ନୂଆଦିଲ୍ଲୀ, ୦୧|୦୯: କେନ୍ଦ୍ରୀୟ ସୂଚନା ଓ ପ୍ରସାରଣ ମନ୍ତ୍ରୀ ରବିଶଙ୍କର ପ୍ରସାଦ ଫେସବୁକ ସିଇଓ ମାର୍କ ଜୁକରବର୍ଗଙ୍କୁ ମଙ୍ଗଳବାର ପତ୍ର ଲେଖିଛନ୍ତି । ଏହାସହ ସେ ପତ୍ରରେ ଫେସବୁକ ଉପରେ ଭେଦଭାବର ଆରୋପ ଲଗାଇଛନ୍ତି ।
ସେ ପତ୍ରରେ ଲେଖିଛନ୍ତି ଯେ, ଫେସବୁକ କର୍ମଚାରୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ବରିଷ୍ଠ କେନ୍ଦ୍ରମନ୍ତ୍ରୀଙ୍କ ବିରୋଧରେ ଅପଶବ୍ଦ ପ୍ରୟୋଗ କରୁଛନ୍ତି । ୨୦୧୯ ଲୋକସଭା ନିର୍ବାଚନରେ ଫେସବୁକ ଅନେକ ପେଜ୍କୁ ଡିଲିଟ୍ କରିଛି । ଏହାକୁ ନେଇ ଫେସବୁକକୁ ଅନେକ ଇମେଲ୍ କରାଯାଇଛି । କିନ୍ତୁ ଭାରତର ଫେସବୁକ୍ ମ୍ୟାନେଜମେଣ୍ଟ କୌଣସି ଉତ୍ତର ଦେଇନଥିଲା ।
wp:html/wp:htmlI've been informed that in run up to 2019 LS Polls, there was concerted effort by FB India to not just delete pages or substantially reduce their reach but also offer no right of appeal to affected ppl who're supportive of right-of-centre ideology: Union Min RS Prasad to FB CEO. pic.twitter.com/bmyUppp7nz
— ANI (@ANI) September 1, 2020
ରବିଶଙ୍କର ପ୍ରସାଦ ସେହି ସମୟରେ ପତ୍ର ଲେଖିଛନ୍ତି ଯେତେବେଳେ ଓ୍ୱାର୍ଲ୍ଡ୍ ଷ୍ଟ୍ରିଟ୍ ଜର୍ଣ୍ଣାଲର ଏକ ରିପୋର୍ଟ ସାମ୍ନାକୁ ଆସିଥିଲା । ଏହି ରିପୋର୍ଟରେ ଫେସବୁକ ବିଜେପିକୁ ସମର୍ଥନ କରୁଥିବା କୁହାଯାଇଥିଲା । ରିପୋର୍ଟରେ କୁହାଯାଇଥିଲା ଯେ, ଫେସବୁକ୍ ଭେଦଭାବ କରୁଛି । ବିଜେପି ସମର୍ଥିତ ପେଜର କଣ୍ଟେଣ୍ଟ୍ ଡିଲିଟ୍ କରୁନାହିଁ । ରିପୋର୍ଟ କରିବା ସତ୍ତ୍ୱେ ଆକାଉଣ୍ଟ ଡିଲିଟ୍ କରୁନାହିଁ । ଏହାପରେ କଂଗ୍ରେସ ବିଜେପିକୁ ଟାର୍ଗେଟ୍ କରିବା ସହ ଫେସବୁକ ବିରୋଧରେ ସଙ୍ଗୀନ ଅଭିଯୋଗ ଲଗାଇଥିଲା ।
ରବିଶଙ୍କର ପ୍ରସାଦ ଫେସବୁକ କର୍ମଚାରୀଙ୍କ ଉପରେ ଗଣତାନ୍ତ୍ରିକ ପ୍ରକ୍ରିୟାକୁ ନଷ୍ଟ କରୁଥିବା ଅଭିଯୋଗ ଲଗାଇଛନ୍ତି । ପତ୍ରରେ ଆହୁରି ଉଲ୍ଲେଖ ରହିଛି ଯେ, କୌଣସି କମ୍ପାନୀରେ କାମ କରୁଥିବା କର୍ମଚାରୀଙ୍କ ବ୍ୟକ୍ତିଗତ ପସନ୍ଦ ଓ ନାପସନ୍ଦ ରହିଥାଏ । କିନ୍ତୁ ଏହାକୁ ସାର୍ବଜନୀନ ନୀତି ଓ କମ୍ପାନୀର ପ୍ରଦର୍ଶନ ଉପରେ କୌଣସି ପ୍ରଭାବ ପକାଇବା ଅନୁଚିତ୍ ।
ସେହିପରି କଂଗ୍ରେସ ମଧ୍ୟ ଫେସବୁକ୍ ସିଇଓ ମାର୍କ ଜୁକରବର୍ଗଙ୍କୁ ପତ୍ର ଲେଖି ବିଜେପି ପ୍ରତି ଆନୁଗତ୍ୟ ଦେଖାଇଥିବା କର୍ମଚାରୀଙ୍କ ବିରୋଧରେ କଣ ପଦକ୍ଷେପ ନେଇଛ ବୋଲି ପ୍ରଶ୍ନ କରିଥିଲା । ଏହାସହ ଫେସବୁକର କିଛି କର୍ମଚାରୀ ଓ ଫେସବୁକ ମଧ୍ୟରେ ଥିବା ସମ୍ପର୍କରେ ଯାଞ୍ଚ ହେବା ଜରୁରୀ ବୋଲି କଂଗ୍ରେସ ଦାବି କରିଛି ।