Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ଶୀତ ଦିନରେ ଗୁଡ ଚା’ ପିଇବା ସ୍ୱାସ୍ଥ୍ୟ ପାଇଁ ହିତକର, ରହିଛି ଅନେକ ଫାଇଦା

10/11/2020 at 1:58 PM

ଭୁବନେଶ୍ୱର ୧୦/୧୧ : ଶୀତ ଋତୁରେ ଶକ୍ତି ବଢାଇବା ପାଇଁ ଗୁଡ ଚା’ ସବୁଠାରୁ ଭଲ ଅପ୍ସନ୍। ଖାଇବାରେ ଚିନି ବଦଳରେ ଗୁଡ ବ୍ୟବହାର କରିବା ସ୍ୱାସ୍ଥ୍ୟ ପକ୍ଷେ ହିତକର। ଓଜନ କମ୍ କରିବାଠୁ ଆରମ୍ଭ କରି ଅନେକ ରୋଗ ପାଇଁ ମଧ୍ୟ ଲାଭଦାୟକ। ପ୍ରତିରୋଧକ କ୍ଷମତା ବଢ଼ିବାରେ ମଧ୍ୟ ଗୁଡର ମହତ୍ତ୍ୱ ରହିଛି। ତେବେ ଥଣ୍ଡା ଦିନରେ ବା ଶୀତ ଋତୁରେ ଘରେ ଗୁଡ ଚା’ ତିଆରି କରି ସେବନ କରିବା ବହୁତ ଭଲ। ଜାଣନ୍ତୁ କିଭଳି କରିବେ ଏବଂ ଏହାର କଣ କଣ ଫାଇଦା ରହିଛି :

ସାମଗ୍ରୀ- କ୍ଷୀର, ଗୁଡ ଚା’ ପାଇଁ ଆବଶ୍ୟକ ଗୁଡ ପାଉଡର୍, ଚା’ ପତି, ଅଳେଇଚ, ପାନମଧୁରୀ, ଗୋଲମରିଚ ଗୁଣ୍ଡ ଓ ଅଦା। ସବୁକୁ ମିଶାଇ ଫୁଟେଇ ଦେବେ ଓ ଛାଣିବା ପରେ ଗୁଡ ମିଶାଇ ଫେଣ୍ଟିଦେବେ। ଚା’ରେ ଗୁଡ ପକାଇ କେବେ ବି ଫୁଟେଇବେନାହିଁ।

ଗୁଡ ଚା’ର କ’ଣ କ’ଣ ଫାଇଦା ଅଛି ଜାଣନ୍ତୁ :

ଚିନି ଖାଉଥିବା ଲୋକ ଥଣ୍ଡା ଦିନରେ ଚିନି ବଦଳରେ ଗୁଡ ଖାଇବା ଉଚିତ। ଏହାଦ୍ୱାରା ପେଟର ମେଦ କମ୍ ହୋଇଥାଏ ଓ ସ୍ୱାସ୍ଥ୍ୟ ମଧ୍ୟ ଭଲ ରହେ। ଗୁଡ ଚା’ ପିଇବା ଦ୍ୱାରା ପାଚନ ତନ୍ତ୍ର ମଜବୁତ ହୋଇଥାଏ ଓ ଛାତିରେ ଜ୍ବଳନ ହୋଇନଥାଏ। ଗୁଡରେ ବହୁତ କମ୍ ମାତ୍ରାରେ କୃତ୍ରିମ ମିଠା ବା ସ୍ଵିଟନର୍ ଥାଏ। ଚିନି ତୁଳନାରେ ଗୁଡରେ ଅନେକ ଭିଟାମିନ୍ ଓ ମିନେରାଲ୍ସ ରହିଛି ଯାହା ସ୍ୱାସ୍ଥ୍ୟ ପାଇଁ ହିତକର। ସେଥିପାଇଁ ଥଣ୍ଡା ଦିନରେ ଗୁଡ ଚା’ ସେବନ କରିବା ବହୁତ ଲାଭଦାୟକ।

ଯଦି ଆପଣଙ୍କର ମାଇଗ୍ରେନ କିମ୍ବା ମୁଣ୍ଡବିନ୍ଧା ସମସ୍ୟା ରହିଛି ତାହେଲେ କ୍ଷୀରରେ ଗୁଡ ଚା’ ତିଆରି କରି ସେବନ କରିବା ଉଚିତ। ଏହାଦ୍ୱାରା ଆରାମ ମିଳିଥାଏ। ଯଦି ଆପଣଙ୍କର ରକ୍ତ ଅଭାବ ରହିଛି ତାହେଲେ ଗୁଡ ଖାଇବା ବହୁତ ଲାଭଦାୟକ ବୋଲି କୁହାଯାଏ। ଗୁଡରେ ବହୁ ପରିମାଣରେ ଲୌହ ରହିଛି ଯାହା ଶରୀରର ଲୌହ ଆବଶ୍ୟକତା ପୂରଣ କରିଥାଏ। ଶରୀରରେ ଲୌହର ଆବଶ୍ୟକତା ରହିଛି କାରଣ ଶରୀରର ବିଭିନ୍ନ ଅଙ୍ଗରେ ଏହା ଅକ୍ସିଜେନ୍ ପହଞ୍ଚାଇବା କାମ କରିଥାଏ।

ତେବେ ଯେକୌଣସି ଜିନିଷ ଅଧିକ ସେବନ କରିବା ସ୍ୱାସ୍ଥ୍ୟ ପାଇଁ ହାନିକାରକ ହୋଇଥାଏ। ଅଧିକ ଗୁଡ ସେବନ ମଧ୍ୟ ସ୍ୱାସ୍ଥ୍ୟ ପାଇଁ ହାନିକାରକ। ସୀମିତ ମାତ୍ରାରେ ହିଁ ଗୁଡ ସେବନ କରିବା ଉଚିତ।

(ବି: ଦ୍ର: ଦିଆଯାଇଥିବା ସୂଚନା ସାମାନ୍ୟ ତଥ୍ୟ ଉପରେ ଆଧାରିତ, କୌଣସି ପଦକ୍ଷେପ ନେବା ପୂର୍ବରୁ ବିଶେଷଜ୍ଞଙ୍କୁ ପରାମର୍ଶ କରନ୍ତୁ)

   Related Posts