Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

ଇସ୍ରୋର ବୈଜ୍ଞାନିକଙ୍କୁ ହତ୍ୟା, ସିସିଟିଭି ଯାଞ୍ଚକରି ପୋଲିସ ଖୋଜୁଛି ହତ୍ୟାକାରୀକୁ

2/10/2019 at 2:25 PM

ହାଇଦ୍ରାବାଦ୨|୧୦: ଭାରତୀୟ ଅନ୍ତରୀକ୍ଷ ଗବେଷଣା ସଂସ୍ଥାନ(ଇସ୍ରୋ)ର ନ୍ୟାସନାଲ ରିମୋଟସେନସିଂ ସେଣ୍ଟରରେ ବୈଜ୍ଞାନିକ ଭାବେ କାର୍ଯ୍ୟରତ ଏସ ସୁରେଶ କୁମାରଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି । ଗତକାଲି ବିଳମ୍ବିତ ସଂଧ୍ୟାରେ ସୁରେଶ କୁମାରଙ୍କ ମୃତ ଦେହ ହାଇଦ୍ରାବାଦ ଆମୀରପେଟ ଅଂଚଳରେ ଥିବା ତାଙ୍କ ଫ୍ଲାଟରୁ ଉଦ୍ଧାର କରାଯାଇଛି ।  କୌଣସି ବ୍ୟକ୍ତିଗତ କାରଣ ବା ପୂର୍ବ ଶତ୍ରୁତା ଯୋଗୁ ତାଙ୍କୁ ହତ୍ୟା କରାଯାଇଥିବା ପୋଲିସ ସନ୍ଦେହ କରୁଛି । ଇସ୍ରୋ ସହ ଏହି ହତ୍ୟାକାଣ୍ଡର କୌଣସି ସମ୍ପର୍କ ନଥିବା ପୋଲିସ ସ୍ପଷ୍ଟ କରିଛି ।

ନ୍ୟାସନାଲ ରିମୋଟସେନସିଂ ସେଣ୍ଟରର ଫଟୋ ବିଭାଗରେ କାର୍ଯ୍ୟରତ ୫୬ ବର୍ଷ ବୟସ୍କ ବୈଜ୍ଞାନିକ ଏସ ସୁରେଶ କୁମାରଙ୍କ ନିଜ ଘର କେରଳରେ । ତେବେ ଗତ ୨୦ ବର୍ଷ ହେଲା ସେ ତାଙ୍କ ପତ୍ନୀ ଓ ପରିବାର ସହ ହାଇଦ୍ରାବାଦରେ ରହିଆସୁଛନ୍ତି । ମୃତ ବୈଜ୍ଞାନିକ ସୁରେଶଙ୍କ ପତ୍ନୀ ଇନ୍ଦିରା ଇଣ୍ଡିଆନ ବ୍ୟାଙ୍କରେ ସଂପ୍ରତି ମ୍ୟାନେଜରଭାବେ କାମ କରୁଛନ୍ତି । ଘଟଣା ଘଟିବା ଦିନ ସୁରେଶ ଫ୍ଲାଟରେ ଏକୁଟିଆ ରହୁଥିଲେ । ମଙ୍ଗଳବାରଠାରୁ ସୁରେଶଙ୍କ ଫୋନ ବନ୍ଦ ରହିଛି ଓ ଫୋନ ଗାୟବ ମଧ୍ୟ ରହିଥିବା ପୋଲିସ କହିଛି ।

ସୂଚନାଯୋଗ୍ୟ ଯେ, ସୋମବାର ଦିନ ଅପରାହ୍ନରେ ସୁରେଶ ବର୍ଷାରେ ଭିଜି ଭିଜି ଘରକୁ ପେରିଥିଲେ । ସୋମବାର ରାତିରେ ସେ ଫୋନଯୋଗେ ନିଜ ପତ୍ନୀଙ୍କ ସହ କଥାବାର୍ତ୍ତା କରିଛନ୍ତି ଓ ୱାଟ୍ସଆପ୍‌ରେ ପରିବାରର ଅନ୍ୟ ସଦସ୍ୟଙ୍କ ସହ ଚାଟ ମଧ୍ୟ ତକିଛନ୍ତି । କିନ୍ତୁ ମଙ୍ଗଳବାର ସକାଳୁ ତାଙ୍କ ଫୋନ ବନ୍ଦ ରହିଥିଲା । ଚ୍ନ୍ନେଇରେ ରହୁଥିବା ପତ୍ନୀ ବାରମ୍ବାର ଫୋନ କରିବା ସତ୍ତ୍ବେ ସୁରେଶଙ୍କ ସହ ତାଙ୍କର ଯୋଗାଯୋଗ ହୋଇପାରିନଥିଲା । ଅପରପକ୍ଷରେ ମଙ୍ଗଳବାର ସକାଳୁ କାମ କରିବା ପାଇଁ ଆସିଥିବା ମହିଳା ସହାୟିକା ମଧ୍ୟ ସୁରେଶଙ୍କ ଫ୍ଲାଟ ଭିତରପଟୁ ବନ୍ଦ ଥିବା ଦେଖିଥିଲେ ।

ଦିନ ପ୍ରାୟ ୧୧ଟା ବେଳକୁ ଇନ୍ଦିରା ଇସ୍ରୋରେ କାର୍ଯ୍ୟରତ ସୁରେଶଙ୍କ ଜଣେ ବନ୍ଧୁଙ୍କ ନିକଟକୁ ଫୋନ କରି ସୁରେଶ ଅଫିସ ଯାଇଛନ୍ତି କି ନାହିଁ ପଚାରିଥିଲେ । ତେବେ ସୁରେଶ ଅଫିସ ଯାଇନଥିବା ଜାଣିବାପରେ ତାଙ୍କ ଚିନ୍ତା ବଢିଯାଇଥିଲା । ସୁରେଶ ରହୁଥିବା ଫ୍ଲାଟରେ ରହୁଥିବା ଜଣେ ସମ୍ପର୍କୀୟଙ୍କୁ ଫ୍ଲାଟକୁ ଯାଇ ସୁରେଶଙ୍କ ସମ୍ପର୍କରେ ବୁଝିବା ଲାଗି ଫଠାଇଥିଲେ । ସମ୍ପର୍କୀୟ ମଧ୍ୟ ଦେଖିଥିଲେ ଯେ, ଭିତରପଟୁ ସୁରେଶଙ୍କ ଘର ବନ୍ଦ ରହିଛି ଓ ଯେତେ ଡାକିଲେ ମଧ୍ୟ କେହି କବାଟ ଖୋଲୁନାହାନ୍ତି ।

ସୁରେଶଙ୍କ ପତ୍ନୀ ଚେନ୍ନାଇରୁ ବାହାରି ହାଇଦ୍ରାବାଦରେ ସଂଧ୍ୟାରେ ପହଞ୍ଚିଥିଲେ ଓ ପୋଲିସ ସହାୟତାରେ ଫ୍ଲାଟର କବାଟ ଭାଙ୍ଗାଯାଇଥିଲା । ଫ୍ଲାଟରେ ସୁରେଶଙ୍କ ମୃତ ଦେହ ଫଡିଥିଲା । ପ୍ରାଖମିକ ତଦନ୍ତରୁ ପୋଲିସ ଏହା ଏକ ହତ୍ୟାକାଣ୍ଡ ବୋଲି ଅନୁମାନ କରିଛି । ଫ୍ଲାଟରେ ସିସିଟିଭି ନଥିବାରୁ ପୋଲିସ ଆଖପାଖର ସିସିଟିଭି ଯାଂଚକରି କିଛି ସନ୍ଦିଗ୍ଧ ଲୋକଙ୍କୁ ଠାବ କରିଛି । ପୋଲିସ ତଦନ୍ତ ଜାରୀ ରହିଛି ।

   Related Posts