Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଭୁବନେଶ୍ବରରେ ପହଞ୍ଚିଲା ଆଉ ୧ ଲକ୍ଷ ୪୯ ହଜାର ୭୬୦ ଡୋଜ୍ କୋଭାକ୍ସିନ୍ ଟିକା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୧୫୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ପାରାଦୀପ : ନକଲି ସାର୍ଟିଫିକେଟ୍ ରାକେଟ୍‌ର ପର୍ଦ୍ଦାଫାଶ : ମେଡିକାଲ୍ ସାର୍ଟିଫିକେଟ୍ ତିଆରି ଅଭିଯୋଗରେ ଯୁବକ ଗିରଫ
  • ||

ବାଳାଶ୍ରମରେ ରହୁଛନ୍ତି ରାସ୍ତାରେ ଭିକ ମାଗୁଛନ୍ତି: ଯାଜପୁରରେ ଚାଲିଛି ଏମିତି ଶିଶୁ ସୁରକ୍ଷା

6/02/2020 at 7:31 PM

ଯାଜପୁର୬/୨: ରାଜ୍ୟରେ କେମିତି ଚାଲିଛି ଶିଶୁ ସୁରକ୍ଷା ? ପରଦା ପଛର କାହାଣୀ ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ। ରାସ୍ତାକଡ଼ରୁ ଶିଶୁ ଶ୍ରମିକ, ନିର୍ଯାତିତ ଓ ଅସହାୟ ଶିଶୁଙ୍କୁ ଉଦ୍ଧାର କରି ବାହା ବାଃ ନେଉଛି ଶିଶୁ ମଙ୍ଗଳ ସମିତି କିମ୍ବା ଶିଶୁ ସୁରକ୍ଷା ୟୁନିଟ୍‌ । ଆଉ ସେମାନଙ୍କୁ ବାଳାଶ୍ରମରେ ଛାଡ଼ି ଦିଆଯାଉଛି। ହେଲେ ସେଠି ସେମାନେ କ’ଣ କରୁଛନ୍ତି, କିଭଳି ଜୀବନ ଜିଇଁବାକୁ ବାଧ୍ୟ ହେଉଛନ୍ତି ସେକଥା ଦେଖିବାକୁ ସତେ ଯେମିତି କେହି ନାହିଁ ।

କିଛି ଦିନ ତଳେ ଜଣେ ପିଲାକୁ ଶିଶୁ ସୁରକ୍ଷା ସମିତି ଉଦ୍ଧାର କରି ବାଳାଶ୍ରମରେ ଛାଡ଼ିଥିଲା । ହେଲେ ସେ ବାଳାଶ୍ରମ ଛାଡ଼ି ବିଭିନ୍ନ ସମୟରେ ଭିକ୍ଷାବୃତ୍ତି କରିବାକୁ ଯାଉଥିବା ଖୁଲମ୍‌ ଖୁଲା କହୁଛି । ଯାଜପୁର ବାଳାଶ୍ରମ ପରିଦର୍ଶନ କଲେ ଆପଣ ବୁଝିଯିବେ କିପରି ଚାଲିଛି ଶିଶୁ ସୁରକ୍ଷା। ଏୟା ଯେ, ଏଠି ଧର୍ମକୁ ଆଖି ଠାର ମାରି ଚାଲିଛି ଶିଶୁ ସୁରକ୍ଷା ଅଭିଯାନ ।

ରାସ୍ତାକଡ଼ରୁ ଶିଶୁ ଶ୍ରମିକ, ନିର୍ଯାତିତ ଓ ଅସହାୟ ଶିଶୁଙ୍କୁ ଉଦ୍ଧାର କରି ବାହାଦୁରୀ ମାରୁଛି ଶୁଶୁ ମଙ୍ଗଳ ସମିତି କିମ୍ବା ଶିଶୁ ସୁରକ୍ଷା ୟୁନିଟ୍‌ । ଆଉ ନିକଟରେ ଥିବା ବାଳାଶ୍ରମରେ ସେମାନଙ୍କୁ ଛାଡ଼ିଦେଇ ନିଜ ଦାୟିତ୍ବ ସାରିଦେଉଛି । ହେଲେ ସେଠାରେ ଏଇ ପିଲାମାନେ କ’ଣ କରୁଛନ୍ତି,  କିଭଳି ଜୀବନ ଜିଇଁବାକୁ ବାଧ୍ୟ ହେଉଛନ୍ତି ସେକଥା ଦେଖିବାକୁ ସତେ ଯେମିତି କେହି ନାହିଁ । ଆଉ ପଚାରିଲେ କ’ଣ ଉତ୍ତର ମିଳୁଛି ତାକୁ ବି ଟିକେ ଦେଖନ୍ତୁ ।

ଜିଲ୍ଲା ଶିଶୁ ସୁରକ୍ଷା ଅଧିକାରୀଙ୍କ ଏଇ ଖାମଖିଆଲି ବୟାନ୍‌ ହିଁ ଆମ ସଂଦେହକୁ ଆହୁରି ବଳ ଦେଉଛି । ସେପଟେ ଏଭଳି ଘଟଣାରେ ବାଳାଶ୍ରମ କର୍ତ୍ତୃପକ୍ଷ ତାଙ୍କ ଅସହାୟତା ପ୍ରକାଶ କରୁଛନ୍ତି । ଶିଶୁ ସୁରକ୍ଷା ପାଇଁ ସରକାରଙ୍କ ଯୋଜନା କିଛି କମ୍‌ ନାହିଁ । ଏଥି ପାଇଁ କୋଟି କୋଟି ଟଙ୍କା ମଧ୍ୟ ଖର୍ଚ୍ଚ ହେଉଛି । ହେଲେ ଯାଜପୁର ଜିଲ୍ଲାରେ ଏଭଳି ଏକ ଘଟଣା ସାମ୍ନାକୁ ଆସିବା ପରେ ସେ ସବୁ ଯେମିତି ମୂଲ୍ୟହୀନ ହୋଇଯାଇଛି । ପିଲା ମନଇଚ୍ଛା ବାଳାଶ୍ରମରୁ ବାହାରି ବାହାରେ ବୁଲୁଛନ୍ତି ।

ଦିନ ଦିନ ଧରି ନଖୋଜ ହୋଇଯାଉଛନ୍ତି । ପୁଣି ଧରା ହୋଇ ଆସୁଛନ୍ତି । ଏ ପ୍ରକାର ପାଲା ସବୁବେଳେ ଚାଲିଛି । ହେଲେ ଶିଶୁମାନେ ଏଠାରେ କେମିତି ପଢ଼ିବେ ଆଉ କେମିତି ବଢ଼ିବେ ସେ ବାବଦରେ ଯେମିତି କାହାର ଚିନ୍ତା ନାହିଁ । ନା’ cwc ଅଧିକାରୀଙ୍କର ନା’ ବାଳାଶ୍ରମ କର୍ତ୍ତୃପକ୍ଷଙ୍କର । ଏମିତି ଏସବୁ ପ୍ରତି ମଧ୍ୟ ସ୍ଥାନୀୟ ପ୍ରଶାସନ ଯେମିତି ସମ୍ପୂର୍ଣ୍ଣ ଆଖି ବୁଜି ଦେଇଛି । ତେଣୁ ଏସବୁ ଦେଖି ଶିଶୁ ସୁରକ୍ଷା ଗୋଟେ ପ୍ରହସନ ପାଲଟିଛି ବୋଲି ସାଧାରଣରେ ଅନୁଭବ ହେଲାଣି ।

କେବଳ ଦରମା ଗଣ୍ଡାକ ପାଇଁ ଚାକିରି ବଞ୍ଚାଇବା ହେଉ କି ସରକାରୀ ଅନୁଦାନକୁ ଆତ୍ମସାତ୍‌ କରିବାକୁ ଏମିତି ଖାମଖିଆଲି ଢ଼ଙ୍ଗରେ ଶିଶୁ ସୁରକ୍ଷା ଅଭିଯାନ ଚାଲିଛି । ଏଥିରେ ରାଜ୍ୟ ସରକାର ହସ୍ତକ୍ଷେପ କରିବା ସହ ପୂରା ବ୍ୟବସ୍ଥାକୁ ମନିଟରିଂ କରିବାର ଆବଶ୍ୟକତା ରହିଛି ।

   Related Posts