Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

RSS ମୁଖ୍ୟ କାର୍ଯ୍ୟାଳୟରେ କରୋନା : ପାଖାପାଖି ୧୨ ଜଣ ସ୍ୱୟଂସେବକ ପଜିଟିଭ୍ ଚିହ୍ନଟ, କାର୍ଯ୍ୟାଳୟ ସିଲ୍

19/07/2020 at 2:46 PM

ଜବଲପୁର ୧୯/୦୭ : ଦେଶର ଅଧିକାଂଶ ସ୍ଥାନରେ କରୋନା ମାମଲା କମିବାର ନାଁ ନେଉନାହିଁ | କିଛି ସ୍ଥାନକୁ ଛାଡିଦେଲେ ଅଧିକାଂଶ ସ୍ଥାନରେ କରୋନା ମାମଲା ହୁ ହୁ ହୋଇ ବଢି ଚାଲିଛି | ମଧ୍ୟ ପ୍ରଦେଶରେ ମଧ୍ୟ ମାମଲା ବଢ଼ିବାରେ ଲାଗିଛି | ରାଜ୍ୟରେ ପ୍ରତିଦିନ ଲଗାତାର ନୂଆ ମାମଲା ବୃଦ୍ଧି ପାଉଛି | ଜବଲପୁର ସ୍ଥିତ ରାଷ୍ଟ୍ରୀୟ ସ୍ୱୟଂସେବକ ସଂଘ (RSS) କାର୍ଯ୍ୟାଳୟ କେଶବ କୁଟୀରେ ମଧ୍ୟ କରୋନା ମହାମାରୀ ପ୍ରବେଶ କରିଛି | ରବିବାର ଦିନ ଆରଏସଏସର ପାଖାପାଖି ୧୨ ଜଣ ସ୍ୱୟଂସେବକ କରୋନା ପଜିଟିଭ୍ ଚିହ୍ନଟ ହୋଇଛନ୍ତି | ଜବଲପୁରର CMHO ଡ. ରତ୍ନେସ୍ କୋରିୟା କେଶବ କୁଟୀ ସହ ଜଡିତ ସମସ୍ତ ସ୍ୱୟଂସେବକଙ୍କ ମଧ୍ୟରେ କରୋନା ଭାଇରସ ସଂକ୍ରମଣ ସ୍ପଷ୍ଟ କରିଛନ୍ତି | ସୂଚନା ଅନୁଯାୟୀ, ବାହାରୁ ଆସିଥିବା ଜଣେ ପ୍ରଚାରକଙ୍କ ଯୋଗୁଁ କେସବ କୁଟୀରେ କରୋନା ସଂକ୍ରମଣ ବ୍ୟାପିଛି |

ସୂଚନାଯୋଗ୍ୟ ଯେ, ୧୦ ଦିନ ପୂର୍ବରୁ ଆରଏସଏସର ଜଣେ ପ୍ରଚାରକ ଜବଲପୁରରେ ପହଞ୍ଚିଥିଲେ | ସେ ବିଲହରି ଅଞ୍ଚଳରେ ଆୟୋଜିତ ଏକ ସମାରୋହରେ ମଧ୍ୟ ସାମିଲ ହୋଇଥିଲେ | କରୋନା ସଂକ୍ରମଣ ରୋଗୀ ସାମ୍ନାକୁ ଆସିବା ପରେ ପ୍ରଶାସନ ମଧ୍ୟ ତତ୍ପର ହୋଇପଡିଛି | ସ୍ୱୟଂସେବକ କରୋନା ପଜିଟିଭ ଚିହ୍ନଟ ହେବାପରେ ପୁରା କାର୍ଯ୍ୟାଳୟକୁ ସିଲ କରାଯାଇଛି ଏବଂ ପୁରା ଅଞ୍ଚଳକୁ କଣ୍ଟେନମେଣ୍ଟ ଅଞ୍ଚଳ ଘୋଷଣା କରାଯାଇଛି | ରାଇଟ ଟାଉନ ସ୍ଥିତ କେଶବ କୁଟୀ ସଂଘର ଏକ ପ୍ରମୁଖ କାର୍ଯ୍ୟାଳୟ ଯାହାକୁ ମହାକୌଶଳର କେନ୍ଦ୍ର ବୋଲି କୁହାଯାଏ | ସମସ୍ତ ବରିଷ୍ଠ ପଦାଧିକାରୀ ଏବଂ ପ୍ରଚାରକ ସଂଘ କାର୍ଯ୍ୟାଳୟରେ ରୁହନ୍ତି | 

ସଂଘର ସ୍ୱୟଂସେବକ କରୋନା ପଜିଟିଭ ଚିହ୍ନଟ ହେବାପରେ ଜବଲପୁର ଜିଲ୍ଲା ପ୍ରଶାସନ ସତର୍କ ହୋଇଯାଇଛନ୍ତି | ଜିଲ୍ଲା ସିଏମଏଚଓ ଡ. ରତ୍ନେସ କୋରିୟାଙ୍କ ଠାରୁ ମିଳିଥିବା ସୂଚନା ଅନୁଯାୟୀ, ପ୍ରଶାସନ ତରଫରୁ ସମସ୍ତଂକ କଣ୍ଟ୍ରାକ୍ଟ ହିଷ୍ଟ୍ରି ଟ୍ରେସ କରାଯାଉଛି ଯେପରିକି ସଂକ୍ରମିତଙ୍କ ସମ୍ପର୍କରେ ଆସିଥିବା ଲୋକଙ୍କୁ କ୍ଵାରିଏଣ୍ଟାଇନ କରାଯାଇପାରିବ ଏବଂ ସଂକ୍ରମଣ ରୋକା ଯାଇପାରିବ |

   Related Posts