅନର ଦିଆଯାଇଛି ।ମୟୂରଭଞ୍ଜର ବେତନଟୀ ବାସିନ୍ଦା ଗିରିଶ ମୁର୍ମୁଙ୍କ ପରିବାର ଏବେବି ବେତନଟୀରେ ରହୁଛନ୍ତି ।ବାପା ଭାଗବତ ମୁର୍ମୁ  ରେଲୱେରେ ବରିଷ୍ଠ ଅଧିକାରୀ ଥିଲେ ଓ ମାଆ ପାର୍ବତୀ ମୁର୍ମୁ ଡାକ ବିଭାଗର ଅଧିକାରୀ ଥିଲେ । ଉତ୍କଳ ବିଶ୍ବବିଦ୍ୟାଳୟରୁ ଡିଗ୍ରୀ ହାସଲ ପରେ ଗିରୀଶଚନ୍ଦ୍ର ୟୁନିଭର୍ସିଟି ଅଫ ବର୍ମିଂହାମରୁ ଏମ୍.ବି.ଏ କରିଥିଲେ  ।

ଲୌହମାନବ ସର୍ଦ୍ଦାର ବଲ୍ଲଭ ଭାଇ ପଟେଲ୍‌ଙ୍କ ଜୟନ୍ତୀରେ ହୋଇଛି ଜାମ୍ମୁ କାଶ୍ମୀରର ପୁନର୍ଗଠନ ।ଦେଶ ସ୍ବାଧୀନତା ବେଳେ ୫୬୦ଟି ରାଜ୍ୟକୁ ଭାରତୀୟ ସଂଘୀୟ ବ୍ୟବସ୍ଥାରେ ମିଶାଇଥିବା ସର୍ଦ୍ଦାର ବଲ୍ଲଭ ଭାଇ ପଟେଲ୍‌ଙ୍କ ଜୟନ୍ତୀ ଜାତୀୟ ଏକତା ଦିବସ ଭାବେ ପାଳିତ ହେଉଛି ।

ତେବେ ଜାମ୍ମୁ କାଶ୍ମୀରର ବିଧାନସଭା ଥିବା ବେଳେ ଲଦାଖର କୌଣସି ବିଧାନସଭା ରହିବ ନାହିଁ ।ଜାମ୍ମୁ କାଶ୍ମୀରର ପ୍ରଥମ ଉପରାଜ୍ୟପାଳ ଭାବେ ନିଯୁକ୍ତ ଗିରୀଶ ଚନ୍ଦ୍ର ମୁର୍ମୁ ୧୯୮୫ ବ୍ୟାଚ୍‌ର ଗୁଜରାଟ କ୍ୟାଡର ଆଇଏଏସ୍‌ ଅଧିକାରୀ ।ପ୍ରଧାନମନ୍ତ୍ରୀ ମୋଦିଙ୍କ ବିଶ୍ବସ୍ତ ଅଧିକାରୀଙ୍କ ଭିତରୁ ସେ ଜଣେ । ଚଳିତବର୍ଷ ମାର୍ଚ୍ଚ ମାସରେ ସେ ଅର୍ଥ ମନ୍ତ୍ରାଳୟର ବ୍ୟୟ ଭାବେ ନିଯୁକ୍ତ ହୋଇଥିଲେ ।

ଆଜିଠାରୁ ଜାମ୍ମୁ କାଶ୍ମୀରର ୭୨ ବର୍ଷ ପୁରୁଣା ଇତିହାସ ବଦଳିଯାଇଛି ।ପ୍ରଥମ ଥର ପାଇଁ ଦେଶର କୌଣସି ରାଜ୍ୟକୁ କେନ୍ଦ୍ର ଶାସିତ ଅଞ୍ଚଳ ଘୋଷଣା ହୋଇଥିବା ବେଳେ ଦେଶର ମୋଟ କେନ୍ଦ୍ର ଶାସିତ ଅଞ୍ଚଳ ସଂଖ୍ୟା ୯ରେ ପହଞ୍ଚିଛି ।ଏବେ ସେଠାରେ ସରକାରୀ କାମ ଉର୍ଦ୍ଦୁ ବଦଳରେ ହିନ୍ଦୀ ଭାଷାରେ ହେବ ।ଦୁଇ ନବଗଠିତ କେନ୍ଦ୍ର ଶାସିତ ଅଞ୍ଚଳରେ ରଣବୀର ଆଇନ ବଦଳରେ ଭାରତୀୟ ଦଣ୍ଡ ସଂହିତା-ଆଇପିସି ଲାଗୁ ହେବ ।ଏବେ ଜାମ୍ମୁ କାଶ୍ମୀରରେ କ୍ରିମିନାଲ ପ୍ରୋସିଜ୍ୟୋର କୋଡ୍‌-ସିଆରପିସି ଲାଗୁ ହେବ ।ନୂଆ ଜାମ୍ମୁ କାଶ୍ମୀରରେ ପୋଲିସ ଏବଂ ଆଇନ କାନୁନ ବ୍ୟବସ୍ଥା କେନ୍ଦ୍ର ସରକାରଙ୍କ ଅଧୀନରେ ରହିବ ।

ଜମି ବ୍ୟବସ୍ଥାର ଦେଖାରେଖା ନିର୍ବାଚିତ ସରକାରଙ୍କ ଦ୍ବାରା ହେବ ।ଜାମ୍ମୁ କାଶ୍ମୀର ବିଧାନସଭା ସଦସ୍ୟ ସଂଖ୍ୟା ପୂର୍ବରୁ ୧୦୭ ଥିବା ବେଳେ ଏବେ ଏହା ୧୧୪ ହେବ ।ପାକ୍‌ ଅଧିକୃତ କାଶ୍ମୀର ପାଇଁ ବିଧାନସଭାରେ ୨୪ଟି ଆସନ ଖାଲି ରଖାଯିବ ।

   Related Posts