Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

ଇଭିଏମ୍ ରେ ସିଲ୍ ହୋଇସାରିଛି ନେତାଙ୍କ ଭାଗ୍ୟ- ୨୪ରେ ଜଣାପଡିବ ବିଜେପୁରରେ କିଏ ବିଜେତା

22/10/2019 at 5:42 PM

ବିଜେପୁର ୨୨.୧୦ -୨୪ରେ ବାହାରିବ ବିଜେପୁର ଫଳ । ଗଣତି ପାଇଁ ପ୍ରଶାସନ ଆବଶ୍ୟକ ପ୍ରସ୍ତୁତି ଶେଷ କରିଛି । ତେବେ ଏହାପୂର୍ବରୁ ଚାଲିଛି ନେତାଙ୍କ ବୋଲି। କହା ବୋଲିରେ କେଉଁ ପ୍ରାର୍ଥୀ କେତେ ମାର୍ଜିନରେ ଜିତିବେ ସେନେଇ ବୟାନବାଜି ଚାଲିଛି।

ଇଭିଏମ୍ ରେ ସିଲ୍ ହୋଇସାରିଛି ନେତାଙ୍କ ଭାଗ୍ୟ । ସେପଟେ ପ୍ରଚାର ପାଇଁ ଯାଇଥିବା ସବୁଦଳର ନେତାଏ ମନେମନେ ଲଡୁ ଖାଉଛନ୍ତି ଯେ ତାଙ୍କ ଦଳର ପ୍ରାର୍ଥୀ ବହୁ ଭୋଟରେ ଜିତିବେ । ବିଜେଡି କହୁଛି ଏଥର ରୀତା ସାହୁ ୧ଲକ୍ଷ ୨୦ ହଜାରରୁ ୧ ଲକ୍ଷ ୪୦ ହଜାର  ଭୋଟ ପାଇବେ ।  ମାନେ ୨୦୧୯ରେ ନବୀନ ବିଜେପୁରରେ ଯେତିକି ଭୋଟ ପାଇଥିଲେ ତାଠୁ ବି ଅଧିକ ଭୋଟ ମିଳିବ ରୀତାଙ୍କୁ । ମନ୍ତ୍ରୀ ସୁଶାନ୍ତ ସିଂ ଏହା ପଛର କାରଣ ଦର୍ଶାଇଛନ୍ତି ଯେ ଏହି ନିର୍ବାଚନରେ ବିଜେପି ଓ କଂଗ୍ରେସ  ନେତା ଓ କର୍ମୀଙ୍କ ଭିତରେ ସେତେଟା ଆଗ୍ରହ ନ ଥିଲା । ତେଣୁ ନିର୍ବାଚନ ଏକପାଖିଆ ହୋଇଛି । ତେବେ ବିଜେପି କହୁଛି ଏଥର ଜନମତ ବିଜେପି ସପକ୍ଷରେ ହିଁ ଥିଲା ଏବଂ ସନତ ଗଡତିଆ ଜିତିବେ । କଂଗ୍ରେସର ଦାବି ବିଜେପୁର ପୁଣି ସେମାନଙ୍କ ଖାତାକୁ ଫେରିବ। କଂଗ୍ରେସ ପ୍ରାର୍ଥୀ ଦିଲ୍ଲୀପ ପଣ୍ଡା ଏଥର ୨-୩ ହଜାର ଭୋଟରେ ଜିତିବେ ।

ସେପଟେ ଶାନ୍ତିଶୃଙ୍ଖଳାର ସହ ବିଜେପୁର ନିର୍ବାଚନ ସରିବା ପରେ ଭୋଟ ଗଣତି ପାଇଁ ନିର୍ବାଚନ କମିଶନ  ପ୍ରସ୍ତୁତି ଶେଷ କରିଛନ୍ତି । ୨୪ ତାରିଖରେ ହେବାକୁ ଥିବା ଭୋଟ ଗଣତି ପାଇଁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି ।  ସେଦିନ ସକାଳ ୮ଟା ରୁ ଆରମ୍ଭ ହେବ ଭୋଟ ଗଣତି । ଏଥିପାଇଁ ୧୪ଟି ଟେବୁଲ୍ ବ୍ୟବସ୍ଥା ହୋଇଛି । ଏବଂ ପ୍ରତି ଟେବୁଲରେ ୪ଜଣ ଲେଖାଏଁ କାର୍ଯ୍ୟ କରିବେ । ଏବଂ ଭୋଟଗଣତି ସ୍ଥଳରେ ମିଡିଆ ସେଣ୍ଟର ରଖିବାକୁ ନିଷ୍ପତ୍ତି ହୋଇଛି ।

ବିଜେପୁରରୁ ଯିଏ ଜିତିଲେ କି ହାରିଲେ ତାର ପ୍ରଭାବ ସେତେଟା ରାଜ୍ୟ ରାଜନୀତି ଉଫରେ ପଡିବାର ନାହିଁ । କିନ୍ତୁ ଭୋଟ ମାର୍ଜିନକୁ ନେଇ ନିଶ୍ଚିତ କଂଗ୍ରେସ, ବିଜେପି, ଓ ବିଜେଡି ଭିତରେ ରାଜନୀତି ଦେଖିବାକୁ ମିଳିବ ।

   Related Posts