Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ଗୋଟିଏ ସ୍ଥାନ ତଳକୁ ଖସିଲେ ମୁକେଶ ଅମ୍ବାନୀ, ଜ୍ୟାକ୍ ମା ହେଲେ ଏସିୟାର ଶ୍ରେଷ୍ଠ ଧନୀ

10/03/2020 at 3:43 PM

ନୂଆଦିଲ୍ଲୀ ୧୦।୩: ଏସିୟା ମହାଦେଶର ଶ୍ରେଷ୍ଠ ଧନିକ ହେଲେ ଚୀନର ଜ୍ୟାକ୍‌ ମା। ଦୀର୍ଘ ଦିନ ଧରି ଭାରତର ମୁକେଶ ଅମ୍ବାନୀ ଏହି ସ୍ଥାନକୁ ଅକ୍ତିଆର କରି ରଖିଥିଲେ। ତେବେ ସୋମବାର ବିଶ୍ୱ ଷ୍ଟକ୍ ବଜାର ଓ ତୈଳ କ୍ଷେତ୍ରରେ ଦେଖା ଦେଇଥିବା ହ୍ରାସ ମୁକେଶଙ୍କୁ ଏସିୟାର ଧନିକ ସୂଚୀରେ ତଳକୁ ଠେଲିଦେଇଛି।   ଏଥିଯୋଗୁ ମୁକେଶ ୫.୮ ବିଲିୟନ ଡଲାରର କ୍ଷତିରେ ପଡିଥିବା ବେଳେ ତାଲିକାର ଦ୍ୱିତୀୟ ସ୍ଥାନକୁ ଖସିଆସିଥିବା ବ୍ଲୁମବର୍ଗ ବିଲିୟୋନେୟର୍ସ ଇଣ୍ଡେକ୍ସରୁ ଜଣାପଡିଛି। ତେବେ ଆଲିବାବା ଗ୍ରୁପ ହୋଲ୍ଡିଂସ୍ ଲିର ଜ୍ୟାକ୍ ମା ୪୪.୫ ବିଲିୟନ ସମ୍ପତ୍ତି ସହ ପୁଣି ସୂଚୀର ଶିର୍ଷ ସ୍ଥାନକୁ ଉଠିଛନ୍ତି। ପୂର୍ବରୁ ଜ୍ୟାକ୍ ମା ୨୦୧୮ ମସିହାରେ ଏସିଆର ଶ୍ରଷ୍ଠ ଧନିକ ସୂଚୀର ପ୍ରଥମ ସ୍ଥାନରେ ଥିଲେ।

ବିଶ୍ୱର ଗୋଟିଏ ପଟେ କରୋନା ଭାଇରସ ସଂକ୍ରମଣ ଜାରି ଥିବା ବେଳେ ସୋମବାର ତୈଳକ୍ଷେତ୍ରରେ ହ୍ରାସ ହୋଇଥିଲା। ସାଉଦି ଆରବ ଓ ଋଷିଆର ତୈଳ କ୍ଷେତ୍ରରେ ୨୯ ବର୍ଷ ପୂର୍ବର ପରିସ୍ଥିତି ଉପୁଜିଥିଲା। କରୋନା ସଂକ୍ରମଣ ଯୋଗୁ ତୈଳ ଚାହିଦା ହ୍ରାସ ବେଳେ ଅଧିକ ଉତ୍ପାଦନ ବାରଲ ପିଛା ଦରରେ ୩୦ ପ୍ରତିଶତ ପର୍ଯ୍ୟନ୍ତ ହ୍ରାସ ହୋଇଛି। ଯାହା ଆହୁରି ତଳକୁ ଯାଇପାରେ ବୋଲି ଏବେ ଆଶଙ୍କା କରାଗଲାଣି। ତେବେ କେବଳ ତୈଳ କ୍ଷେତ୍ର ନୁହେଁ ସଂକ୍ରମଣ ଅନ୍ୟ କ୍ଷେତ୍ରକୁ ମଧ୍ୟ ପ୍ରଭାବିତ କରୁଛି। ତେବେ ଆଲିବାବା ପରିସ୍ଥିତି  ମୁକାବିଲାରେ ସଫଳ ହୋଇଛି।

କ୍ଲାଉଡ କମ୍ପ୍ୟୁଟିଂ ଏବଂ ମୋବାଇଲ ଆପ୍ ସର୍ଭିସର ଚାହିଦା  ଆଲିବାବା ପରିସ୍ଥିତିର ମୁକାବିଲା କରିବା ସହ ଏବେ ଭଲ ଲାଭ ବି କମାଉଛନ୍ତି। ତେବେ ରିଲାଏନ୍ସ ଇଣ୍ଡଷ୍ଟ୍ରିଜର ବ୍ୟବସାୟିକ ଧାରା ଆଲିବାବା ଭଳି ନୁହେଁ।  ଏଣୁ ଉପୁଜିଥିବା ପରିସ୍ଥିତିର ମୁକାବିଲା କରିପାରିନଥିବା ବେଳେ ସୋମବାର ରିଲାଏନ୍ସ ଇଣ୍ଡଷ୍ଟ୍ରିଜ ସେୟାରରେ ୧୨ ପ୍ରତିଶତ ହ୍ରାସ ହୋଇଥିଲା।  ୨୦୦୯ ମସିହା ପରେ ରିଲାଏନ୍ସ ଲାଗି ଏହା ପ୍ରଥମ ଘଟଣା। ତେବେ ଉପୁଜିଥିବା ପରିସ୍ଥିତିରୁ ଅମ୍ବାନୀ ଖୁବ୍ ଶୀଘ୍ର ବାହାରି ଆସିପାରନ୍ତି ବୋଲି ଇନଭେଷ୍ଟମେଣ୍ଟ ଆଡଭାଇଜର ହରିଶ ଏଚଭି କହିଛନ୍ତି।

   Related Posts