Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁବ ମୋର୍ଚ୍ଚା ନେତାଙ୍କୁ ମାଡ଼ ଘଟଣାରେ ପ୍ରତିବାଦ, ମୁଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କଲା ବିଜେପି
  • ||
  • କାର୍ତ୍ତିକ ମାସର ପ୍ରଥମ ସୋମବାରରେ ଧବଳେଶ୍ଵର ପୀଠରେ ୧୪୪ ଧାରା ଜାରି
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||

ବିଜେପି ପଦାଧିକାରୀଙ୍କୁ ହତ୍ୟା କରି ବାଲିରେ ପୋତିଦେଇ ଉପରେ ଲେଖିଦେଲା ‘THE END’

15/06/2019 at 12:15 PM

ଜବଲପୁର ୧୫/୬ : ବାଲିରେ ଦେଢ଼ ଫୁଟ ତଳେ ଜଣେ ବ୍ୟକ୍ତିଙ୍କର ଶବ ପୋତା ହୋଇଥିବା ଅବସ୍ଥାରେ ଉଦ୍ଧାର କରିଛି ପୋଲିସ । ମୃତ ବ୍ୟକ୍ତି ଜଣକ ହେଲେ ମଧ୍ୟ ପ୍ରଦେଶ ଜବଲପୁର ବିଜେପି ପଦାଧିକାରୀ । ସେ ଗୁରୁବାର ରାତିରୁ ନିଖୋଜ ଥିଲେ । ଅପରାଧୀ ବିଜେପି ପଦାଧିକାରୀଙ୍କୁ ହତ୍ୟା କରି ବାଲିରେ ପୋତିଦେଇ ତାଉପରେ ଲେଖିଦେଇଥିଲା  ‘THE END’ । ଘଟଣା ଜବଲପୁର ଜିଲ୍ଲାର ପର୍ଯ୍ୟଟନ ନଗରୀ ଭେଡାଘାଟରେ ଘଟିଛି । ମୃତକ ହେଲେ ଭେଡାଘାଟର ପଞ୍ଚବଟୀରେ ରହୁଥିବା ୨୫ ବର୍ଷ ବୟସ୍କ ଋଷଭ ଜୈନ । ଋଷଭଙ୍କ ମୁଣ୍ଡରେ ଆଘାତ ହୋଇଥିଲା ଏବଂ ନାକରୁ ରକ୍ତ ବାହାରୁଥିବା ଅବସ୍ଥାରେ ଶବ ଉଦ୍ଧାର ହୋଇଛି ।

ଋଷଭ ଗୁରୁବାର ରାତିରୁ ନିଖୋଜ ଥିଲେ । ସନ୍ଧ୍ୟାରେ ଏକ ନିର୍ବନ୍ଧ ସମାରୋହରେ ଯୋଗ ଦେବା ପାଇଁ କହି ଘରୁ ବାହାରି ଯାଇଥିଲେ । ରାତି ପ୍ରାୟ ୮ଟା ବେଳେ ସେ ଘରୁ ବାହାରିଥିଲେ । ରାତି ପ୍ରାୟ ୧୦ଟା ବେଳେ ତାଙ୍କୁ କିଛି ଲୋକ ଭେଡାଘାଟ ପାଖାପାଖି ଅଂଚଳରେ ଦେଖିଥିବା କହିଛନ୍ତି । ତା ପରେ ସେ ନିଖୋଜ ହୋଇଯାଇଥିଲେ । ନା ତାଙ୍କ ଫୋନ ଲାଗିଥିଲା ନା ସେ ଘରଲୋକଙ୍କୁ କିଛି ସୂଚନା ଦେଇଥିଲେ । ଶୁକ୍ରବାର ସକାଳୁ ଋଷଭ ଘରକୁ ନ ଆସିବାରୁ ଘରଲୋକ ଭେଡାଘାଟ ଥାନାରେ ନିଖୋଜ ଥିବା ଏତଲା ଦେଇଥିଲେ । ସକାଳୁ ତାଙ୍କ ବାଇକ ସ୍ୱର୍ଗଦ୍ୱାର ରାସ୍ତାରୁ ମିଳିଥିଲା । ବାଇକ ମିଳିବା ପରେ ପୋଲିସ ଆଖପାଖ ଅଂଚଳରେ ଖୋଜାଖୋଜି କରିଥିଲା । କିଛି ବାଟ ଗଲାପରେ ପୋଲିସ ରକ୍ତ ଛିଟା ପଡିଥିବା ଦେଖିବାକୁ ପାଇଥିଲା । ସେହି ରକ୍ତ ଛିଟାକୁ ଫଳ କରି କରି ପୋଲିସ ଆଗକୁ ବଢ଼ିଲା । ଏକ ବାଲିଗଦା ପର୍ଯ୍ୟନ୍ତ ରକ୍ତଛିଟା ପଡିଥିଲା ।

ବାଲିରେ ଗାତ ଖୋଳାଯାଇଥିବା ପୋଲିସ ଦେଖିବାକୁ ପାଇଥିଲା । ଏହାଦେଖିବା ପରେ ପୋଲିସ ସଂଗେ ସଂଗେ ବାଲି ଖୋଳିବା ଆରମ୍ଭ କରିଥିଲା । ଦେଢ଼ ଫୁଟ ତଳେ ଋଷଭଙ୍କ ଶବ ପୋତା ଯାଇଥିଲା । ଋଷଭଙ୍କ ହତ୍ୟା ପଛରେ କୌଣସି ସ୍ଥାନୀୟ ବ୍ୟକ୍ତିର ହାତ ଥିବା ସନ୍ଦେହ କରାଯାଉଛି । କାରଣ ସେହି ଜାଗାରେ କୌଣସି ବାହାରିଆ ବ୍ୟକ୍ତି ପହଂଚିବାର ସମ୍ଭାବନା ନାହିଁ ।

ଋଷଭ ଜୈନ ଜବଲପୁର ବିଜେପି ଗ୍ରାମୀଣ ମହାମନ୍ତ୍ରୀ ପଦବୀ ଦାୟିତ୍ୱରେ ଥିଲେ । ସେ ମୂର୍ତ୍ତି ବ୍ୟବସାୟ ମଧ୍ୟ କରୁଥିଲେ । ସେ ସମସ୍ତ ସାମାଜିକ କାର୍ଯ୍ୟକ୍ରମରେ ମଧ୍ୟ ସାମିଲ ହେଉଥିଲେ । ଘଟଣା ଜାଣିବା ପରେ ବିଜେପି କାର୍ଯ୍ୟକର୍ତ୍ତାଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।

   Related Posts