ଭୁବନେଶ୍ବର ୧୮।୧୨: ଏଣିକି ଜଳସାଥୀ ଆଦାୟ କରିବେ ଜଳକର । ମିଶନ ଶକ୍ତିର ମହିଳାମାନେ ରାଜ୍ୟର ୧୧୪ଟି ପୌରାଞ୍ଚଳରେ ଜଳଯୋଗାଣା ସହ ବିଲ ଆଦାୟ କରିବେ ବୋଲି ଘୋଷଣା କରିଛନ୍ତି ନବୀନ । କେବଳ ଯେ ଜଳକର ଆଦାୟ କରିବେ ତାହା ନୁହେଁ ବରଂ ଜଳର ଗୁଣବତ୍ତା ମଧ୍ୟ ଯାଞ୍ଚ କରିବେ ଜଳସାଥୀ ।
{"id":199325,"sizeSlug":"large"}ଓ୍ବାଟକୋ ଦ୍ବାରା ଏହି ଯୋଜନା ହାତକୁ ନିଆଯାଇଥିବା ବେଳେ ନବୀନ ନିବାସର ଜଳକର ଦେଇଛନ୍ତି ମୁଖ୍ୟମନ୍ତ୍ରୀ । ଜଳକର ବାବଦକୁ ରୂପେ କାର୍ଡରେ ୫୯୩ ଟଙ୍କା ଜଳସାଥୀଙ୍କୁ ଦେଇ ଏହାର ଶୁଭାରମ୍ଭ କରିଛନ୍ତି ନବୀନ । ଜଳଯୋଗାଣକାରୀ ସଂସ୍ଥା ଓ ଉପଭୋକ୍ତାଙ୍କ ମଧ୍ୟରେ ଜଳସାଥୀ ସେତୁ ଭଳି କାମ କରିବ ବୋଲି ନବୀନ କହିଛନ୍ତି ।
{"id":199328,"sizeSlug":"large"}ପୂର୍ବରୁ ସ୍ବୟଂ ସହାୟକ ଗୋଷ୍ଠୀର ମହିଳାମାନଙ୍କୁ ବିଭିନ୍ନ କାର୍ଯ୍ୟରେ ନିୟୋଜିତ କରି ସ୍ବାବଲମ୍ବୀ କରିବା ସହ ରୋଜଗାରକ୍ଷମ କରାଇଛନ୍ତି ରାଜ୍ୟ ସରକାର । ଅଙ୍ଗନଓ୍ବାଡି ଓ ସ୍କୁଲକୁ ମଧ୍ୟାହ୍ନଭୋଜନ ଯୋଗାଇଦେବା କାର୍ଯ୍ୟଠାରୁ ଆରମ୍ଭ କରି ମିଟର ରିଡିଂ ଭଳି କାର୍ଯ୍ୟରେ ମହିଳାମାନଙ୍କୁ ନିୟୋଜିତ କରିଛନ୍ତି ରାଜ୍ୟ ସରକାର ।