Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୬୭ ମୃତ
  • ||
  • ଆସୁଛି ବାତ୍ୟା: ପ୍ରଭାବିତ ହେବ ଓଡ଼ିଶା, ୩ ରାତିରୁ ଉପକୂଳରେ ପ୍ରବଳ ବର୍ଷିବ ଓ ପବନ ବୋହିବ
  • ||
  • ୨୦୧୭ ହତ୍ୟା ଘଟଣାର ଖୋଳତାଡ କରିବ କ୍ରାଇମବ୍ରାଞ୍ଚ, ୪ ପୋଲିସ ଅଧିକାରୀଙ୍କ ବିରୋଧରେ ହତ୍ୟା ମାମଲା ରୁଜୁ
  • ||
  • ମିଚିଗାନ ସ୍କୁଲରେ ୧୫ ବର୍ଷର ଛାତ୍ରର ଉନ୍ମତ୍ତକାଣ୍ଡ, ଆଖିବୁଜା ଗୁଳିମାଡ଼ରେ ୩ ମୃତ
  • ||
  • ଭଦ୍ରକ ବରପଦା ନିକଟରେ ଦୁଇ ଅପରାଧୀଙ୍କୁ ଏନକାଉଣ୍ଟର
  • ||

କ୍ରେମଲିନ୍‌ ସମାଲୋଚକ ଆଲେକ୍ସି ନାଭାଲନେ ଜିତିଲେ ୟୁରୋପିଆନ୍‌ ୟୁନିୟନର ସର୍ବୋଚ୍ଚ ମାନବାଧିକାର ପୁରସ୍କାର

21/10/2021 at 9:10 PM

ନୂଆଦିଲ୍ଲୀ ୨୧/୧୦ : ଋଷିଆର ବିରୋଧୀ ଦଳ ନେତା ତଥା ଜେଲ ଫେରନ୍ତା ଆଲେକ୍ସି ନାଭାଲନେ ୟୁରୋପିଆନ୍‌ ୟୁନିୟନର ସର୍ବୋଚ୍ଚ ମାନବାଧିକାର ପୁରସ୍କାରରେ ସମ୍ମାନୀତ କରାଯାଇଛି । ‘ଇମେନ୍ସ ପର୍ସନାଲ ବ୍ରେଭେରୀ’ ପାଇଁ ନାଭାଲନେଙ୍କୁ  ୟୁରୋପର ୟୁନିୟନର ସର୍ବୋଚ୍ଚ ସମ୍ମାନ ‘ସଖାରୋବ’ ପ୍ରଦାନ କରାଯାଇଛି । ୟୁରୋପିୟାନ୍‌ ପାର୍ଲିଆମେଣ୍ଟ ବୁଧବାର ନାଭାଲନେଙ୍କୁ ଏହି ସର୍ବୋଚ୍ଚ ସମ୍ମାନରେ ସମ୍ମାନିତ କରିଛି । ନାଭାଲନେଙ୍କୁ ଏହି ସମ୍ମାନ ପ୍ରଦାନ କରାଯିବା ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ୍‌ଙ୍କୁ ଶକ୍ତ ଚାପୁଡା ବୋଲି କୁହାଯାଉଛି ।

୪୫ ବର୍ଷୀୟ ଆଲେକ୍ସି ନାଭାଲନେ ପୁଟିନ୍‌ଙ୍କର ଘୋର ବିରୋଧୀ ଭାବେ ଜଣାଶୁଣା । ସରକାରଙ୍କ ଦୁର୍ନୀତି ଏବଂ ଭ୍ରଷ୍ଟାଚାର ବିରୁଦ୍ଧରେ ସେ ସବୁବେଳେ ସ୍ବର ଉତ୍ତୋଳନ କରନ୍ତି । ଗତ ବର୍ଷ ତାଙ୍କୁ ଖାଦ୍ୟ​‌ରେ ବିଷ ଦେଇ ହତ୍ୟା ଉଦ୍ୟମ କରାଯାଇଥିଲା । ଗୁରୁତର ଅବସ୍ଥାରେ ନାଭାଲନେଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଜର୍ମାନୀରେ ଚିକିତ୍ସିତ ହୋଇ ମୋସ୍କୋ ଫେରିବା ପରେ ତାଙ୍କୁ ଗିରଫ କରାଯାଇଥିଲା ଏବଂ କାରାଗାରରେ ରଖାଯାଇଥିଲା ।

ସେ ଲଗାତାର ଭାବେ ରାଷ୍ଟ୍ରପତି ଭ୍ଲାଦିମିର ପୁଟିନ୍‌ଙ୍କ ବିରୁଦ୍ଧରେ ସ୍ବର ଉତ୍ତୋଳନ କରୁଥିଲେ । ଯାହାକୁ ଋଷର ଲକ୍ଷ ଲକ୍ଷ ସାଧାରଣ ଜନତା ସମର୍ଥନ ମଧ୍ୟ କରୁଥିଲେ । ତେଣୁ ତାଙ୍କୁ ଯୋଜନାବଦ୍ଧ ଭାବେ ହତ୍ୟା କରିବାକୁ ଷଡଯନ୍ତ୍ର ରଚାଯାଇଥିଲା ବୋଲି ପାର୍ଲିଆମେଣ୍ଟର ସଭାପତି ଡେଭିଡ୍‌ ସାଶୋଲି କହିଛନ୍ତି ।  

ମାନବ ଅଧିକାର ପାଇଁ ଲଢେଇ କରୁଥିବା ଏବଂ ଗଣତନ୍ତ୍ରକୁ ରକ୍ଷା କରିବା ପାଇଁ ଲଢେଇ କରୁଥିବା ବ୍ୟକ୍ତିଙ୍କୁ ପ୍ରତିବର୍ଷ ଏହି ପୁରସ୍କାର ପ୍ରଦାନ କରାଯାଇଥାଏ । ଚଳିତ ବର୍ଷ ପାଇଁ ଆଲେକ୍ସି ନାଭାଲନେଙ୍କୁ ସଖାରୋଭ ସମ୍ମାନରେ ସମ୍ମାନିତ କରାଯାଇଛି । ଏହା ସହିତ ତାଙ୍କୁ ୫୮ ହଜାର ଡଲାର ମଧ୍ୟ ପ୍ରଦାନ କରାଯାଇଛି । ଗତବର୍ଷ ଆଲେକଜେଣ୍ଡର ଲୁକାସେଙ୍କେ ଏହି ଆଓ୍ବାର୍ଡ ବିଜେତା ହୋଇଥିଲେ ।  

   Related Posts