Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସିସିଆଇର ଘୋଷଣା-ଫେବୃଆରୀ ୧୮ରେ ଚେନ୍ନାଇରେ ହେବ ଆଇପିଏଲ ୨୦୨୧ ପାଇଁ ଖେଳାଳିଙ୍କ ନିଲାମୀ
  • ||
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ମାସ୍କ ନପିନ୍ଧିଲେ ଗିରଫ ହେବେ, ଜରିମନା ଦେବା ସହ ୮ ଦିନ ରହିପାରନ୍ତି ଜେଲ୍‌ରେ…

28/11/2020 at 12:09 PM

ସିରମୌର ୨୮।୧୧: କରୋନା ସଂକ୍ରମଣକୁ ବ୍ରେକ୍ ଦେବା ପାଇଁ ମାସ୍କ ଏକ ଉପଯୋଗୀ ଉପାୟ ବୋଲି କୁହାଯାଉଛି । ମାତ୍ର ଏବେବି ଅଧିକାଂଶ ଲୋକ ମାସ୍କ ନପିନ୍ଧି ବାହାରେ ବୁଲୁଛନ୍ତି । ଦେଶର ବିଭିନ୍ନ ସ୍ଥାନରେ ମାସ୍କ ନପିନ୍ଧିଲେ ୫୦ଟଙ୍କାରୁ ନେଇ ୫୦୦୦ ଟଙ୍କା ପର୍ଯ୍ୟନ୍ତ ଜରିମନା ଦେବାକୁ ପଡୁଛି । ଏମିତିରେ ହିମାଚଳ ପ୍ରଦେଶ ସିରମୌର ଜିଲ୍ଲାରେ ମାସ୍କ ନପିନ୍ଧିଲେ ଗିରଫ କରିବାକୁ ନିର୍ଦ୍ଦେଶ ଦିଆଯାଇଛି ।

ସିରମୌରର ଏସ୍‌ପି ଶୁକ୍ରବାର ଦିନ କହିଛନ୍ତି ଯେ, କୌଣସି ବ୍ୟକ୍ତି ମାସ୍କ ନପିନ୍ଧିଲେ ତାଙ୍କୁ ବିନା ଓ୍ବାରେଣ୍ଟରେ ଗିରଫ କରାଯାଇପାରେ । ଦୋଷୀ ସାବ୍ୟସ୍ତ ହେଲେ ୮ ଦିନ ପର୍ଯ୍ୟନ୍ତ ଜେଲ୍ ଅଥବା ୫୦୦୦ ଟଙ୍କା ପର୍ଯ୍ୟନ୍ତ ଜରିମନା ଦେବାକୁ ପଡିପାରେ ।

ଏହା ପୂର୍ବରୁ ହିମାଚଳ ପ୍ରଦେଶ କୁଲ୍ଲୁରେ ଜିଲ୍ଲା ପ୍ରଶାସନ ମଧ୍ୟ ମାସ୍କ ନପିନ୍ଧିଲେ ଦେଉଥିବା ଜରିମନା ରାଶିକୁ ବଢାଇ ଦେଇଛି । ଏଠାରେ ସର୍ବସାଧାରଣ ସ୍ଥାନରେ ବିନା ମାସ୍କରେ ବୁଲିବା ବେଳେ ଧରାପଡିଲେ ୫୦୦୦ ଟଙ୍କା ପର୍ଯ୍ୟନ୍ତ ଜରିମନା ରାଶି ଦେବାକୁ ପଡିବ । ପ୍ରଥମେ ଏହି ଜରିମନା ରାଶି ୧୦୦୦ ଟଙ୍କା ଥିଲା । କୁଲ୍ଲୁ ଜିଲ୍ଲା ପ୍ରଶାସନ କହିଛି ଯେ, ରାଜ୍ୟରେ ସର୍ବସାଧାରଣ ସ୍ଥାନରେ ମାସ୍କ ପିନ୍ଧିବା ଅନିବାର୍ଯ୍ୟ । ନିର୍ଦ୍ଦେଶ ଅବମାନନା କରିଲେ ୧୦୦୦ଟଙ୍କାର ଜରିମନା ରାଶି ଦେବାକୁ ପଡିପାରେ । ଯାହାକୁ ଏବେ ବଢାଇ ୫୦୦୦ ଟଙ୍କା କରାଯାଇପାରେ ।

ହିମାଚଳ ପ୍ରଦେଶରେ କରୋନା ସଂକ୍ରମଣ ବଢୁଥିବା ବେଳେ ଶୁକ୍ରବାରର ରିପୋର୍ଟ ଅନୁସାରେ ଗତ ୨୪ ଘଣ୍ଟା ମଧ୍ୟରେ ୧୨ ଜଣଙ୍କର ମୃତ୍ୟୁ ହୋଇଛି । ଏହାକୁ ମିଶାଇ ରାଜ୍ୟରେ କରୋନାଜନିତ ମୃତ୍ୟୁସଂଖ୍ୟା ୬୦୧ରେ ପହଞ୍ଚିଛି । ଗତ ୨୪ ଘଣ୍ଟାରେ ୧୬୨ ଜଣ ସଂକ୍ରମିତ ହୋଇଥିବା ବେଳେ ୩୧୩ ଜଣ କରୋନାରୁ ସୁସ୍ଥ ହୋଇଛନ୍ତି ।

   Related Posts