Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରୋଞ୍ଚ ପଦକ ସହ ସ୍ଵଦେଶ ଫେରିଲେ ପିଭି ସିନ୍ଧୁ, ଦିଲ୍ଲୀ ଏୟାରପୋର୍ଟରେ ହେଲା ଭବ୍ୟ ସ୍ଵାଗତ
  • ||
  • ପାକିସ୍ତାନ ଉପରେ ଲାଗିଲା ଲଗାମ ! ମାର୍ଚ୍ଚରେ ଘଟିନାହିଁ ଗୋଟିଏ ବି ଅସ୍ତ୍ରବିରତି ଉଲ୍ଲଂଘନ ଘଟଣା, ଜୁନରେ କେବଳ ଦୁଇ
  • ||
  • ବୁଧବାରଠୁ ଭାରତ-ଇଂଲଣ୍ଡ ଟେଷ୍ଟ୍ ସିରିଜ୍ : ଟିମ୍ ଇଣ୍ଡିଆର ଜୋରଦାର ଅଭ୍ୟାସ, ଓପନିଂ ଯୋଡିକୁ ନେଇ ଚିନ୍ତାରେ ବିରାଟ
  • ||
  • କଟକ : କାଲିଠୁ ଖୋଲିବ କଟକ ଜିଲ୍ଲାରେ ସମସ୍ତ ଧର୍ମାନୁଷ୍ଠାନ, ଜିଲ୍ଲାପାଳ ଦେଲେ ସୂଚନା
  • ||
  • ପାଟଣା : ପାଟଣାରେ କଳା ପଲସର୍ ଆତଙ୍କ, ବାଇକ୍ ଡିକି ଭାଙ୍ଗି ଲୁଟିନେଲେ ୪ଲକ୍ଷ ଟଙ୍କା
  • ||
  • ଭୁବନେଶ୍ବର : ନିଜ ବନ୍ଧୁକରୁ ନିଜକୁ ଗୁଳିକଲେ ସିକ୍ୟୁରିଟି ଗାର୍ଡ, ପାରିବାରିକ କଳହ ଯୋଗୁଁ ଆତ୍ମହତ୍ୟା ସନ୍ଦେହ
  • ||
  • ବାଇକକୁ ଧକ୍କା ଦେଲା ଟ୍ରକ୍, ରାସ୍ତାରେ ଛଟଛଟ ହୋଇ ଚାଲିଗଲା ଭଣଜା, ହସ୍ପିଟାଲରେ ଆଖିବୁଜିଲା ମାମୁଁ…
  • ||
  • କଟକ : ତପ୍ତପାଣି ଘାଟିରେ ଦୁର୍ଘଟଣା, ଭାରସାମ୍ୟ ହରାଇ ଓଲଟିଲା ମକା ଓ କପା ବୋଝେଇ ଦୁଇ ଟ୍ରକ୍
  • ||
  • ଭୁବନେଶ୍ବର : ସିବିଏସ୍‌ଇ ଦ୍ବାଦଶ ପରୀକ୍ଷାରେ ଟପ୍ପର ହେଲେ ଓଡିଆ ଝିଅ ଅମ୍ରିତା
  • ||
  • ଆଠଗଡ : ଟିକା ନପାଇ ଫେରିଲେ ଲୋକେ, ୨ ଦିନ ଧରି ଆଠଗଡ ବ୍ଲକ୍ ଅଞ୍ଚଳରେ ଟିକଦାନ ବନ୍ଦ
  • ||

ଚାରି ପ୍ରକାର ରାପିଡ୍ କୋଭିଡ୍-୧୯ ଟେଷ୍ଟର ପରୀକ୍ଷଣ ଲାଗି ପହଞ୍ଚିଲେ ଇସ୍ରାଏଲି ଟିମ୍, ଆଣିଛନ୍ତି ଅତ୍ୟାଧୁନିକ ପ୍ରଯୁକ୍ତି ଉପକରଣ

28/07/2020 at 5:50 PM

ନୂଆଦିଲ୍ଲୀ ୨୮।୦୭: ଇସ୍ରାଏଲର ଅନୁସନ୍ଧାନ ଓ ବିକାଶ ପ୍ରତିରକ୍ଷା ବିଭାଗର ଏକ ଉଚ୍ଚ ପଦାଧିକାରୀଙ୍କ ନେତୃତ୍ଵରେ ଏକ ଟିମ୍ ବହୁ ପ୍ରସାରିତ ମିଶନ ସହିତ ସୋମବାର ଦିଲ୍ଲୀ ପହଞ୍ଚିଛନ୍ତି। କରୋନା ଭାଇରସ୍ ମୁକାବିଲାରେ ଭାରତୀୟ ଅଧିକାରୀଙ୍କ ସହ ମିଶି ‘ମିଶନ ଅପରେଟିଂ ବ୍ରେଥିଂ ସ୍ପେସ’ ଉପରେ କାମ କରିବେ ବୋଲି ନୂଆଦିଲ୍ଲୀ ସ୍ଥିତ ଇସ୍ରାଏଲ ଦୂତାବାସ ପକ୍ଷରୁ କୁହାଯାଇଛି।

ଇସ୍ରାଏଲ ବୈଦେଶିକ ମନ୍ତ୍ରଣାଳୟ ଓ ଭାରତୀୟ ପ୍ରତିରକ୍ଷା ମନ୍ତ୍ରଣାଳୟର ପ୍ରତ୍ୟକ୍ଷ ତତ୍ଵାବଧାନରେ କରୋନା ମୁକାବିଲା ପାଇଁ ଚାରି ପ୍ରକାରର ରାପିଡ ଟେଷ୍ଟ କରାଯିବ। ଟ୍ରାଏଲ ପରେ ଏହାର ବିକଶିତ କରାଯିବ। ଇସ୍ରାଏଲରେ ବିକଶିତ ସ୍ଵତନ୍ତ୍ର ଶ୍ଵସନ ଯନ୍ତ୍ର ଓ ସାନିଟାଇଜର କର୍ମଚାରୀଙ୍କୁ ଯୋଗାଇ ଦିଆଯିବ, ଯାହା କୋଭିଡ୍-୧୯ ସଂକ୍ରମଣର ବିପଦ କମ କରିବ।

ଇସ୍ରାଏଲ ଆମ୍ବାସଡର ରନ ମାଲକା କହିଛନ୍ତି ଯଦି ପରୀକ୍ଷଣ ମଧ୍ୟରୁ ଗୋଟିଏ ବି ବିକଶିତ ଉପକରଣର ୩୦-୪୦ ସେକେଣ୍ଡରେ କରୋନା ଭାଇରସ୍ ପରୀକ୍ଷଣରେ ସଫଳ ହୁଏ ତେବେ ଏହା ପୂରା ଦୁନିଆ ପାଇଁ ଗେମ ଚେଞ୍ଜର ସାବ୍ୟସ୍ତ ହୋଇପାରେ। ଯେ ପର୍ଯ୍ୟନ୍ତ ଆମ ପାଖକୁ ଟିକା ଆସିନାହିଁ ସେ ଯାଏ ଏହାକୁ ବ୍ୟବହାର କରାଯାଇ ପାରିବ ବୋଲି ସେ କହିଛନ୍ତି।

ଅଧିକାରୀ କହିଛନ୍ତି ଇସ୍ରାଏଲର ଟିମ୍‌ ପରୀକ୍ଷଣରେ ଏକ ଅଡିଓ ପରୀକ୍ଷଣ, ନିଃଶ୍ଵାସ ପରୀକ୍ଷଣ, ଥର୍ମାଲ ପରୀକ୍ଷଣ ଓ ପାଲିଆମିନେ ପରିକ୍ଷଣ ସାମିଲ କରିଛନ୍ତି ଯାହା କୋଭିଡ୍-୧୯ ସମ୍ବନ୍ଧିତ ପ୍ରୋଟିନକୁ ଅଲଗା କରିବାକୁ ପ୍ରୟାସ କରିବ।

ଅଡିଓ ଟେଷ୍ଟରେ ରୋଗୀଙ୍କ ସ୍ଵର ରେକର୍ଡ କରାଯାଇ ଆର୍ଟିଫିସିଆଲ ଇଣ୍ଟେଲିଜେନ୍ସ ଏବଂ ମେସିନ ଜରିଆରେ କୋଭିଡ୍-୧୯ର ଚିହ୍ନଟ କରାଯିବ। ଏହା ପୂର୍ବରୁ ଇସ୍ରାଏଲି ରୋଗୀଙ୍କ ଠାରେ ଏକ ଛୋଟ ନମୂନା ଉପରେ ସରଳ ପରୀକ୍ଷଣ କରାଯାଇଛି। କିନ୍ତୁ ଏବେ ଭାରତୀୟ ରୋଗୀଙ୍କଠାରେ ବଡ ସଂଖ୍ୟାରେ ପରୀକ୍ଷଣ କରିବାକୁ ପ୍ରୟାସ କରାଯିବ। ଏହା ପରେ ବଡ ଡାଟା  ବିଶ୍ଳେଷଣ ଉପଯୋଗ କରି ପରିଣାମ ଆଧାରରେ ତଥ୍ୟ ପ୍ରସ୍ତୁତ କରାଯିବ।

ଏହା ରୋଗୀଙ୍କ ଉପରେ ପ୍ରୟୋଗ ହେବ ନାହିଁ। କେବଳ ରୋଗୀଙ୍କଠୁ ନମୂନା ନେଇ ପରୀକ୍ଷଣ କରାଯିବ। ଏହା ସଂପୂର୍ଣ୍ଣ ସୁରକ୍ଷିତ। ଏହି ସମୟରେ ଅନ୍ତରାଷ୍ଟ୍ରୀୟ ମାପଦଣ୍ଡ ଓ ନିୟମର ପାଳନ କରାଯିବ ବୋଲି ମଲକା କହିଛନ୍ତି। ଇସ୍ରାଏଲରେ ଏ ପର୍ଯ୍ୟନ୍ତ ପରୀକ୍ଷଣ ସକରାତ୍ମକ ରହିଥିବା ସେ କହିଛନ୍ତି।।

ଭାରତ ଓ ଇସ୍ରାଏଲର ବୈଜ୍ଞାନିକଙ୍କ ମଧ୍ୟରେ କରୋନା ରୋଗୀଙ୍କ ଚିକିତ୍ସା ପାଇଁ ଉନ୍ନତ ଚିକିତ୍ସା ବ୍ୟବସ୍ଥା ଆଦାନ ପ୍ରଦାନ ହୋଇ ପାରିବ। ଟିମ୍ ପ୍ରାରମ୍ଭିକ ପର୍ଯ୍ୟାୟରେ ଭାରତୀୟ ଆୟୁର୍ବିଜ୍ଞାନ ସଂସ୍ଥା(ଏମ୍ସ)ରେ କାମ କରିବ। ଇସ୍ରାଏଲ ଡାକ୍ତର ରୋବଟିକ୍ ଉପକରଣ ଓ ରିଷ୍ଟ ମନିଟର ନିଜ ସହିତ ଆଣିଛନ୍ତି ଯାହା ଡାକ୍ତର ଓ ନର୍ସଙ୍କ ମଧ୍ୟରେ ସଂକ୍ରମଣର ବିପଦକୁ କମ୍ କରିବ।

ଏହା ବ୍ୟତୀତ ଟିମ୍ ଗୁରୁତର ଲକ୍ଷଣ କରୋନା ରୋଗୀଙ୍କ ସାହାଯ୍ୟ ପାଇଁ ୮୩ ଉନ୍ନତ ଶ୍ଵାସଯନ୍ତ୍ର ନେଇକି ଆସିଛନ୍ତି। ରାଷ୍ଟ୍ରଦୂତ କହିଛନ୍ତି  ଇସ୍ରାଏଲରେ ଏହି ସବୁ ଡାକ୍ତରୀ ଉପକରଣର ରପ୍ତାନୀ ଉପରେ କଟକଣା ଲାଗୁ ହୋଇଛି ମାତ୍ର ସ୍ଵତନ୍ତ୍ର ରିଆତି ମାଧ୍ୟମରେ ଭାରତକୁ ଯୋଗାଇ ଦେବାକୁ ସରକାରଙ୍କ ପକ୍ଷରୁ ଅନୁମତି ମିଳିଛି।

କୋଭିଡ୍-୧୯ ଅନୁସନ୍ଧାନ ଓ ବିକାଶରେ ଉଭୟ ଦେଶ  ପରସ୍ପରକୁ ସହଯୋଗ କରିବେ ବୋଲି ନିଷ୍ପତ୍ତି ହୋଇଛି। ଭାରତରେ ରାପିଡ ଟେଷ୍ଟ ପାଇଁ ଇସ୍ରାଏଲ ଟିମ୍‌କୁ ଅନୁମତି ମିଳିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁଙ୍କ ମଧ୍ୟରେ କୋଭିଡ୍-୧୯ ମୁକାବିଲା ପାଇଁ ହୋଇଥିବା ଆଲୋଚନାରେ ଏହି ନିଷ୍ପତ୍ତି ନିଆଯାଇଥିଲା।

   Related Posts