Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନକଲି ଘିଅ କାରଖାନାରେ ରେଡ୍‌, ମାଲିକ ଫେରାର
  • ||
  • ବିଧାନସଭା ଆଗରେ ମାଆ ଓ ପୁଅଙ୍କ ଆତ୍ମାହୁତି ଉଦ୍ୟମ ଘଟଣା: ସ୍ପଷ୍ଟୀକରଣ ରଖିଲା ଜଗତସିଂହପୁର ପୋଲିସ
  • ||
  • ଲିଭର ପ୍ରତ୍ୟାରୋପଣ ପାଇଁ ସମ୍‌ ହସ୍ପିଟାଲ ଓ ଏସିଆନ ଇନ୍‌ଷ୍ଟିଚ୍ୟୁଟ୍‌ ଅଫ ଗ୍ୟାଷ୍ଟ୍ରୋଏନଟେରୋଲୋଜି (ଏଆଇଜି ) ମଧ୍ୟରେ ବୁଝାମଣା ସ୍ଵାକ୍ଷରିତ
  • ||
  • ଆନ୍ଦୋଳନରତ କୃଷକଙ୍କୁ ଗୃହ ମନ୍ତ୍ରୀ ଶାହାଙ୍କ ସନ୍ଦେଶ, ସରକାର ଆପଣଙ୍କ ଦାବି ଓ ସମସ୍ୟା ଉପରେ ଆଲୋଚନା କରିବାକୁ ପ୍ରସ୍ତୁତ
  • ||
  • ଡିସେମ୍ବର ମାସ ପାଇଁ ଗାଇଡ୍‌ ଲାଇନ୍ ଜାରି କଲେ ରାଜ୍ୟ ସରକାର
  • ||
  • ଭାଇ ହେଲା ଭଗାରୀ: ଜମିବାଡି ଲୋଭରେ ନିଜ ରକ୍ତ ସଂପର୍କର ଭାଇ-ପୁତୁରାକୁ ଦେଲା ହାଣି
  • ||
  • ଅଭୟକାନ୍ତଙ୍କ ଲିଙ୍କ୍‌ର ଖୋଳତାଡ଼: ସମସ୍ତଙ୍କୁ ଯିବ ନୋଟିସ୍, କିଏ ବଫାଦାର- କିଏ ଗଡ଼ ଫାଦର?
  • ||
  • ପରୀ ହତ୍ୟା ମାମଲା: ଅରୁଣ ବୋଥ୍ରାଙ୍କ ନେତୃତ୍ବରେ ୫ ଜଣିଆ ଏସ୍‌ଆଇଟି ଟିମ୍‌ ଗଠିତ, ହାଇକୋର୍ଟଙ୍କୁ ଅବଗତ କଲେ ସରକାର
  • ||
  • ସୋର : ବେଙ୍ଗାଲୁରୁରୁ ଲୁଟ୍ ହୋଇଥିବା ୪ଲକ୍ଷ ଟଙ୍କା ମିଳିଲା ଚାଉଳ ଡବାରୁ
  • ||
  • ତେଲକୋଇ : ମଞ୍ଚାରେ ଶୋଇଥିବା ବେଳେ ଲାଗିଗଲା ନିଆଁ, ପୋଡି ହୋଇ ମହିଳା ଗୁରୁତର
  • ||

କରୋନା ଭ୍ୟାକ୍ସିନ୍ ପ୍ରସ୍ତୁତର ଶେଷ ପାହାଚରେ ଆମେରିକୀୟ କମ୍ପାନୀ ମାଡର୍ନା : ନଜର ରଖିଛି ଇସ୍ରାଏଲ, କିଣିବାକୁ ଚାଲିଛି ମୁଲଚାଲ

16/06/2020 at 9:19 AM

ଓ୍ବାଶିଂଟନ୍ ୧୬।୬: ଇସ୍ରାଏଲ ନିଜ ଦେଶର ଲୋକମାନଙ୍କୁ କରୋନା ଭାଇରସ୍ କବଳରୁ ରକ୍ଷା କରିବା ପାଇଁ ଆମେରିକୀୟ ଔଷଧ କମ୍ପାନୀ ମାଡର୍ନାଠାରୁ ଟୀକା ନେବାକୁ ପ୍ରସ୍ତୁତ ହେଉଛି । କମ୍ପାନୀ ସହିତ ଇସ୍ରାଏଲ ସରକାରଙ୍କ ଆଲୋଚନା ଅନ୍ତିମ ପର୍ଯ୍ୟାୟରେ ରହିଛି । ଇସ୍ରାଏଲ୍ ମିଡିଆ ଇନଷ୍ଟିଚ୍ୟୁଟ୍ YNET ଦ୍ବାରା ଏହି ସୂଚନା ପ୍ରଦାନ କରାଯାଇଛି ।

ଇସ୍ରାଏଲର ସ୍ବାସ୍ଥ୍ୟ ମନ୍ତ୍ରଣାଳୟ ଏହା ବିଷୟରେ କହିବାକୁ ମନା କରିଦେଇଛି । କିନ୍ତୁ YNET ଗଣମାଧ୍ୟମ ଏହି ଖବରକୁ ପ୍ରାଧାନ୍ୟ ଦେଇଛି । ଅନ୍ୟପଟେ, ମାଡର୍ନା ନିଶ୍ଚିତ କରିଛନ୍ତି ଯେ, ସେ ଜୁଲାଇରେ ୩୦ ହଜାରରୁ ଅଧିକ ଲୋକଙ୍କ ଉପରେ ତାର ନୂତନ ଟୀକାର କ୍ଲିନିକାଲ ଟ୍ରାଏଲ କରିବ।

ଯୁକ୍ତରାଷ୍ଟ୍ର ଆମେରିକାରେ ଅବସ୍ଥିତ ବାୟୋଟେକ୍ନୋଲୋଜି କମ୍ପାନୀ ମାଡର୍ନା ଥେରାପିଟିକ୍ସ ଏକ ଟୀକା ପ୍ରସ୍ତୁତ କରୁଛି ଯାହା ମନୁଷ୍ୟର ଇମ୍ୟୁନିଟି ଅର୍ଥାତ୍ ରୋଗ ପ୍ରତିରୋଧ କ୍ଷମତାକୁ କରୋନା ବିରୋଧରେ ଲଢିବା ପାଇଁ ସାହଯ୍ୟ କରିବ । ଏହି ଟୀକା କରୋନା ଭାଇରସ୍ କୁ ଶରୀରରେ ବ୍ୟାପିବାରେ ରୋକିବ। ଏଥିପାଇଁ ମାଡର୍ନା ଦୁର୍ବଳ ଏବଂ ପ୍ରାୟ ନିଷ୍କ୍ରିୟ ଭାଇରସ୍ କୁ ମନୁଷ୍ୟ ଶରୀରରେ ରଖିବାକୁ ପ୍ରସ୍ତୁତି କରିଛି । ଯାହା ଦ୍ବାରା ଶରୀର ଏହା ବିରୋଧରେ ରୋଗ ପ୍ରତିରୋଧକ ଶକ୍ତି ବଢାଇପାରିବ ।

ମଡର୍ନା ଏଥିପାଇଁ କରୋନା ଭାଇରସ୍ ବ୍ୟବହାର କରିନାହିଁ। ଏଥିପାଇଁ ବୈଜ୍ଞାନିକମାନେ କରୋନାର ଜେନେଟିକ୍ କୋଡ୍ ପ୍ରସ୍ତୁତ କରିଛନ୍ତି । ଏହାର ଏକ ଛୋଟ ଅଂଶ ଛୁଞ୍ଚି ସାହାଯ୍ୟରେ ଶରୀରରେ ପ୍ରବେଶ କରାଇ ଦିଆଯିବ । ଯାହା ପରେ କରୋନା ଭାଇରସ୍ ସହିତ ଲଢିବ ।

ସୂଚନାଯୋଗ୍ୟ ଯେ, ବିଶ୍ବବ୍ୟାପୀ କୋଭିଡ୍-୧୯ ଟୀକା ପାଇଁ ବୈଜ୍ଞାନିକମାନଙ୍କର ପ୍ରାୟ ୯୦ଟି ଟିମ୍ କାର୍ଯ୍ୟ କରୁଛନ୍ତି । ସମସ୍ତେ ବିଭିନ୍ନ ସ୍ତରରେ ପହଞ୍ଚିଛନ୍ତି । କିନ୍ତୁ ସେମାନଙ୍କ ମଧ୍ୟରୁ କେବଳ ୬ ଟିମ୍ ଏମିତି ଅଛନ୍ତି ଯେଉଁମାନେ ସେମାନଙ୍କର ଲକ୍ଷ୍ୟର ନିକଟତର ହୋଇଛନ୍ତି । ସେଥିମଧ୍ୟରୁ ଗୋଟିଏ ହେଉଛି ମାଡର୍ନା କମ୍ପାନୀ ଦ୍ବାରା ପ୍ରସ୍ତୁତ ଟୀକା ।

   Related Posts