Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ଅଫିସରୁ ଛୁଟି ପାଇବା ଲାଗି ଦେହ ଖରାପ ସବୁଠୁ ସଫଳ ବାହାନା, ପ୍ରତି ୫ ଜଣରେ ୨ ଜଣ କର୍ମଚାରୀ ଏପରି ନେଉଛନ୍ତି ଛୁଟି

22/11/2019 at 6:11 PM

ଲଣ୍ଡନ :  କାର୍ଯ୍ୟାଳୟରୁ ଛୁଟି ପାଇବା ନିମନ୍ତେ କର୍ମଚାରୀ ଅନେକ ବାହାନା କରନ୍ତି। ତେବେ ଦେହ ଖରାପର ବାହାନା କରି ଛୁଟିରେ ରହିବା ବ୍ରିଟେନରେ ସବୁଠୁ ସଫଳ ବାହାନା ବୋଲି ଜଣାପଡିଛି । ବ୍ରିଟେନରେ କରାଯାଇଥିବା ଏକ ସର୍ଭେକ୍ଷଣ ଅନୁସାରେ  ବ୍ରିଟିଶ କର୍ମଚାରୀ ସେମାନଙ୍କ ବସ୍ ଙ୍କୁ ଛୋଟମୋଟ ବେମାରୀର ବାହାନା କରି ବେସ୍ ସହଜରେ ଛୁଟିରେ ରହିପାରୁଛନ୍ତି। ପ୍ରତି ୫ ଜଣ କର୍ମଚାରୀଙ୍କ ମଧ୍ୟରୁ ୨ ଜଣ ଏଭଳି ବାହାନାରେ ଛୁଟି ନେଇଥିବା ପ୍ରଥମ ଥର ଜଣାପଡିଛି।

ଏକ ପ୍ରତିଷ୍ଠିତ ଗଣମାଧ୍ୟମ ପକ୍ଷରୁ କରାଯାଇଥିବା ଏହି ସର୍ଭେକ୍ଷଣରେ କର୍ମଚାରୀଙ୍କ ନୈତିକତା ଓ ମୂଲ୍ୟବୋଧର ପ୍ରସଙ୍ଗ ଉଠାଯିବାରୁ ସେମାନେ ବେମାରୀ ବାହାନାରେ ଛୁଟି ନେବା ଓ ଅନ୍ୟଲୋକ କରିଥିବା କାମର ଶ୍ରେୟ ନେବା କଥା ସେମାନେ ସ୍ୱୀକାର କରିଛନ୍ତି। ବ୍ରିଟେନର ଅଫିସ ଫର ଷ୍ଟାଟିଷ୍ଟିକ୍ସ ଅନୁସାରେ ଜଣେ କର୍ମଚାରୀ ବର୍ଷରେ ୪ ଦିନ ସିକ୍ ଲିଭ ନେଉଥିବା ଜଣାପଡିଛି। ଏଥିଯୋଗୁ ସେମାନେ ଯେଉଁ କାରଣ କୁହନ୍ତି ତାହା ହେଉଛି ସର୍ଦ୍ଦିକାସ, ପିଠିରେ ଯନ୍ତ୍ରଣା ଓ ଥକ୍କା ଲାଗିବା । ତେବେ ବସ୍ ଙ୍କ ସହ ସମ୍ପର୍କ ଖରାପ ଥିଲେ କର୍ମଚାରୀ ଏପରି ମିଥ୍ୟା ବାହାନା କରୁଥିବାର ଏହି ସର୍ଭେକ୍ଷଣରୁ ଜଣାପଡିଛି।

ସର୍ଭେକ୍ଷଣରେ ଉଜାଗର ହୋଇଥିବା ସବୁଠୁ ବଡ ସତ୍ୟ ହେଲା ବରିଷ୍ଠ କର୍ମଚାରୀଙ୍କ ଅପେକ୍ଷା କନିଷ୍ଠ କର୍ମଚାରୀମାନେ ସବୁଠୁ ଅଧିକ ମିଥ୍ୟାର ଆଶ୍ରୟ ନେଉଛନ୍ତି। ତେବେ ରୋଚକ କଥାଟି ହେଲା  ଏପରି କର୍ମଚାରୀମାନେ ନିଜ ସହଯୋଗୀଙ୍କୁ ସହାୟତା ଲାଗି ସର୍ବଦା ପ୍ରସ୍ତୁତ । ସେହିପରି ତଥ୍ୟରେ ମହିଳାଙ୍କ ଅପେକ୍ଷା ପୁରୁଷ କର୍ମଚାରୀଙ୍କଠାରେ ଅନ୍ୟମାନଙ୍କ କାମର ଶ୍ରେୟ ନେବାର ପ୍ରବୃତ୍ତି ସର୍ବାଧିକ । ଏହା ଛଡା ସର୍ଭେରେ ସାମିଲ କିଛି କର୍ମଚାରୀ କାର୍ଯ୍ୟାଳୟରୁ ଷ୍ଟାପଲର ଓ ନୋଟବୁକ୍ ଭଳି ଛୋଟଛୋଟ ସାମଗ୍ରୀ ମଧ୍ୟ ଚୋରାନ୍ତି ବୋଲି ମାନିଛନ୍ତି। ସେହିପରି ୬୬ ପ୍ରତିଶତ କର୍ମଚାରୀ କାହାକୁ ନ ଜଣାଇ ଛୁଟିରେ ଥିବା ସେମାନଙ୍କ ସହକର୍ମୀଙ୍କ ସମ୍ପର୍କରେ ବସ୍ ଙ୍କୁ ଜଣାଇନଥାନ୍ତି।   

   Related Posts