ଭୁବନେଶ୍ଵର ୧୯।୧୦:  ଜାଲ ଦସ୍ତଖତ କରି ଜଗନ୍ନାଥଙ୍କ ଜମି ହଡ଼ପ ଉଦ୍ୟମ । ଶ୍ରୀମନ୍ଦିର ପ୍ରଶାସନକୁ ବାଲେଶ୍ବର ଜିଲ୍ଲା ସୋର ତହସିଲଦାରଙ୍କ ଚିଠି ପରେ ସାମ୍ନାକୁ ଆସିଛି ଏଭଳି ଜାଲିଆତି । ୩ ତିନିଟି ଜାଲ୍ ଚିଠି ଏବଂ ସୁପ୍ରିମକୋର୍ଟଙ୍କ ମିଥ୍ୟା ଡକ୍ୟୁମେଣ୍ଟସ୍ ମାଧ୍ୟମରେ ଏଭଳି ଜମି ଜାଲି କରାଯାଇଥିବା ଜଣାପଡ଼ିଛି । ତେବେ ଏଭଳି ଜାଲିଆତି ପଛରେ ଏକ ବଡ଼ ରାକେଟ୍ କାମ କରୁଥିବା ଅନୁମାନ କରାଯାଉଛି । ଏହାର ଉଚ୍ଚସ୍ତରୀୟ ତଦନ୍ତ ଦାବି ହୋଇଥିବା ବେଳେ ଶ୍ରୀମନ୍ଦିର ପ୍ରଶାସନ ପକ୍ଷରୁ ସିଂହଦ୍ଵାର ଥାନାରେ ଏନେଇ ଏତଲା ଦିଆଯାଇଛି।

{"id":529792,"sizeSlug":"full","linkDestination":"none"}

ଜାଲ ଦସ୍ତାବିଜ୍ ଜରିଆରେ ଜଗନ୍ନାଥଙ୍କ ଜମି ହଡ଼ପ ଉଦ୍ୟମ। ୩ ତିନିଟି ଜାଲ୍ ଚିଠି ଏବଂ ସୁପ୍ରିମକୋର୍ଟଙ୍କ ମିଥ୍ୟା ଡକ୍ୟୁମେଣ୍ଟସ୍ ମାଧ୍ୟମରେ କରାଯାଇଛି ଚଞ୍ଚକତା। ଏଭଳି ଚଞ୍ଚକତାକୁ ବାଲେଶ୍ଵର ଜିଲ୍ଲା ସୋର ତହସିଲଦାର ଧରିବା ପରେ ଶ୍ରୀମନ୍ଦିର ପ୍ରଶାସନକୁ ଜଣାଇଥିଲେ । ଆଉ ଏବେ ଜାଲିଆତିର ଖୋଳତାଡ଼ ଆରମ୍ଭ କରିଛି ଶ୍ରୀମନ୍ଦିର ପ୍ରଶାସନ । ଯାଂଚ ସମୟରେ ସୋର ତହସିଲଦାରଙ୍କ ନିକଟରେ ଦାଖଲ ହୋଇଥିବା ଦସ୍ତାବିଜ୍ ଜାଲ୍ ବୋଲି ଜଣାପଡ଼ିଛି । ମିଳିଥିବା ତଥ୍ୟ ଆଧାରରେ ଶ୍ରୀମନ୍ଦିର ପକ୍ଷରୁ ବାଲେଶ୍ବର ଓ ପୁରୀ ଜିଲ୍ଲାର ଏସପି ଓ ଜିଲ୍ଲାପାଳଙ୍କ ହସ୍ତକ୍ଷେପ ଲୋଡ଼ାଯାଇଛି । ଶ୍ରୀମନ୍ଦିର ପ୍ରଶାସନ ଘଟଣାକୁ ଗୁରୁତର ସହ ନେଇଥିବା ବେଳେ ପୁରୀ ସିଂହଦ୍ବାର ଥାନାରେ ଏନେଇ ଏତଲା ଦିଆଯାଇଛି । ଜଗନ୍ନାଥଙ୍କ ଜମି ହଡ଼ପ ପାଇଁ ଏଭଳି ଚଞ୍ଚକତା କରିଥିବା ଜମି ମାଫିଆଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଶ୍ରୀମନ୍ଦିର ପରିଚାଳନା କମିଟି ତଥା ଲ୍ୟାଣ୍ଡ କମିଟି ସଦସ୍ୟ କହିଛନ୍ତି ।

{"id":529793,"sizeSlug":"full","linkDestination":"none"}

ଏହି ଜମି ଜାଲିଆତି ପଛରେ ଏକ ବଡ଼ ରାକେଟ୍ କାମ କରୁଥିବା କୁହାଯାଉଛି । ଯେତେବେଳେ ଜଗନ୍ନାଥଙ୍କ ଜମି ହଡ଼ପ କଥା ଉଠିଛି ସେତେବେଳେ ସରକାର ତୁରନ୍ତ ଏହାର ଉଚ୍ଚସ୍ତରୀୟ ତଦନ୍ତ କରିବା ସହ ଜମି ମାଫିଆଙ୍କ ବିରୋଧରେ ଆକ୍ସନକୁ ଆସିବାକୁ ବିଭିନ୍ନ ମହଲରେ ଜୋର୍ ଧରିଛି ଦାବି ।

{"id":529794,"sizeSlug":"full","linkDestination":"none"}

ରାଜ୍ୟର ବିଭିନ୍ନ ଜିଲ୍ଲା ସମେତ ୭ଟି ରାଜ୍ୟରେ ଶ୍ରୀଜଗନ୍ନାଥ ମହାପ୍ରଭୁଙ୍କ ନାଁରେ ୬୦ହଜାର ୮୨୨ ଏକର ଜମି ରହିଛି । ସେଥି ମଧ୍ୟରୁ କେବଳ ଓଡ଼ିଶାର ବିଭିନ୍ନ ଜିଲ୍ଲାରେ ରହିଛି ୬୦ହଜାର ୪୨୬ ଏକର ଜମି । ତେବେ ବାଲେଶ୍ବର ଜିଲ୍ଲାରେ ଯେଉଁ ୩ ଜଣ ଜିମି ମାଫିଆ ଜଗନ୍ନାଥଙ୍କ ଜମି ହଡ଼ପ ପାଇଁ ଏଭଳି ଚଞ୍ଚକତା କରିଛନ୍ତି ସେମାନଙ୍କ ନାଁ ମଧ୍ୟ ସାମ୍ନାକୁ ଆସିବା ଦରକାର।