Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||
  • ବିସ୍ଫୋରଣ କରି ଟ୍ରେନ୍ ଲାଇନ ଉଡାଇଲେ ନକ୍ସଲ, ପୋଷ୍ଟରରେ ଦେଲେ ଧମକ
  • ||
  • କୁହୁଡିର ଚାଦରରେ ଜଗତସିଂହପୁର, ଗମନାଗମନ ବାଧାପ୍ରାପ୍ତ
  • ||

ଏମ୍‌ ଏମ୍ ମେଡିକେୟାର ନର୍ସିଂହୋମ୍‌ରେ ନିହାରିକାଙ୍କ ସହଯୋଗୀଙ୍କୁ ପୋଲିସ ଜେରା କଲା ୪୫ମିନିଟ୍

24/09/2019 at 3:09 PM

କଟକ ୨୪।୯:  ବହୁ ଚର୍ଚ୍ଚିତ ନର୍ସ ନିହାରିକା ହତ୍ୟାକାଣ୍ଡର ତଦନ୍ତକୁ ଅଧିକ କ୍ରିୟାଶୀଳ କରିଛି ଜଗତସିଂହପୁର ପୋଲିସ । ତଦନ୍ତ ପାଇଁ ଖୋଦ୍ ଜଗତସିଂହପୁର ଏସପିଙ୍କ ସମେତ ତଦନ୍ତକାରୀ ଟିମ୍ କଲ୍ୟାଣୀନଗର ସ୍ଥିତ ଏମ ଏମ ମେଡିକେୟାରରେ ପହଞ୍ଚିଥିଲେ । ସେଠାରେ ଦୀର୍ଘ ୪୫ ମିନିଟ୍ ପର୍ଯ୍ୟନ୍ତ ପଚାରା ଉଚରା କରିଛନ୍ତି ।

ନର୍ସିଂହୋମ୍ ମାଲିକଙ୍କ ସମେତ ନିହାରିକାଙ୍କ ସହଯୋଗୀମାନଙ୍କୁ ମଧ୍ୟ ଜେରା କରିଛନ୍ତି ଏସପି । ତେବେ ଅଭିଯୁକ୍ତ ରାଜାକୁ ରିମାଣ୍ଡର ନେବା ପରେ ପୋଲିସକୁ ଅଧିକ କିଛି ତଥ୍ୟ ମିଳିଥିବା ଜଣାପଡିଛି । ସେଥିପାଇଁ ଏସପି ନିଜେ ଏହି ଟିମ୍ ସହ ଯାଇ ତଦନ୍ତ କରିଛନ୍ତି ।

ଅନ୍ୟପଟେ ମୃତ ନର୍ସ ନିହାରିକାଙ୍କ ଘର ଭିଙ୍ଗାରପୁରରେ ପହଁଞ୍ଚି ତଦନ୍ତ କରିଥିଲେ ଜଗତସିଂହପୁର ଏସପି । ନିହାରିକାଙ୍କ ବାପା, ଭାଇ, ମା’ ଏବଂ ସମ୍ପର୍କୀୟ ଭଉଣୀଙ୍କ ସହ କଥା ହୋଇ ଘଟଣା ସଂପର୍କରେ ତଦନ୍ତ କରିଥିଲେ । ନିହାରିକାଙ୍କ ପ୍ରେମିକ ରାଜା ଓରଫ କିଶୋର ନିହାରିକାଙ୍କ ପରିବାରର ଅନ୍ୟ କାହା ସହ କଥା ହୁଏ ଏବଂ ସେ କେବେ ଭିଙ୍ଗାରପୁର ଆସିଥିଲା କି ନାହିଁ ସେ ସଂପର୍କରେ ଏସପି ପଚାରି ବୁଝିଥିଲେ ।

ହତ୍ୟାକାଣ୍ଡରେ ଆଉ କେଉଁମାନେ ଜଡିତ ଅଛନ୍ତି ସେ ବିଷୟରେ ମଧ୍ୟ ତଦନ୍ତ ଚାଲିଛି । ହତ୍ୟାକାଣ୍ଡରେ ଅନ୍ୟ କାହାର ହାତ ଅଛି କି ନାହିଁ ତାହା ଖୁବ୍ ଶୀଘ୍ର ଜଣାପଡିବ ବୋଲି ଜଗତସିଂହପୁର ଏସପି ସୂଚନା ଦେଇଛନ୍ତି ।

   Related Posts