Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ଇଣ୍ଡିଆନ ଅୟେଲର ମ୍ୟାନେଜରଙ୍କ ପତ୍ନୀଙ୍କୁ ଗଳା କାଟି ହତ୍ୟା : ଜଙ୍ଗଲରୁ ମିଳିଲା ଅପହୃତ ୨୧ମାସ ପୁଅର ଶବ,ତଦନ୍ତ କରୁଛି ପୋଲିସ୍

9/01/2020 at 1:54 PM

ଜୟପୁର ୯/୧: ରାଜଧାନୀର ପଶ୍ ସୋସାଇଟିର ୟୁନିକ ଟାଓ୍ବାରରେ ରହୁଥିବା ଇଣ୍ଡିଆନ୍ ଅୟେଲ୍ କର୍ପୋରେସନର ମ୍ୟାନେଜର ରୋହିତ ତିଓ୍ବାରୀଙ୍କ ଫ୍ଲାଟରେ ପଶି ମଙ୍ଗଳବାର ପତ୍ନୀ ଶ୍ବେତାଙ୍କୁ ହତ୍ୟା କରି ଦିଆଯାଇଛି। କେହି ଦୁର୍ବୃତ୍ତ ତାଙ୍କ ପୁଅ ଶ୍ରୀୟମ୍(୨୧ମାସ)ଙ୍କୁ ଅପହରଣ କରି ନେଇଥିଲା। ରୋହିତ କହିଥିଲେ ଯେ ଅପହରଣକାରୀମାନେ ପୁଅକୁ ଛାଡ଼ିବା ବଦଳରେ ୩୦ଲକ୍ଷ ଟଙ୍କା ମାଗିଥିଲେ। ଏହା ପରେ ୧୦୦ଜଣ ପୋଲିସ୍ କର୍ମଚାରୀ ତାଙ୍କ ଶିଶୁଙ୍କୁ ବଞ୍ଚାଇବାକୁ ଉଦ୍ୟମ କରିଥିଲେ। କିନ୍ତୁ ଗତକାଲି ଦ୍ବିପ୍ରହରରେ ଶିଶୁର ଶବ ସୋସାଇଟି ପଛରେ ଜଙ୍ଗଲରେ ମିଳିଥିଲା। କିନ୍ତୁ ଶ୍ବେତାଙ୍କ ବାପା ତାଙ୍କ ଝିଅ ଏବଂ ନାତିଙ୍କ ମୃତ୍ୟୁ ପାଇଁ ରୋହିତଙ୍କୁ ଦାୟୀ କରିଥିଲେ। ସେ ଅଭିଯୋଗ କରିଛନ୍ତି ଯେ ରୋହିତ ଯୌତୁକ ପାଇଁ ଶ୍ବେତାଙ୍କୁ ମାରପିଟ କରୁଥିଲା।    

ଶ୍ବେତାଙ୍କ ହତ୍ୟା ପରେ ଦୁର୍ବୃତ୍ତମାନେ ତାଙ୍କ ମୋବାଇଲ୍ ମଧ୍ୟ ନେଇଯାଇଥିଲେ। ରୋହିତଙ୍କ କହିବା ଅନୁସାରେ,ଏହି ଫୋନରୁ ତାଙ୍କ ପାଖକୁ ଟଙ୍କା ପଠାଇବା ପାଇଁ ମ୍ୟାସେଜ ପଠାଯାଇଥିଲା। ଏହା ପରେ ସେ କଲ୍ ବ୍ଲକ୍ କରି ଅପହରଣକାରୀଙ୍କୁ କହିଥିଲେ- ସେ ୩୦ଲକ୍ଷ ଟଙ୍କା ଦେବାକୁ ପ୍ରସ୍ତୁତ ଅଛନ୍ତି। ଥରେ ତାଙ୍କ ପୁଅର ମୁହଁ ଦେଖାଇବାକୁ ତାଙ୍କୁ କହିଥିଲେ। କିନ୍ତୁ ସେମାନେ ଏକଥା ନ ମାନି ପହରଦିନ ପଇସା ନେଇ ଗାନ୍ଧୀ ନଗର ଆସିବାକୁ କହିଥିଲେ। ସେମାନେ କେଉଁ ସ୍ଥାନକୁ ଆସି ଟଙ୍କା ଦେବା କଥା କହିନଥିଲେ ଏବଂ ଫୋନ୍ କାଟି ଦେଇଥିଲେ।

କାନପୁରର ବାସିନ୍ଦା ଶ୍ବେତା ଏବଂ ରୋହିତ(ଦିଲ୍ଲୀ)ଙ୍କ ବିବାହ ୨୦୧୧ମସିହା ଜାନୁୟାରୀରେ ହୋଇଥିଲା। ବିବାହର ୭ବର୍ଷ ପରେ ତାଙ୍କ ପୁଅ ହୋଇଥିଲା,ଦମ୍ପତ୍ତି ତାଙ୍କ ପୁଅଙ୍କ ନାଁ ଶ୍ରୀୟମ୍ ରଖିଥିଲେ। ଘଟଣା ବିଷୟରେ ସୂଚନା ମିଳିବା ପରେ ଜୟପୁର ପହଞ୍ଚି ଶ୍ବେତାଙ୍କ ବାପା ସୁରେଶ ମିଶ୍ରା ଅଭିଯୋଗ କରିଥିଲେ ଯେ ବିବାହ ପରେ ଯୌତୁକକୁ ନେଇ ରୋହିତ ଏବଂ ଶ୍ବେତାଙ୍କ ମତାନ୍ତର ଆରମ୍ଭ ହୋଇଯାଇଥିଲା। ସେ ଝିଅ ଏବଂ ନାତିଙ୍କ ମୃତ୍ୟୁ ପାଇଁ ରୋହିତଙ୍କୁ ଦାୟୀ କରିଥିଲେ। ସେ କହିଥିଲେ ଯେ ଜାନୁୟାରୀ ୫ତାରିଖରେ ରୋହିତ ଶ୍ବେତାଙ୍କୁ ମାରପିଟ କରିଥିଲେ ଏବଂ ଫୋନ୍ କରି ହତ୍ୟା କରିବା କଥା କହିଥିଲେ। ଏହା ପରେ ଶ୍ବେତା ବାପାଙ୍କୁ ପୋଲିସ୍ ନିକଟରେ ଅଭିଯୋଗ କରିବାକୁ କହିଥିଲେ।

ପୋଲିସଙ୍କ କହିବା ଅନୁସାରେ, ମହିଳାଙ୍କ ଶବ ପାଖରେ ଅଦା କୁଟିବାର ହେମଦସ୍ତା ମିଳିଥିଲା,ଯେଉଁଥିରେ ରକ୍ତ ଛିଟା ଲାଗିଥିଲା। ଏହା ଦ୍ବାରା ମହିଳାଙ୍କ ମୁଣ୍ଡରେ ଲଗାତାର ଆକ୍ରମଣ କରାଯାଇଥିଲା। ଗୋଟିଏ ଛୁରୀ ମଧ୍ୟ ଜବତ କରାଯାଇଛି। ଏହି ଛୁରୀ ଶବର କିଛି ଦୂରରେ ପଡ଼ିଥିଲା। କୁହାଯାଉଛି ଏହି ଛୁରୀ​ ଦ୍ବାରା ମହିଳାଙ୍କ ଗଳା କାଟି ଦିଆଯାଇଥିଲା। ପୋଲିସ୍ ସନ୍ଦେହ କରୁଛି ​କେହି ସମ୍ପର୍କୀୟ ଏହି କାଣ୍ଡ ଭିଆଇଛି।

   Related Posts