ଜଳେଶ୍ୱର ୧୭।୦୧: ମୋବାଇଲ୍ ଚୋରି ଅଭିଯୋଗରେ କଙ୍ଗାରୁ କୋର୍ଟ । ପୋଲିସରେ ଜିମା ନଦେଇ ସର୍ବ ସାଧାରଣ ଆଗରେ ନିର୍ଦ୍ଦୁମ ମାଡ଼ ଦେଲେ ସ୍ଥାନୀୟଲୋକେ । ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଅଞ୍ଚଳରେ ଦେଖିବାକୁ ମିଳିଥିଲା ଏପରି କିଛି ଘଟଣା ।
ଖବର ଅନୁଯାୟୀ, ଆଜି ସୋମବାର ସାପ୍ତାହିକ ହାଟ ଥିବାରୁ ଲୋକଙ୍କର ଭିଡ଼ଥିଲା । ଏହାର ସୁଯୋଗ ନେଇ ଖଡ଼ଗପୁର ଅଞ୍ଚଳର ଏକ ଚୋର ହାଟକୁ ଆସିଥିବା ଜଣେ ବ୍ୟକ୍ତିଙ୍କ ହାତରୁ ମୋବାଇଲ ଫୋନକୁ ଛଡ଼ାଇ ନେଇ ଚମ୍ପଟ ମାରିଥିଲା । ତେବେ ହାଟରେ ଥିବା ଯୁବକ ମାନେ ଜାଣିପାରି ଚୋରକୁ କାବୁକରି ନିର୍ଦ୍ଦୁମ ମାଡ଼ ମାରିଥିଲେ । ସବୁଠାରୁ ବଡ଼ କଥା ହେଲା ହାଟ ଠାରୁ ମାତ୍ର ୫୦ମିଟର ଦୂରରେ ଜଳେଶ୍ୱର ଥାନା ଥିଲା । କିନ୍ତୁ ଚୋରକୁ ପୋଲିସରେ ଜିମା ନଦେଇ ସର୍ବ ସାଧାରଣ ଆଗରେ ଯୁବକ ମାନେ ଏଭଳି ମାଡ଼ ମାରିବା କେତେ ଯୁକ୍ତି ଯୁକ୍ତ ।