Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ପହଞ୍ଚିଲା ଓମିକ୍ରନ୍‌ ଭ୍ୟାରିଆଣ୍ଟ । କର୍ଣ୍ଣାଟକର ୨ ଜଣ ବ୍ୟକ୍ତି ଓମିକ୍ରନ୍‌ ଭ୍ୟାରିଆଣ୍ଟରେ ସଂକ୍ରମିତ
  • ||
  • ହଜିନି ମାନବିକତା, ପାଇଥିବା ସୁନା ଗହଣାକୁ ଫେରାଇଦେଲେ ଅଟୋ ଚାଳକ
  • ||
  • ଭୁବନେଶ୍ବର : STF ମୋଷ୍ଟ ୱାଣ୍ଟେଡ ଲିଷ୍ଟରେ ଅନୀଲ ପାଣ୍ଡି, ସୂଚନା ଦେଲେ ମିଳିବ ପୁରସ୍କାର
  • ||
  • ଭୁବନେଶ୍ବର : ୩ ନିର୍ବାହୀ ଅଧିକାରୀଙ୍କୁ ବାଧ୍ୟତାମୂଳକ ଅବସର ଓ ଜଣେ ଆରଆଇ ଚାକିରୀରୁ ବହିଷ୍କୃତ
  • ||
  • ନୂଆଦିଲ୍ଲୀ : ବାତ୍ୟା ଅପଡେଟ୍ : ୩ରୁ ଓଡିଶାରେ ବର୍ଷା, ୪ରେ ପବନର ବେଗ ଛୁଇଁବ ୯୦ କି.ମି.
  • ||
  • ନୂଆଦିଲ୍ଲୀ : ଶୁକ୍ରବାରଠୁ ରାଜଧାନୀରେ ସମସ୍ତ ସ୍କୁଲ ବନ୍ଦ, ଘୋଷଣା କଲେ କେଜ୍ରିଓ୍ୱାଲ୍‌ ସରକାର
  • ||
  • ବାଇକକୁ ପିଟିଲା ଜୁସ୍ ବୋଝେଇ ଟ୍ରକ୍, ୨ ଆରୋହୀ ମୃତ
  • ||
  • କଣ୍ଟାବାଞ୍ଜି : ମମିତା ମେହେର ହତ୍ୟାକାଣ୍ଡ ମାମଲା : ADG କୋର୍ଟରେ ଜାମିନ ଆବେଦନ କଲା ଗୋବିନ୍ଦ ସାହୁ
  • ||
  • ସାନଖେମୁଣ୍ଡି : ୩୦ ଏକର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||

WTC ଫାଇନାଲ ପାଇଁ ମାଞ୍ଜରେକର୍ ବାଛିଲେ ନିଜ ଟିମ୍ : ବାଦ୍ ପଡିଲେ ଜାଡେଜା, ଏହି ସବୁ ଖେଳାଳିଙ୍କୁ କଲେ ସାମିଲ

15/06/2021 at 12:28 PM

ନୂଆଦିଲ୍ଲୀ,୧୫/୦୬: ଭାରତୀୟ କ୍ରିକେଟ ଦଳର ପୂର୍ବତନ ବ୍ୟାଟସମ୍ୟାନ୍ ସଞ୍ଜୟ ମାଞ୍ଜରେକର ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ ପାଇଁ ନିଜର ଚୂଡାନ୍ତ ଏକାଦଶ ବାଛିଚନ୍ତି । ସେ ନିଜ ଟିମ୍‌ରେ ୩ ଦ୍ରୁତ ବୋଲର ଓ ଜଣେ ସ୍ପିନରଙ୍କୁ ସାମିଲ କରିଛନ୍ତି । ସବୁଠାରୁ ବଡ କଥା ହେଉଛି ଯେ, ସଞ୍ଜୟଙ୍କ ଟିମ୍‌ରେ ଦ୍ରୁତ ବୋଲର ଇଶାନ୍ତ ଶର୍ମାଙ୍କୁ ସ୍ଥାନ ମିଳିନାହିଁ ।

ମାଞ୍ଜରେକରଙ୍କ ଏକାଦଶରେ ଜସପ୍ରିତ ବୁମରାହ, ମହମ୍ମଦ ସାମିଙ୍କ ପରେ ମହମ୍ମଦ ସିରାଜଙ୍କୁ ସ୍ଥାନ ମିଳିଛି । ସେହିପରି ରବୀନ୍ଦ୍ର ଜାଡେଜାଙ୍କୁ ମଧ୍ୟ ବାଦ୍ ଦେଇଛନ୍ତି ସଞ୍ଜୟ । ସେ ନିଜର ଟିମ୍‌କୁ ଇଂଲଣ୍ଡର ପରିସ୍ଥିତିକୁ ନଜରରେ ରଖି ଚୟନ କରିଛନ୍ତି ।

ଇଏସପିଏକ୍ରିକଇନଫୋକୁ ସାକ୍ଷାତକାରରେ ମାଞ୍ଜରେ କର କହିଛନ୍ତି ଯେ, ମ୍ୟାଚ୍ ବେଳେ ଆକାଶରେ ବାଦଲ ଘୋଟେଇ ହୋଇ ରହିବ । ମଝିରେ ମଝିରେ ସାମାନ୍ୟ ଖରା ହୋଇପାରେ । ସମ୍ଭାବ୍ୟ ପାଗକୁ ନଜରରେ ରଖି ଟିମ୍ ପ୍ରସ୍ତୁତ ହୋଇଛି । ମାଞ୍ଜରେକରଙ୍କ ଚୂଡାନ୍ତ ଏକାଦଶ ମୁତାବିକ, ଓପନିଂ କରିବେ ଶୁଭମନ ଗିଲ୍ ଓ ରୋହିତ ଶର୍ମା । ତୃତୀୟ ସ୍ଥାନରେ ଚେତେଶ୍ୱର ପୂଜାରା, ଚତୁର୍ଥରେ ବିରାଟ କୋହଲି, ପଞ୍ଚମ ସ୍ଥାନରେ ଆଜିଙ୍କ୍ୟ ରାହାଣେ ଓ ଷଷ୍ଠ ସ୍ଥାନରେ ହନୁମା ବିହାରୀ ଖେଳିବେ । ଏହାପରେ ଋଷଭ ପନ୍ତଙ୍କ ନମ୍ବର ଆସିବ ।

ସ୍ପିନର ଭାବେ ଆର ଅଶ୍ୱିନ ମାଞ୍ଜରେକରଙ୍କ ଟିମ୍‌ରେ ସ୍ଥାନ ପାଇଛନ୍ତି । ହନୁମା ବିହାରୀଙ୍କୁ ଦଳରେ ସ୍ଥାନ ଦେଇଥିବା ନେଇ ମାଞ୍ଜରେକର କହିଛନ୍ତି ଯେ, ଭାରତକୁ ଡିଫେନ୍ସ ଟେକନୋଲୋଜି ରଖିଥିବା ବ୍ୟାଟସମ୍ୟାନଙ୍କ ଆବଶ୍ୟକତା ରହିଛି । ପୂଜାରାଙ୍କୁ ଛାଡି ଶୀର୍ଷକ୍ରମରେ ଆଉ କେହି ରକ୍ଷାତ୍ମକ ବ୍ୟାଟିଂ କରୁଥିବା ବ୍ୟାଟସମ୍ୟାନ୍ ନାହାଁନ୍ତି । ତେଣୁ ସେ ବିହାରୀଙ୍କୁ ଷଷ୍ଠ ଓ ପନ୍ତଙ୍କୁ ସପ୍ତମ ସ୍ଥାନରେ ରଖିଛନ୍ତି ।

ସିରାଜଙ୍କୁ ନେଇ ସେ କହିଛନ୍ତି ଯେ, ଅଷ୍ଟ୍ରେଲିଆ ଗସ୍ତରେ ୫ ଓ୍ୱିକେଟ୍ ନେଇଥିଲେ ସିରାଜ । ଏପରି ବୋଲରଙ୍କୁ ବାଦ୍ ଦେବା କଠିନ । ଇଶାନ୍ତ, ସାମି ଓ ବୁମରାହ ସିମ୍ ବୋଲର । ସିରାଜ ଏମାନଭଙ୍କଠାରୁ ଭିନ୍ନ ଅଟନ୍ତି ବୋଲି ସେ କହିଛନ୍ତି ।

ମାଞ୍ଜରେକରଙ୍କ ଟେଷ୍ଟ ଟିମ୍

ଜସପ୍ରିତ ବୁମରାହ, ମହମ୍ମଦ ସାମି, ମହମ୍ମଦ ସିରାଜ, ଶୁଭମନ ଗିଲ୍, ରୋହିତ ଶର୍ମା, ଚେତେଶ୍ୱର ପୂଜାରା, ବିରାଟ କୋହଲି, ଆଜିଙ୍କ୍ୟ ରାହାଣେ ,ହନୁମା ବିହାରୀ,ଋଷଭ ପନ୍ତ, ଆର ଅଶ୍ୱିନ

   Related Posts