ୟରୁସଲମ ୩୦।୭: କରୋନା ଭାଉରସକୁ ହରାଇବା ପାଇଁ ଇସ୍ରାଏଲ ଏକ ବଡ ପଦକ୍ଷେପ ନେଇଛି । ଏଠାରେ ୬୦ ବର୍ଷରୁ ଅଧିକ ଲୋକଙ୍କୁ କରୋନା ଟିକାର ତୃତୀୟ ଡୋଜ୍ ଦିଆଯିବ । ଆସନ୍ତା ସପ୍ତାହରୁ ତୃତୀୟ ଡୋଜ୍ ଦେବା ଆରମ୍ଭ ହେବ । ତୃତୀୟ ଡୋଜ୍ ଦେଉଥିବା ପ୍ରଥମ ଦେଶ ହେଉଛି ଇସ୍ରାଏଲ । କାରଣ ଏପର୍ଯ୍ୟନ୍ତ ସମସ୍ତ ଟିକା ଦ୍ବିତୀୟ ଡୋଜ୍ ଲୋକଙ୍କୁ ଦିଆଯାଉଛି। ଏଥିପାଇଁ ସ୍ବାସ୍ଥ୍ୟ ମନ୍ତ୍ରଣାଳୟ ମଧ୍ୟ ଏକ ନୂତନ ଗାଇଡଲାଇନ ଜାରି କରିଛି।
ଇସ୍ରାଏଲ୍ କେବଳ ୬୦ ବର୍ଷରୁ ଉର୍ଦ୍ଧ୍ବ ସେହିମାନଙ୍କୁ ଟିକାର ତୃତୀୟ ଡୋଜ୍ ଦେବ ଯେଉଁମାନେ ଅତି କମରେ ୫ ମାସ ପୂର୍ବରୁ ଉଭୟ ଡୋଜ୍ ନେଇ ସାରିଛନ୍ତି । ଚ୍ୟାନେଲ ୧୩ ଅନୁଯାୟୀ, ସରକାରଙ୍କ ଏହି ପଦକ୍ଷେପ ଡେଲଟା ଭାରିଆଣ୍ଟର ସଂକ୍ରମଣ କମାଇବାକୁ ଏକ ପ୍ରୟାସ ବୋଲି କୁହାଯାଉଛି। ଏହାପୂର୍ବରୁ ସ୍ବାସ୍ଥ୍ୟ ମନ୍ତ୍ରଣାଳୟ ସଂକ୍ରମଣ ବିରୋଧରେ ଟିକାର ପ୍ରଭାବଶୀଳତା ହ୍ରାସ ପାଉଥିବା ସୂଚନା ଦେଇଥିଲେ ।
ଇସ୍ରାଏଲରେ ନୂଆ ଗୁରୁତର ରୋଗୀଙ୍କ ସଂଖ୍ୟା ଗତ ଦୁଇ ଦିନ ଧରି କ୍ରମାଗତ ଭାବେ ବଢିବାରେ ଲାଗିଛି। ସୋମବାର ଏହି ସଂଖ୍ୟା ୨୦ ରହିଥିଲା ବେଳେ ମଙ୍ଗଳବାର ଏହା ୩୩କୁ ବୃଦ୍ଧି ପାଇଛି । ସେହିଭଳି ବୁଧବାର ଦିନ ଏହି ସଂଖ୍ୟା ୪୧ରେ ପହଞ୍ଚିଛି। ସ୍ବାସ୍ଥ୍ୟ ସେବା ସହ ଜଡିତ ଅଧିକାରୀ ଅନୁସାରେ ଅଗଷ୍ଟ ଶେଷ ସୁଦ୍ଧା ଗୁରୁତର ରୋଗୀଙ୍କ ସଂଖ୍ୟା ୧,୦୦୦ ହଜାରରେ ପହଞ୍ଚିଯିବ।
