Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୬ ଦିନିଆ ରିମାଣ୍ଡରେ ଆସିବ ଠକ ପ୍ରଜ୍ଞା, ଅନୁମତି ଦେଲେ ଭୁବନେଶ୍ୱର ଏସ୍‌ଡିଜେଏମ୍‌ କୋର୍ଟ
  • ||
  • ଘୋଷଣା ହେଲା ଜ୍ଞାନପୀଠ ପୁରସ୍କାର : ୨୦୨୧ ପାଇଁ ନୀଳମଣି ଫୁକନ, ୨୦୨୨ ପାଇଁ କୌଙ୍କଣୀ ସାହିତ୍ୟିକ ଦାମୋଦେର ମୌଜଙ୍କୁ ସମ୍ମାନ
  • ||

୨୦୨୫ରେ କିଏ ହେବେ ବିଶ୍ୱର ସର୍ବଶ୍ରେଷ୍ଠ କ୍ରିକେଟର ? ଜାଡେଜା ରଖିଲେ ମଜାଳିଆ ଉତ୍ତର

11/03/2021 at 11:08 AM

ନୂଆଦିଲ୍ଲୀ, ୧୧/୦୩ :   ଭାରତୀୟ ଦଳର ଷ୍ଟାର୍ ଅଲରାଉଣ୍ଡର ରବୀନ୍ଦ୍ର ଜାଡେଜା ଦଳକୁ ଫେରିବା ପାଇଁ ଜୋରଦାର୍ ପ୍ରସ୍ତୁତି କରୁଛନ୍ତି । ସେ ବେଙ୍ଗାଲୁରୁର ନ୍ୟାସନାଲ କ୍ରିକେଟ ଆକାଡେମୀରେ ଅଭ୍ୟାସ କରୁଛନ୍ତି । ସେ ଗତ ଅଷ୍ଟ୍ରେଲିଆ ଗସ୍ତରେ ଆହତ ହୋଇ ଦଳରୁ ପାଦ୍ ପଡିଥିଲେ । ଏହାପରେ ତାଙ୍କର ଅସ୍ତ୍ରୋପଚାର ହୋଇଥିଲା । ଏହି କାରଣରୁ ସେ ଇଂଲଣ୍ଡ ବିପକ୍ଷରେ ଆରମ୍ଭ ହେବାକୁ ଥିବା ଟି୨୦ ସିରିଜରୁ ବାଦ୍ ପଡିଥିଲେ ।

ଜାଡେଜା ବୁଧବାର ସେହି ସମୟରେ ଚର୍ଚ୍ଚାକୁ ଆସିଥିଲେ, ଯେତେବେଳେ ରାଜସ୍ଥାନ ରୟାଲ୍ସ ନିଜର ଅଫିସିଆଲ ଟ୍ୱିଟର୍ ଆକାଉଣ୍ଟରେ ଏକ ପୋଷ୍ଟ ସେୟାର କରିଥିଲା । ଏହି ପୋଷ୍ଟରେ ଆଇପିଏଲ ଫ୍ରାଞ୍ଚାଇଜ୍ ବିଶ୍ୱର ସବୁଠାରୁ ଭଲ କ୍ରିକେଟର କିଏ ବୋଲି ପ୍ରଶ୍ନ ପଚାରିଥିଲା ।ଏହାର ଉତ୍ତରରେ ଜାଡେଜା ମଜାଳିଆ ଉତ୍ତର ଦେଇଥିଲେ ।

ଜାଡେଜା ଏହି ପୋଷ୍ଟରେ ରିପ୍ଲାଏ ଦେଇ କହିଥିଲେ ଯେ, ସେ ନିଜେ ହେଉଛନ୍ତି ଦମଦାର୍ କ୍ରିକେଟର । ୨୦୨୫ରେ ସେ ସର୍ବଶ୍ରେଷ୍ଠ କ୍ରିକେଟର ହେବେ ବୋଲି ଲେଖିଥିଲେ । ଏହାପରେ ରାଜସ୍ଥାନ ରୟାଲ୍ସର ଆଡମିନ୍ ତାଙ୍କ କମେଣ୍ଟକୁ ପିନ୍ କରିଥିଲେ । ଏହାସହ ଚର୍ଚ୍ଚା ଏଇଟି ଶେଷ ହେଉଛି ବୋଲି କହିଥିଲେ ।

ଜାଡେଜା ଏବେସୁଦ୍ଧା ଭାରତ ପାଇଁ ୫୧ଟି ଟେଷ୍ଟ, ୧୬୮ ଦିନିକିଆ ଓ ୫୦ଟି ଟି୨୦ ମ୍ୟାଚ୍ ଖେଳିଛନ୍ତି । ଟେଷ୍ଟ ଫର୍ମାଟରେ ସେ ୧୯୫୪ ରନ୍ କରିବା ସହ ୨୨୦ ଓ୍ୱିକେଟ୍ ନେଇଛନ୍ତି । ଦିନିକିଆରେ ୨୪୧୧ ରନ୍ ଓ ୧୮୮ ଓ୍ୱିକେଟ୍ ଏବଂ ଟି୨୦ରେ ୨୧୭ ରନ୍ ଓ ୩୯ଟି ଓ୍ୱିକେଟ୍ ନେଇଛନ୍ତି ।

   Related Posts