ନୂଆଦିଲ୍ଲୀ ୯।୯: ଚନ୍ଦ୍ରଯାନ-ଟୁ କୁ ନେଇ ପୁଣି ଇସ୍ରୋ ଦେଲା ଖୁସି ଖବର । ଚନ୍ଦ୍ରପୃଷ୍ଠରେ ଠିକ୍ ଠାକ୍ ଅଛି ଲ୍ୟାଣ୍ଡର ବିକ୍ରମ । ଜହ୍ନରାଇଜରେ ଲ୍ୟାଣ୍ଡର ବିକ୍ରମ ବର୍ତ୍ତମାନ ସଂପୂର୍ଣ୍ଣ ସୁରକ୍ଷିତ ଅଛି ଏବଂ ବିକ୍ରମର କୌଣସି ବି ପାର୍ଟ ଭାଙ୍ଗିରୁଜି ଯାଇନି । ତେବେ ଇସ୍ରୋ ପକ୍ଷରୁ ଲ୍ୟାଣ୍ଡର ବିକ୍ରମ ସହ ଯୋଗାଯୋଗା ସ୍ଥାପନ କରିବାକୁ ସବୁ ସମ୍ଭବ ଚେଷ୍ଟା କରାଯାଉଥିବା ସୂଚନା ଦେଇଛି ଭାରତୀୟ ମହାକାଶ ଗବେଷଣା କେନ୍ଦ୍ର।
ଗତକାଲି ଇସ୍ରୋ ଚନ୍ଦ୍ରପୃଷ୍ଠରେ ଲ୍ୟାଣ୍ଡର ବିକ୍ରମର ଠିକଣା ପୁଣି ଥରେ ପତ୍ତା ଲଗାଇଥିଲା । ଯାହାର କିଛି ଫଟୋ ଅର୍ବିଟର ଉଠାଇ ଇସ୍ରୋକୁ ପଠାଇଥିଲା । ତେବେ ଲ୍ୟାଣ୍ଡର ବିକ୍ରମ ନିଜ ଧାର୍ଯ୍ୟ ସ୍ଥାନଠାରୁ ମାତ୍ର ୫ ଶହ ମିଟର ଦୂରରେ ଚନ୍ଦ୍ରପୃଷ୍ଠ ଭୂମିରେ ପଡିଥିବା ଜଣାପଡିଛି । ହେଲେ ଯଦି ତା ସହ ସଂପର୍କ ସ୍ଥାପନ କରିହେବ ତେବେ ସେ ପୁଣି ଥରେ ନିଜ ଗୋଡରେ ଠିଆ ହୋଇପାରିବ ବୋଲି ଇସ୍ରୋ କହିଛି । କାହିଁକି ନା ଲ୍ୟାଣ୍ଡର ବିକ୍ରମରେ ଏଭଳି ଟେକ୍ନୋଲୋଜି ଖଂଜା ଯାଇଛି , ଯେଉଁଥିରେ କି ସେ ପଡିବା ପରେ ବି ନିଜକୁ ଠିଆ କରିବାରେ ସକ୍ଷମ ହୋଇପାରିବ । କିନ୍ତୁ ଏଥି ପାଇଁ ତାର କମ୍ୟୁନିକେସନ ସିଷ୍ଟମ ସହ ସଂପର୍କ ସ୍ଥାପନ କରିହେବ । ଯାହା ଫଳରେ ତାକୁ କମାଣ୍ଡ ରିସିଭ୍ ହୋଇପାରିବ । ଯଦିଓ ଏହି କାମକୁ ସଫଳ ହେବାର ଆଶା ମାତ୍ର ୧ ପ୍ରତିଶତ ରହିଛି ତଥାପି ଇସ୍ରୋ ବୈଜ୍ଞାନିକଙ୍କ ବିଶ୍ବାସ ରହିଛି କି ଅତି କମରେ ଏକ ପ୍ରତିଶତ ହିଁ ହେଉ, କିନ୍ତୁ ଆଶା ତ ରହିଛି ।
ଲ୍ୟାଣ୍ଡର ବିକ୍ରମର ତଳ ଭାଗ ଅଂଶରେ ପାଂଚଟି ଥ୍ରଷ୍ଟର୍ସ ଲଗାଯାଇଛି । ଯାହା ଜରିଆରେ ଏହାକୁ ଚନ୍ଦ୍ରପୃଷ୍ଠରେ ସଫ୍ଟ ଲ୍ୟାଣ୍ଡିଂ କରିବାର ଥିଲା । ଏହାବ୍ୟତୀତ ଲ୍ୟାଣ୍ଡର ବିକ୍ରମର ଚାରି ପାଖରେ ବି ଥ୍ରଷ୍ଟର୍ସ ଲଗାଯାଇଛି । ଯାହାକି ମହାକାଶରେ ଯାତ୍ରା ସମୟରେ ତାର ଦିଗ ସ୍ଥିର କରିବା ପାଇଁ ଆକ୍ଟିଭ କରାଯାଇଥାଏ ।
