Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||

ପାକିସ୍ତାନ ‘ଆଜାଦୀ ମାର୍ଚ୍ଚ’: ଆଲୋଚନା ଲାଗି ସରକାରଙ୍କ ପ୍ରସ୍ତାବକୁ ମୌଲାନାଙ୍କ ଅସ୍ୱୀକାର, କହିଲେ ଇସ୍ତଫା ଦେଇ ଘରକୁ ଯାଅ

8/11/2019 at 7:31 PM

ଇସ୍ଲାମାବାଦ: ପାକିସ୍ତାନ ଇମ୍ରାନ ସରକାରଙ୍କ ଲାଗି ଏବେ ମୌଲାନା ଫଜଲୁର ରହମାନ ନୂଆ ଚିନ୍ତା ପାଲଟିଛନ୍ତି। କ୍ଷମତାରୁ ଇମ୍ରାନଙ୍କୁ ହଟାଇବା ଲାଗି ମୌଲାନାଙ୍କ ଆଜାଦୀ ମାର୍ଚ୍ଚ ଏବ ରାଜଧାନୀରେ ଆନ୍ଦୋଳନ ଚଳାଇଥିବା ବେଳେ ଆଲୋଚନା ଲାଗି ସରକାରଙ୍କ ପ୍ରସ୍ତାବକୁ ଅସ୍ୱୀକାର କରିଛନ୍ତି। ଜମିୟତ ଉଲେମା-ଏ-ଇସ୍ଲାମ ନେତା ମୌଲାନା ସରକାରଙ୍କୁ ତାଙ୍କର  ଦୁଇପଦ କଥା ଶୁଣେଇଦେଇଛନ୍ତି। କହିଛନ୍ତି ଇସ୍ତଫା ଦିଅ ଓ ଘରକୁ ଯାଅ।

ଅନ୍ୟପକ୍ଷରେ ମୌଲାନା ଆନ୍ଦୋଳନରତ ଲୋକଙ୍କୁ ସମ୍ବୋଧିତ କରି ସରକାରୀ ପ୍ରତିନିଧି ମଣ୍ଡଳ ବିନା ଏଜେଣ୍ଡାରେ ଆଲୋଚନାକୁ ଆସିବା ଉଚିତ ନୁହେଁ ବୋଲି କହିଛନ୍ତି। ଏହା ସତ୍ତ୍ୱେ ଆଲୋଚନାକୁ ଆସୁଥିବା ସରକାରୀ ପ୍ରତିନିଧି ସାଙ୍ଗରେ ଇମ୍ରାନଙ୍କ ଇସ୍ତଫା ଧରି ଆଲୋଚନାକୁ ଆସନ୍ତୁ ବୋଲି କହିଛନ୍ତି। ମୌଲାନା ସେନାର ଡିଜି ଆଇଏସପିଆର ମେଜର ଜେନେରାଲ ଆସିଫ ଗଫୁରଙ୍କ ବୟାନକୁ ସ୍ୱାଗତ କରିଛନ୍ତି। ମେଜର ଜେନେରାଲ ଗଫୁର ଦେଶର ସେନା ସାଧାରଣ ନିର୍ବାଚନ ଓ ଅନ୍ୟ ରାଜନୈତିକ ପ୍ରସଙ୍ଗରେ ସମ୍ପୂର୍ଣ୍ଣ ନିରପେକ୍ଷ ବୋଲି କହିଥିଲେ। ଏଣୁ ଆଜାଦୀ ମାର୍ଚ୍ଚ ହଟାଇବା ଲାଗି ବିରୋଧୀ ଦଳ ଓ ଇମ୍ରାନ ସରକାରଙ୍କ ମଧ୍ୟରେ ସେନା ମଧ୍ୟସ୍ଥତା କରିବ ନାହିଁ ବୋଲି ଗଫୁର ସ୍ପଷ୍ଟ କରିଦେଇଥିଲେ।

ସୂଚନା ଯୋଗ୍ୟଯେ ଗତ ମଙ୍ଗଳବାର ସରକାର ଓ ବିରୋଧୀ ଦଳଙ୍କ ମଧ୍ୟରେ ଆଜାଦୀ ମାର୍ଚ୍ଚ ନେଇ ଦ୍ୱିତୀୟ ରାଉଣ୍ଡ ଆଲୋଚନା ବିଫଳ ହୋଇଥିଲା। ତେବେ ଏହା ପୂର୍ବରୁ ପ୍ରଧାନମନ୍ତ୍ରୀ ଇମ୍ରାନ ଖାନ ତାଙ୍କ ଇସ୍ତଫା ଦାବିକୁ ଛାଡି ଆଜାଦୀ ମାର୍ଚ୍ଚର ଅନ୍ୟ ସମସ୍ତ ଦାବି ମାନିନେଇଥିଲେ। ତେବେ ଆଜାଦି ମାର୍ଚ୍ଚ ଶୁକ୍ରବାର ଅଷ୍ଟମ ଦିନରେ ପହଞ୍ଚି ଥିବା ବେଳେ ବିକ୍ଷୋଭକାରୀ ପ୍ରଧାନମନ୍ତ୍ରୀଙ୍କ ଇସ୍ତଫା ଦାବିରେ ଅଡି ଯାଇଛନ୍ତି। ଏଥିରେ ବିରୋଧୀ ଦଳ ମୌଲାନାଙ୍କ ଶ୍ୱରରେ ଶ୍ୱର ମିଳାଇଥିବା ବେଳେ ଇମ୍ରାନଙ୍କ ସହ ଆଲୋଚନା ଲାଗି ମୌଲାନା ସମସ୍ତ ଦ୍ୱାର ଅବରୋଧ କରିଛନ୍ତି।

   Related Posts