Monday, September 23, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଫର୍ମ ୧୬କୁ ନେଇ ହେଲା ବଡ଼ ପରିବର୍ତ୍ତନ : ଚାକିରୀ କରୁଥିବା ଲୋକଙ୍କ ଉପରେ ପଡ଼ିବ ସିଧାସଳଖ ପ୍ରଭାବ

ନୂଆଦିଲ୍ଲୀ ୬/୬: ଆର୍ଥିକ ବର୍ଷ ୨୦୧୯-୨୦ ପାଇଁ ଇନକମ୍ ଟ୍ୟାକ୍ସ ରିପୋର୍ଟ ଫାଇଲ୍ କରିବାର ଶେଷ ତାରିଖ ଏହି ବର୍ଷ ଜୁଲାଇ ୩୧। କିନ୍ତୁ ଏହି ବର୍ଷ ରିଟର୍ଣ୍ଣ ଆାଇଲ୍ କରିବାର ଶେଷ ତାରିଖ ବଢ଼ି ପା​‌ରେ କାରଣ ସିବିଡିଟି ଫର୍ମ ୧୬ଜାରି କରିବାର ଶେଷ ତାରିଖ ବଢ଼ାଇ ଦେଇଛି। ଏହା ସହିତ ଆର୍ଥିକ ବର୍ଷ ୨୦୧୮-୧୯ପାଇଁ ଫର୍ମ ୨୪-କ୍ୟୁ ଫାଇଲ୍ କରିବାର ଶେଷ କରିବାର ଶେଷ ତାରିଖ ବଢ଼ାଇ ଦିଆଯାଇଛି। ସିବିଡିଟିର ମଇ ୪ତାରିଖର ଅର୍ଡ଼ର ମୁତାବକ ଟିଡିଏସ ରିଟର୍ଣ୍ଣର ଶେଷ ତାରିଖ ମଇ ୩୧ ତାରିଖରୁ ବଢ଼ାଇ ଜୁନ୍ ୨୦ କରି ଦିଆଯାଇଛି। ଏହା ସହିତ ଫର୍ମ ୧୬ ଜାରି କରିବାର ଶେଷ ତାରିଖ ଜୁନ୍ ୧୫ରୁ ବଢ଼ାଇ ଜୁଲାଇ ୧୦ତାରିଖ କରି ଦିଆଯାଇଛି। ଏହା ପୂର୍ବରୁ ୨୪କ୍ୟୁ ଫର୍ମ ଫାଇଲ୍ କରିବାର ଶେଷ ତାରିଖ ମଇ ୩୧ତାରିଖ ଥିଲା। ଏବେ ଏହାକୁ ବଢ଼ାଇ ଜୁନ୍ ୩୦ କରି ଦିଆଯାଇଛି।

କମ୍ପାନୀ କର୍ମଚାରୀଙ୍କୁ ଜୁନ୍ ମଧ୍ୟରେ ଏକ ଫର୍ମ ପଠାଇଥାଏ ଯାହାକୁ ଫର୍ମ ୧୬କୁହାଯାଇଥାଏ। ଏହି ଫର୍ମ ଜରିଆରେ କମ୍ପାନୀ ଏହି ସୂଚନା ଦେଇଥାଏ ଯେ ଆପଣଙ୍କ ଦରମାରେ ଯେଉଁ ଟିଡିଏସ୍ ହୋଇଥାଏ,ତାହା କଟିବା ପରେ ଆୟକର ବିଭାଗ ପାଖରେ ଜମା କରି ଦିଆଯାଇଛି। ଏହି ଫର୍ମରେ ସମସ୍ତ ସୂଚନା ରହିଥାଏ,ଯାହାର ଆବଶ୍ୟକତା ଆୟକର ରିଟର୍ଣ୍ଣ ଜମା କରିବାବେଳେ ପଡ଼ିଥାଏ।

ଏହା ପୂର୍ବରୁ ମଇ ମାସ ଆରମ୍ଭରେ ଫର୍ମ ୨୪କ୍ୟୁରେ ଗୁରୁତ୍ବପୂର୍ଣ୍ଣ ପରିବର୍ତ୍ତନ କରାଯାଇଥିଲା। ଏହି ପରିବର୍ତ୍ତନ ଅନୁସାରେ,କମ୍ପାନୀକୁ ଫର୍ମ ୧୬ର ପାର୍ଟ ବିରେ ନିର୍ଦ୍ଦିଷ୍ଟ ଟିଡିଏସ୍ ସାର୍ଟିଫିକେଟର ସୂଚନା ଦେବାକୁ ପଡ଼ିବ। ୨୪କ୍ୟୁ,ଦରମାରେ କଟୁଥିବା ଟ୍ୟାକ୍ସର ତ୍ରୟୋମାସିକ ରିପୋର୍ଟ।

ଯଦି ଇନକମ୍ ଟ୍ୟାକ୍ସ ରିଟର୍ଣ୍ଣ ଫାଇଲ୍ କରିବାର ଶେଷ ତାରିଖ ଜୁଲାଇ ୩୧ ରହିଥାଏ ତେବେ କେତେକ କର୍ମଚାରୀ ରିଟର୍ଣ୍ଣ ଫାଇଳ୍ କରିବାର ଡେଡଲାଇନ୍ସ ମିସ୍ କରି ପାରନ୍ତି। ଅର୍ଥାତ୍ ଜୁଲାଇ ୧୦କୁ ଫର୍ମ ଜାରି ହେଉଛି ଏବଂ ​‌କେତେକ ଲୋକ ଜୁଲାଇ ୩୧ ପୂର୍ବରୁ ରିଟର୍ଣ୍ଣ ଫାଇଳ୍ କରି ପାରିବେ ନାହିଁ।

251 Views

   ସମ୍ବନ୍ଧିତ ଖବର