କୁଚିଣ୍ଡା ୨୯।୪: କୁଚିଣ୍ଡା ଉପଖଣ୍ଡ ଜମନକିରା ପଞ୍ଚାୟତ ଅଞ୍ଚଳରେ କରୋନା ସଂକ୍ରମଣକୁ ଦେଖି ଆଜିଠାରୁ ୧୫ ଦିନ ପାଇଁ ପଞ୍ଚାୟତକୁ ସଟଡାଉନ ଘୋଷଣା କରିଛନ୍ତି ସରପଞ୍ଚ ଭାସ୍କରଚନ୍ଦ୍ର ଭୋଇ । ଆସନ୍ତା ମେ’ ମାସ ୧୩ ତାରିଖ ପର୍ଯ୍ୟନ୍ତ ଏହି ସଟ୍ ଡାଉନ୍ ବଳବତ୍ତର ରହିବ ବୋଲି ନିର୍ଦ୍ଦେଶନାମା ଜାରି କରିଥିବା ବେଳେ ଅତ୍ୟାବଶ୍ୟକୀୟ ସାମଗ୍ରୀ ସାଙ୍ଗକୁ ଔଷଧ ଦୋକାନ, ଜରୁରୀ କାଳୀନ ସେବାକୁ ବାଦ୍ ଦିଆଯାଇଛି ।
ସମସ୍ତ ଗ୍ରୋସୋରୀ ଦୋକାନ ପ୍ରତ୍ୟେକ ଦିନ ସକାଳ ୬ଟାରୁ ପୂର୍ବାହ୍ନ ୧୧ଟା ପର୍ଯ୍ୟନ୍ତ ଖୋଲା ରହିବ । ସେହିପରି ଔଷଧ ଦୋକାନ ସକାଳ ୬ଟାରୁ ରାତି ୮ଟା ପର୍ଯ୍ୟନ୍ତ ଖୋଲା ରହିବ । ସପ୍ତାହର ଶୁକ୍ରବାର ଦିନ ସାପ୍ତାହିକ ହାଟ ସକାଳ ୬ଟାରୁ ୮ଟା ପର୍ଯ୍ୟନ୍ତ ଦୁଇ ଘଣ୍ଟା ପାଇଁ ଖୋଲା ରହିବାର ନିର୍ଦ୍ଦେଶ ରହିଛି । ଗ୍ରାମାଞ୍ଚଳରେ ଲୋକେ ଅମାନିଆ ହେଉଥିବା ବେଳେ ସଂକ୍ରମଣର ଭୟ ଅଧିକ ରହିଛି । ଏହାକୁ ନେଇ ଏଭଳି ପଦକ୍ଷେପ ନିଆଯିବା ସହ ଜନସାଧାରଣ ସହଯୋଗ କରିବାକୁ ପଞ୍ଚାୟତ ପକ୍ଷରୁ ଅନୁରୋଧ କରାଯାଇଛି ।