Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

୧୮ ହଜାର ଫୁଟ ଉଚ୍ଚରେ ଉଡିଲା ତ୍ରିରଙ୍ଗା : ସୋସିଆଲ ମିଡ଼ିଆରେ ଭିଡିଓ ଭାଇରାଲ, ଛୁଟିଲା ଲୋକଙ୍କ ପ୍ରଶଂସାର ସୁଅ

26/01/2019 at 4:55 PM

ଲଦାଖ ୨୬/୧ : ଗଣତନ୍ତ୍ର ଦିବସ ଅବସରରେ ଲଦାଖରେ ୧୮ ହଜାର ଫୁଟ ଉଚ୍ଚରେ ଆଇଟିବିପି ଯବାନ, ମାଇନସ ୩୦ ଡିଗ୍ରୀ ତାପମାତ୍ରାରେ ତ୍ରିରଙ୍ଗା ପତାକା ଉଡାଇଛନ୍ତି | ଏହାସହ ଯବାନମାନେ “ଭାରତ ମାତ କି ଜୟ” ନାରା ଦେଇଥିଲେ | ଆଇଟିବିପି ଟ୍ୱିଟରରେ ଯବାନଙ୍କ ପତାକା ଉଡାଇବା ଭିଡିଓ ପୋଷ୍ଟ କରିଛି | ଲାଦଖ ଭାରତ ଚୀନ ସୀମାରେ ଅବସ୍ଥିତ | ଏଠାରେ ଯେକୌଣସି ମୁହୂର୍ତ୍ତରେ ଚୀନର ଆକ୍ରମଣ ଆଶଙ୍କା ରହିଥାଏ | ଡୋକଲାମ ବିବାଦ ପରେ ଏହି ଅଂଚଳରେ ଭାରତୀୟ ସେନା ସୁରକ୍ଷା ବଢ଼ାଇ ଦେଇଛି |


ଭିଡିଓରେ ଦେଖିବାକୁ ମିଳିଛି, କିଭଳି ଆଇଟିବିପି ଯବାନ ବରଫ ଚାଦରରେ ଘୋଡେଇ ହୋଇଥିବା ହିମାଳୟରେ ତ୍ରିରଙ୍ଗା ପତାକା ଧରି ଚାଲୁଛନ୍ତି | ଶରୀର କୋଲପ୍ସ ହେଲା ଭଳି ଥଣ୍ଡାରେ ମଧ୍ୟ ଯବାନ ଗୋଟିଏ ହାତରେ ବନ୍ଧୁକ ଏବଂ ଅନ୍ୟ ହାତରେ ତ୍ରିରଙ୍ଗା ଧରି “ଭାରତ ମାତ କି ଜୟ” ଗାନ କରି ଚାଲିଛନ୍ତି | ଏଠାରେ ତାପମାତ୍ରା -୩୦ରୁ ୪୦ ଡିଗ୍ରୀ ରହିଥାଏ | ଏହି ଜାଗାର ଉଚ୍ଚତା ୯ ହଜାର ଫୁଟରୁ ୨୦ ହଜାର ଫୁଟ ରହିଛି |


ଆଇଟିବିପି ଏହି ଭିଡିଓ ସୋସିଆଲ ମିଡ଼ିଆରେ ସେୟାର କରିବା ପରେ ଭିଡିଓ ଭାଇରାଲ ହେବାରେ ଲାଗିଛି | ଭିଡିଓ ଦେଖି ଲୋକେ ଯବାନଙ୍କ ବୀରତ୍ୱ ଏବଂ ସାହାସିକତାକୁ ପ୍ରଶଂସା କରିଛନ୍ତି | ଲୋକେ ଯବାନମାନଙ୍କୁ ସେଲ୍ୟୁଟ କରିବା ସହ ଗଣତନ୍ତ୍ର ଦିବସର ଶୁଭକାମନା ମଧ୍ୟ ଦେଇଛନ୍ତି |


ଲାଦଖରେ ଏବେ ପାଗ ବହୁତ ଥଣ୍ଡା ରହିଛି | ଏଠାରେ ଅନେକ ଜାଗାକୁ ରାସ୍ତା ନାହିଁ | ଯେଉଁସବୁ ରାସ୍ତା ଅଛି ସେ ବରଫ ଚାଦରରେ ଘୋଡେଇ ହୋଇଯାଇଥାଏ | ଏଭଳି ଜାଗାରେ ସୀମାରେ ଯବାନ ଛିଡା ହୋଇ ଦିନ ରାତି ପହରା ଦେଉଛନ୍ତି | ବେଳେବେଳେ ଯବାନ ୫/୬ ଦିନ ପର୍ଯ୍ୟନ୍ତ ବେସ୍‌ କ୍ୟାମ୍ପକୁ ମଧ୍ୟ ଆସିପାରିନଥାନ୍ତି | କ୍ୟାମ୍ପକୁ ନ ଆସିପାରିଲେ ଯବାନ ଇଗଲୁ ତିଆରି କରି ରହନ୍ତି |


ଗଣତନ୍ତ୍ର ଦିବସ ପୂର୍ବରୁ ଅନ୍ତର୍ଜାତୀୟ ଯୋଗ ଦିବସରେ ମଧ୍ୟ ଏହି ଯବାନମାନେ ବରଫାବୃତ୍ତ ପାହାଡ ଉପରେ ଯୋଗ କରିଥିଲେ |

   Related Posts