Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ଭାରତ ଉପରେ ପୁଣି ଆକ୍ରମଣ କରିବ ଜୈଶ୍-ଇ-ମହମ୍ମଦ, ବାଲାକୋଟ୍‌ କ୍ୟାମ୍ପ୍‌ରେ ୨୭ଆତଙ୍କବାଦୀ ନେଉଛନ୍ତି ତାଲିମ୍

7/02/2020 at 2:39 PM

ନୂଆଦିଲ୍ଲୀ ୭।୨: ସୀମା ଆରପଟେ ପୁଣି ଆତଙ୍କବାଦୀ ଶିବିର ସକ୍ରିୟ । ପାକ୍ ସମର୍ଥିତ ଜୈଶ୍-ଇ-ମହମ୍ମଦ ଆତଙ୍କବାଦୀ ଭାରତ ବିରୋଧୀ ଅଭିଯାନ ଲାଗି ତାଲିମ ନେଉଥିବା ସୂଚନା ମିଳିଛି । ପାକିସ୍ତାନ ବାଲାକୋଟ୍ ରେ ଥିବା ଜୈଶ୍-ଇ-ମହମ୍ମଦର ଯେଉଁ ଆତଙ୍କବାଦୀ କ୍ୟାମ୍ପରେ ଭାରତୀୟ ବାୟୁସେନା ଏୟାର ଷ୍ଟ୍ରାଇକ୍ କରି ଧ୍ବଂସ କରିଦେଇଥିଲା ତାହା ଏବେ ପୁଣି ସକ୍ରିୟ ହୋଇଉଠିଥିବା ବେଳେ ଆସିଛି ଏପରି ସୂଚନା । ଭାରତରେ ଆତଙ୍କବାଦୀ ଆକ୍ରମଣ କରବାକୁ ଜୈଶ୍-ଇ-ମହମ୍ମଦର ଏହି କ୍ୟାମ୍ପ୍‌ରେ ୨୭ ଜଣ ଆତଙ୍କବାଦୀଙ୍କୁ ପ୍ରଶିକ୍ଷଣ ଦିଆଯାଉଛି । ଏଭଳି ସୂଚନା ଗୁଇନ୍ଦା ବିଭାଗ ଏବଂ କାଉଣ୍ଟର ଟେରର ଅପରେଟିଭସ ପକ୍ଷରୁ ମିଳିଛି ।

ଗତବର୍ଷ ଫେବୃଆରୀରେ ଜମ୍ମୁକାଶ୍ମୀର ପୁଲଓ୍ବାମାରେ ସିଆରପିଏଫର ଫୌଜ ଉପରେ ଆତଙ୍କବାଦୀ ଆକ୍ରମଣ ପରେ ଭାରତ ଏୟାର ଷ୍ଟ୍ରାଇକ୍ କରିଥିଲା । ଭାରତୀୟ ବାୟୁସେନା ଆକ୍ରମଣ କରି ଜୈଶ୍-ଏ-ମହମ୍ମଦର କ୍ୟାମ୍ପ୍‌କୁ ଧ୍ବଂସ କରିଦେଇଥିଲା । ଏହି ସମୟରେ ଜୈଶ୍ କ୍ୟାମ୍ପ୍‌ରେ ପ୍ରାୟ ୩ଶହ ଆତଙ୍କବାଦୀ ଟ୍ରେନିଂ ନେଉଥିଲେ । ମାତ୍ର ଏବେ ଜୈଶ୍ ସଂଗଠନ ପୁଣି ସକ୍ରିୟ ହୋଇଛି । ବାଲାକୋଟ୍ ର ଏହି କ୍ୟାମ୍ପ୍‌କୁ ଆତଙ୍କବାଦୀ ମସୁଦ ଆଝାର ପୁଅ ୟୁସୁଫ ଆଝାର ପରିଚାଳନା କରୁଛି ।

ବାଲାକୋଟ୍ କ୍ୟାମ୍ପ୍‌ରେ ଟ୍ରେନିଂ ନେଉଥିବା ୨୭ ଆତଙ୍କବାଦୀଙ୍କ ମଧ୍ୟରୁ ୮ଜଣ ପାକିସ୍ତାନ ଅଧିକୃତ କାଶ୍ମୀରର ବୋଲି ଜଣାପଡିଛି । ଏହି ଆତଙ୍କବାଦୀମାନଙ୍କୁ ପାକିସ୍ତାନ ସ୍ଥିତ ପଞ୍ଜାବର ଦୁଇ ଜଣ ଏବଂ ଆଫଗାନିସ୍ତାନର ତନି ଜଣ ପ୍ରଶିକ୍ଷକ ଟ୍ରେନିଂ ଦେଉଛନ୍ତି । ସୂଚନା ମୁତାବକ ଏହି ସପ୍ତାହରେ ସେମାନଙ୍କର ଟ୍ରେନିଂ ଶେଷ ହୋଇଯିବ । ଏହାପରେ ଏହି ଆତଙ୍କବାଦୀମାନେ ଭାରତରେ ପ୍ରବେଶ କରିପାରନ୍ତି ।

ସୂଚନାଯୋଗ୍ୟ ଯେ, ଗତବର୍ଷ ଫେବୃଆରୀ ୧୪ ତାରିଖରେ ଜାମ୍ମୁକାଶ୍ମୀର ପୁଲଓ୍ବାମାରେ ଆତଙ୍କବାଦୀମାନେ ସିଆରପିଏଫ୍ ଫୌଜ ଉପରେ ଆକ୍ରମଣ କରିଥିଲେ । ଆକ୍ରମଣରେ ପ୍ରାୟ ୪୦ରୁ ଅଧିକ ଯବାନ ଶହୀଦ ହୋଇଥିଲେ । ପୁଲଓ୍ବାମା ଆକ୍ରମଣ ପରେ ୨୬ ଫେବୃଆରୀରେ ଭାରତୀୟ ବାୟୁସେନାର ଲଢୁଆ ବିମାନ ପାକିସ୍ତାର ବାଲାକୋଟ୍‌ରେ ଜୈଶ୍-ଇ-ମହମ୍ମଦ ଆତଙ୍କୀ କ୍ୟାମ୍ପ୍‌ରେ ଏୟାର ଷ୍ଟ୍ରାଇକ୍ କରି କ୍ୟାମ୍ପ୍‌କୁ ଧ୍ବଂସ କରିଦେଇଥିଲା । ପାକିସ୍ତାନ ଏହାକୁ ଗ୍ରହଣ କରୁନଥିବା ବେଳେ ଭାରତ ସରକାର ଏହାର ପ୍ରାମାଣ ଦେଇଥିଲା ।

   Related Posts