Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସାତ ଲକ୍ଷ ଟଙ୍କାର କାମ, ଦେଢ଼ ଲକ୍ଷ ଟଙ୍କା ପିସି ମାଗୁଛନ୍ତି ବ୍ଲକ୍‌ ଅଧ୍ୟକ୍ଷା, ନଚେତ୍ କାମ ବନ୍ଦ କରିବାକୁ ଧମକ : ଅଡିଓ ଭାଇରାଲ…

29/04/2021 at 7:26 PM

ରାଇରଙ୍ଗପୁର ୨୯/୪ : ଗ୍ରାମାଞ୍ଚଳରେ ଲୋକଙ୍କ ଉନ୍ନତି ପାଇଁ ସରକାର କୋଟି କୋଟି ଟଙ୍କା ବିଭିନ୍ନ ଯୋଜନାରେ ଖର୍ଚ୍ଚ କରୁଛନ୍ତି । କିନ୍ତୁ ଜନସାଧାରଣଙ୍କ ଯୋଜନାଗୁଡିକ ସଠିକ୍‌ ଢଙ୍ଗରେ ପହଞ୍ଚୁଛି କି ନାହିଁ ତାହା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । କିଛି କୁଜି ନେତା, ଲୋକ ପ୍ରତିନିଧି ତଥା ଦୁର୍ନୀତି ଗ୍ରସ୍ଥ ସରକାରୀ ବାବୁଙ୍କ ପାଇଁ କିପରି ଉନ୍ନୟନ ପ୍ରକଳ୍ପ ସବୁ ଅଟକି ରହୁଛି ଏହାର ଏକ ଉଦାହରଣ ଦେଖିବାକୁ ମିଳିଛି ମୟୁରଭଞ୍ଜ ଜିଲ୍ଲା ଜାମଦା ବ୍ଲକରେ । ବ୍ଲକ ଅଧ୍ୟକ୍ଷା ମାଳତୀ ଆଲଦା ସାତ ଲକ୍ଷର ଧାନ ଖଳା ପିଣ୍ଡି ନିର୍ମାଣ କାର୍ଯ୍ୟରେ ଦେଢ଼ଲକ୍ଷ ଟଙ୍କା ପିସି ନ ଦେଲେ କାମ ବନ୍ଦ କରିବାକୁ ଧମକ ଦେଉଥିବା ଅଡ଼ିଓ ସୋସିଆଲ ମେଡିଆ ରେ ଘୁରି ବୁଲୁଛି ।

ସୂଚନା ମୁତାବକ ଜାମଦା ବ୍ଲକର ଦୁନ୍ଦୁ ପଞ୍ଚାୟତ ରେ ଏକ ଧାନ ଖୋଳା ପିଣ୍ଡି ନିର୍ମାଣ କରାଯାଇଥିଲା । ବିଭାଗୀୟ ଯନ୍ତ୍ରୀଙ୍କ ନାଁ ରେ କାର୍ଯ୍ୟାଦେଶ ହୋଇଥିଲେ ମଧ୍ୟ ଦୁନ୍ଦୁ ଗ୍ରାମର କିଛି ଯୁବକ କାମ କରୁଥିଲେ । ତେବେ ଉକ୍ତ କାର୍ଯ୍ୟ ପାଇଁ ବ୍ଲକ ଅଧ୍ୟକ୍ଷା ଦେଢ଼ ଲକ୍ଷ ଟଙ୍କା ପିସି ମାଗୁଥିବା ଅଭିଯୋଗ ହୋଇଛି । ଏତେ ଟଙ୍କା ପିସି ଦେବାରେ ଅକ୍ଷମତା ପ୍ରକାଶ କରିବାରୁ ନିଜର ପାଖ ଲୋକଙ୍କୁ ପଠାଇ ନିର୍ମାଣ କାମ ଚାଲିଥିବା ବେଳେ ହଇରାଣ କରୁଥିଲେ । ତେବେ ତତ୍କାଳୀନ ବିଡ଼ିଓଙ୍କ ଆଶ୍ୱାସନା ପରେ ନିର୍ମାଣ କାର୍ଯ୍ୟ ଶେଷ ହେବାର ଚାରି ମାସ ବିତିଗଲେ ବି ଅର୍ଥ ପଇଠ କରା ଯାଉନାହିଁ ।

ଏ ନେଇ ରାଇରଙ୍ଗପୁର ଉପଜିଲ୍ଲାପାଳଙ୍କୁ ଅଭିଯୋଗ କରିବା ପରେ ମଧ୍ୟ ସମସ୍ୟାର ସମାଧାନ ନ ହେବାରୁ ଅଧ୍ୟକ୍ଷାଙ୍କ ମୋବାଇଲ ରେ ଅର୍ଥଦାବୀ କରୁଥିବା ଅଡ଼ିଓ କୁ କେହି ଭାଇରାଲ କରିଦେଇଛି । ତେବେ କନିଷ୍ଠ ଯନ୍ତ୍ରୀଙ୍କ ନାଁରେ କାମ ଶେଷ ହବା ର ଦୀର୍ଘମାସ ପରେ ବିଲ ନ କରିବା ସମ୍ପୃକ୍ତ ଯନ୍ତ୍ରୀଙ୍କ ଭୂମିକାକୁ ନେଇ ମଧ୍ୟ ସନ୍ଦେହ ସୃଷ୍ଟି ହୋଇଛି । ଏହାର ନିରପେକ୍ଷ ତଦନ୍ତ ହେଲେ ଜାମଦା ବ୍ଲକର ଅନେକ କାର୍ଯ୍ୟର ପିସି କାରବାରର ଗୁମର ଖୋଲିବ ବୋଲି ସ୍ଥାନୀୟ ବାସିନ୍ଦା କହିଛନ୍ତି ।

   Related Posts