ନୀଳଗିରି ୨୫।୧୧ - ଝାଡ଼ଖଣ୍ଡରୁ ଚାଲି ଆସିଥିବା ହାତୀପଲଙ୍କ ଉପଦ୍ରବରେ ଭୟଭୀତ ଚାଷୀ । ଧାନ ଅମଳ ବେଳେ କ୍ଷେତରେ ପଶି ବ୍ୟାପକ ଧାନ ଫସଲ ନଷ୍ଟ କରିବାରେ ଲାଗିଛନ୍ତି ହାତୀ ପଲ । ବାଲେଶ୍ବର ଜିଲ୍ଲା ନୀଳଗିରି, କେନ୍ଦୁଝର ପାଟଣା ରେଞ୍ଜ ଏବଂ ସୁବର୍ଣ୍ଣପୁର ଜିଲ୍ଲାରେ ଏବେ ବଣୁଆ ହାତୀପଲ ଆତଙ୍କ ଖେଳାଇଛନ୍ତି ।…
{"id":189712,"width":574,"height":330,"sizeSlug":"large"}
ବାଲେଶ୍ବର ନୀଳଗିରିରେ ଏବେଝାଡ଼ଖଣ୍ଡୀ ହାତୀପଲଙ୍କ ଉତ୍ପାତ । ଆତଙ୍କିତ ଚାଷୀ କୂଳ । । ବାଲେଶ୍ବର ନୀଳଗିରି ଅଞ୍ଚଳରେ ଏବେ ଝାଡ଼ଖଣ୍ଡରୁ ଚାଲିଆସିଥିବା ୬୦ରୁ ଅଧିକ ହାତୀ ଆତଙ୍କ ଖେଳାଇଛନ୍ତି । ଏହି ଦଳରେ ୧୨ଟି ଛୁଆ ହାତୀ ଅଛନ୍ତି । ଗତ ଶନିବାର ସେମାନେ ବୁଢ଼ାବଳଙ୍ଗ ନଦୀ ପାର ହୋଇ ନୀଳଗିରିରେ ବ୍ୟାପକ ଧାନ ଫସଲ ନଷ୍ଟ କରିଛନ୍ତି। ହାତୀପଲ ଗୋପାଳପୁର ସଂରକ୍ଷିତ ଜଙ୍ଗଲରୁ ବାହାରି ତିନିକୋଶିଆ ଜଙ୍ଗଲ ଆଡକୁ ମାଡି ଚାଲୁଥିବା ଦେଖାଯାଇଛି।…
{"id":189713,"width":572,"height":343,"sizeSlug":"large"}
ସେପଟେ କେନ୍ଦୁଝର ପାଟଣା ରେଞ୍ଜକୁଫେରିଛନ୍ତି ୨୨ ଜଣିଆ ହାତୀପଲ । ବିଳମ୍ବିତ ରାତିରେ କରଞ୍ଜିଆ ରେଞ୍ଜରୁ ପାଟଣା ରେଞ୍ଜକୁ ପଶି ଆସି ଆତଙ୍କ ଖେଳାଇଛନ୍ତି । ଉଦୟପୁର ବିଟ୍ ନିକଟସ୍ଥ ଗାଁ ଗୁଡ଼ିକରେ ବ୍ୟାପକ ଧାନ ଫସଲ ନଷ୍ଟ କରିଦେଇଛନ୍ତି । ବନ ବିଭାଗ ଏଥିପାଇଁ କୌଣସି ସାହାଯ୍ୟ କରୁନଥିବା ଅଭିଯୋଗ କରିଛନ୍ତି ଗାଁ ଲୋକେ ।ଗାଁ ଲୋକେ ନିଜ ଭିତରେ ମେଳି କରି ହାତୀ ଘଉଡ଼ାଇବା କାମ କରୁଛନ୍ତି ।…
{"id":189714,"sizeSlug":"large"}
କେବଳ ବାଲେଶ୍ବର କି କେନ୍ଦୁଝର ନୁହେଁ ପଶ୍ଚିମ ଓଡ଼ିଶାରେ ସୁବର୍ଣ୍ଣପୁର ବାସୀ ମଧ୍ୟ ହାତୀ ଆତଙ୍କରୁ ବାଦ୍ ପଡ଼ିନାହାନ୍ତି । ଉଲୁଣ୍ଡାରେ ହାତୀ ଏବଂ ବାରହା ଆକ୍ରମଣରେ ଚାଷୀ ନାହିଁନଥିବା ହଇରାଣ । ସଞ୍ଜ ନଇଁଲେ ପାଖ ଜଙ୍ଗଲରୁ ହାତୀ ପଲ ଚାଲିଆସି ଫସଲ ଖାଇଯାଉଛନ୍ତି । ବନ ବିଭାଗ ହାତୀ ପଲକୁ ଘଉଡ଼ାବା ପାଇଁ ପଦକ୍ଷେପ ନେଉନଥିବା ସ୍ଥାନୀୟ ଲୋକେ କହିଛନ୍ତି । ତେବେ କ୍ଷତିଗ୍ରସ୍ତ ଚାଷୀଙ୍କୁ ଆର୍ଥିକ ସହାୟତା ମିଳିବ ବୋଲି ବନ ବିଭାଗ ପକ୍ଷରୁ କୁହାଯାଇଛି ।...
ହାତୀ ଆକ୍ରମଣରେ କ୍ଷତିଗ୍ରସ୍ତ ଏହିସବୁ ଅଞ୍ଚଳର ଚାଷୀ ଏବେ ଆନ୍ଦୋଳନକୁ ଓହ୍ଲାଇବାକୁ ପ୍ରସ୍ତୁତ ହେଉଛନ୍ତି।...
