ନୂଆଦିଲ୍ଲୀ, ୧୯/୦୯: ଆଫଗାନିସ୍ତାନକୁ ତାଲିବାନ କବ୍ଜାକୁ ନେବା ଭିତରେ ୨୬ ଅଗଷ୍ଟରେ କାବୁଲ୍ ଏୟାରପୋର୍ଟ ବାହାରେ ଆତ୍ମଘାତୀ ବିସ୍ଫୋରଣ ହୋଇଥିଲା । ଏହାକୁ ନେଇ ଆତଙ୍କୀ ସଂଗଠନ ଆଇଏସ୍ଆଇଏସ୍-କେ ଏକ ମାଗାଜିନ୍ରେ ଆତଙ୍କବାଦୀ ହାମିଦ୍ କରଜଇ ଅନ୍ତରାଷ୍ଟ୍ରୀୟ ଏୟାରପୋର୍ଟ ବାହାରେ ହମ୍ଲା କରିଥିବା ଦାବି କରିଛି । ଯିଏକି ୫ ବର୍ଷ ପୂର୍ବେ ଭାରତର ରାଜଧାନୀରେ ଗିରଫ ହୋଇଥିଲା ।
ଉକ୍ତ ମାଗାଜିନ୍ରେ ପ୍ରକାଶିତ ତଥ୍ୟ ଅନୁସାରେ ୨୬ ଅଗଷ୍ଟରେ କାବୁଲ୍ର ଏୟାରପୋର୍ଟରେ ଆମେରିକାର ସେନା ଏବଂ ଆଫଗାନି ଲେକଙ୍କ ଉପରେ ହୋଇଥିବା ବିସ୍ଫୋରଣର ମାଷ୍ଟରମାଇଣ୍ଡ୍କୁ ଭାରତରେ ୫ ବର୍ଷ ପୂର୍ବେ ଗିରଫ କରାଯାଇଥିଲା । ଅବ୍ଦୁର ରହମାନ ଅଲ୍-ଲୋଗରି ଦିଲ୍ଲୀରେ ଥିବା ସମୟରେ ୨୦୧୬ରେ ଭାରତୀୟ ଅଧିକାରୀଙ୍କ ଦ୍ୱାରା ଗିରଫ ହୋଇଥିଲା ।
ସେ କାଶ୍ମୀର ଉପରେ ହମ୍ଲା କରିବା ପାଇଁ ଭାରତ ଯାଇଥିଲା । କିନ୍ତୁ ତାକୁ ଦିଲ୍ଲୀରୁ ହିଁ ଗିରଫ କରିନିଆଯାଇଥିଲା । ଆପଣଙ୍କୁ କହିରଖୁଛୁ ଯେ ଗତ ମାସରେ ହଜାର ହଜାର ଆଫଗାନିସ୍ତାନ କାବୁଲର ହମିଦ କରଞ୍ଜାଇ ଅନ୍ତର୍ଜାତୀୟ ବିମାନବନ୍ଦର ବାହାରେ ଦେଶ ଛାଡି ପଳାଉଥିଲେ । ସେତେବେଳେ ଆତ୍ମଘାତୀ ଆକ୍ରମଣ ହୋଇଥିଲା। ଯେଉଁଥିରେ ଆମେରିକାର ୧୩ ମେରାଇନ କମାଣ୍ଡରଙ୍କ ସମେତ ୨୦୦ରୁ ଅଧିକ ଲୋକ ପ୍ରାଣ ହରାଇଥିଲେ।