Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

ବର୍ଷା ପାଣିରେ ୧୩୦ ବର୍ଷ ପୁରୁଣା ଦୁଇଟି କୁମ୍ଭୀର ଶରୀରରେ ଲାଗିଗଲା ଫଙ୍ଗସ୍

3/09/2020 at 4:52 PM

ଜୟପୁର ୦୩/୦୯ : ଓଡ଼ିଆରେ ଏକ ଢଗ ଅଛି ପାଣିରେ ରହି କୁମ୍ଭୀର ସହ ଶତ୍ରୁତା କରିବା ଉଚିତ ନୁହେଁ | କିନ୍ତୁ ଯଦି ପାଣି ହିଁ କୁମ୍ଭୀର ସହ ଶତ୍ରୁତା କରେ ତାହେଲେ କୁମ୍ଭୀର କଣ କରିବ ? ଶୁଣିବାରେ ଅଡୁଆ ଲାଗୁଥିଲେ ମଧ୍ୟ କଥାଟି ସତ | ଏହିଭଳି ଏକ ଘଟଣା ଘଟିଛି ରାଜସ୍ଥାନ ରାଜଧାନୀ ଜୟପୁରରେ | ଏଠାରେ ପାଣି ଏକ କୁମ୍ଭୀର ସହ ଶତ୍ରୁତା କରିଛି |

ଜୟପୁରର ପ୍ରସିଦ୍ଧ ଆଲବର୍ଟ ହଲ ମ୍ୟୁଜିୟମରେ ଦୁଇଟି କୁମ୍ଭୀର ଶରୀରକୁ ଗତ ୧୩୦ ବର୍ଷ ହେଲା ଟକ୍ସିଡର୍ମି ଜରିଆରେ ସୁରକ୍ଷିତ ରଖାଯାଇଛି | ଏଥିରୁ ଗୋଟିଏ କୁମ୍ଭୀର ୧୨ ଫୁଟ ଲମ୍ବା ଓ ଅନ୍ୟଟି ୯ ଫୁଟ | ଜୟପୁରରେ ଅଗଷ୍ଟ ୧୪ ତାରିଖରେ ହୋଇଥିବା ଭୀଷଣ ବର୍ଷା ଯୋଗୁଁ ଆଲବର୍ଟ ହଲ ମ୍ୟୁଜିୟମ କୋଠରୀରେ ମଧ୍ୟ ପାଣି ପଶି ଯାଇଥିଲା | ଫଳରେ ସେଠାରେ ଥିବା ଅନେକ ଜିନିଷ ନଷ୍ଟ ହେବାକୁ ଲାଗିଛି | ସେଠାରେ ଥିବା ଦୁଇଟି କୁମ୍ଭୀର ମଧ୍ୟ ପ୍ରଭାବିତ ହୋଇଛନ୍ତି |

କୋଠରୀରୁ ପାଣି ବାହାର କରିବା ପରେ ଜଣାପଡିଥିଲା କୁମ୍ଭୀର ଶରୀରରେ ୧୩୦ ବର୍ଷ ପରେ ପାଣି ଲାଗିବାରୁ ତାଙ୍କ ଚର୍ମରେ ଫଙ୍ଗସ ଲାଗିଯାଇଥିଲା | କୁହାଯାଏ ଯେ, ଜୟପୁର ନିକଟରେ ରାମଗଡ଼ ପୋଖରୀରୁ ୧୩୦ ବର୍ଷ ପୂର୍ବରୁ ଏହି କୁମ୍ଭୀର ଦୁଇଟିକୁ ଶିକାର କରାଯାଇଥିଲା | କିଛି ଦିନ ପରେ ଏହି ଦୁଇ କୁମ୍ଭୀରକୁ ଆଲବର୍ଟ ହଲ ମ୍ୟୁଜିୟମକୁ ଦିଆଯାଇଥିଲା | ସେବେଠାରୁ ଏହି ଦୁଇ କାମବହିରାକୁ ଟକ୍ସିଡର୍ମି ଜରିଆରେ ରଖାଯାଇଥିଲା |

ଅନେକ ଦିନ ଯାଏଁ ଏହି କୁମ୍ଭୀରଙ୍କୁ ପ୍ରଥମ ମହଲାରେ ଡ଼ିସପ୍ଲେରେ ରଖାଯାଇଥିଲା | କିନ୍ତୁ କିଛି ଦିନ ପୂର୍ବରୁ ଆହୁରି ଭଲ ଡ଼ିସପ୍ଲେ ପାଇଁ ତାଙ୍କୁ ଏକ କୋଠରୀରେ ରଖାଯାଇଥିଲା | କିନ୍ତୁ ବର୍ଷା ପାଣି ଯୋଗୁଁ ତାଙ୍କ ଶରୀରରେ ଫଙ୍ଗସ ଲାଗିଯାଇଛି | କୁମ୍ଭୀରଙ୍କୁ ବଞ୍ଚାଇବା ପାଇଁ ପ୍ରୟାସ କରାଯାଉଛି | ଏଥିପାଇଁ ବିଶେଷ ଭାବେ ଆର୍ଟ ଆଣ୍ଡ ଏନ୍ଟିକ୍ୟୁଟି କଞ୍ଜର୍ଭେସନ ବିଶେଷଜ୍ଞଙ୍କୁ ଡକାଯାଇଛି |

   Related Posts